سلم على حايل ....وسلم على شمر....(رائعه)
السلام عليكم ورحمة الله وبركاته .....
هذه قصيده مغناه للشاعر ناصر القحطاني ,,,,صحيح قديمه ولكن اعجبتني
واتمنى ان تنال على اعجابكم
اليكم القصيده
[rams]http://http://songs.njom.net/music/gulf/rm/abdelrahman/abdelrahman152.rm[/rams]
الشمـس غابـت وكـلٍ دوّر سراجـه
والشوق جمّر ما احر الشـوق لاجمّـر
دام اتجاهك شمـال مودعـك حاجـة
سلم على حايـل وسلّـم علـى شمّـر
قدامك الخافـق اللـي ينشـد علاجـه
كنّه معلّـق علـى بـرزان ومسمّـر
وانت تعرف يابعد حيي مـن تواجـه
بيضان الافعال لا من الزمـن سمّـر
ان ضاقوا اعنف من البحر ومن امواجه
وان راقوا اركد من الخرمـان لاعمّـر
كم صيت بيتٍ عتق في الباب مزلاجـه
وكم شيخ امارة قبـل تعيينـه مومّـر
وكـم حاتمـيٍ تكفـي فلـة حجاجـه
وشلون للضيف لو عن ساعـده شمّـر
وان مـر تاريخهـم متلبّـسٍ تـاجـه
كم عاشقٍ كيّف وكـم حاسد زمّـر
في جوٍ اغلى مـن الرجلـي الا داجـه
.من ديرة السادس ومن ديـرة معمّـر
كنّه الا اهـدى لـه البـرّاق ثجاجـه
طلة غريرٍ ضحك ومن الخجل حمّـر
توارثـوا حرثـه وتمتيـر ديبـاجـه
ركّابه الجيـب مـن ركابـة الضمّـر
الوّد لاغرس بدري صعـب مخراجـه
والله ولا الـذ واحلـى منـه لا ثمّـر
ادخل على اللي تطوف البيت حجاجـه
من ناقصٍ عند مـدح الغيـر يتذمّـر
والمدح لو كان في الرديـان للصاجـة
ويقال عمّر بلـد بالعـون مـا عمّـر
والذم لـو زاد فـي الطيّـب تولاجـه
لا احرق ولا اغرق ولاعمّر ولا دمّـر
مانيب متحسف بشعري علـى حاجـة
الا انـي اروح ماغنيـت فـي شمّـر
وانت تعرف يابعد حيي مـن تواجـه
بيضان الافعال لا من الزمـن سمّـر
وسلامتكم وتحيتي لاهل الشمال فديتهم
تحيتي
صمت مغتربه
