نوبٍ خفير ونوب بايع بليلة .. قصيدة في رفحاوي

السالفة وما فيها .. غموض بعض تصرفات رفحاوي بالنسبة للي يجهلونه ..

وهالقصيدة جت في هالموضوع .. وحبيت أحطها بمنتدى الشعر لكم ..

http://www.rafha.com/vb/showthread.p...ewpost&t=22870

مثل المطر للغيم ثقلك وخفــّــك
رجلٍ ثقيل وفي سوالف ثقيلة
نوبٍ شروق الشمس يشرق بـصـفـّـك
ونوبٍ غموض الليل منك دليله
فطنٍ نبيه وصعب لأحدٍ يتـفــّـك
إلا .. ليا جت من سموّ الـ " حليلة "
تضف (( بربكتك )) قـبــل لا تضـفــّـك
وتصير شلخات السوالف جزيلة
أتحيّـر الجاهل ويقلب ملـفـــّــك
وأتضحك العاقل وتصبح دخيله
أقول كفك وأرجع آقول كفـّـك
نوبٍ خفير ونوب بايع بليلة

[align=center]بايع بليلة ...

صح لسانك ...

اشوى اللي علمتن انه بسبب غموضي ...

بغيت احفظه احسبه مدح ...
[/align]

صح لساانك

ورفحاوي فيه من العجايب عد واترك

الغموض بالنسبة للي يجهلون رفحاوي ..
واللي فيهم الشطر هذا ..
" أتحيّـر الجاهل ويقلب ملـفـــّــك " ..

لا تقلب ملفي أنت عاد ..

ليث .. رتــّـب رفحاوي .. وشل منه الدفاشة .. يطلع لك .. شخصية تاريخية ..

صح لسانك ياداشر ...

واستاذ رفحاوي ..يستاهل قصيدة بحجمه ومقداره ...

اما غموضه بالنسبه لي واضح وضوووح الشمس ...


شكرا لك يالدب

تحياتي
صمت مغتربه

نوبٍ شروق الشمس يشرق بـصـفـّـك
ونوبٍ غموض الليل منك دليله

الحمدلله
رفحاوي لغز محيّر لايوجد له حل !
مثل هبايب الصيف احياناً معتدلة واحياناً مثيرة للأتربه والغبار واحياناً قليله هاديئه !
رفحاوي احياناً صديق وسرعان (ماينط بحلقك)!
اذا غاب سألنا عنه واذا حضر تهاوشنا معه !
حتى في الاشهر الحرم !
رفحاوي مثل المطر الي يستغيثون الناس يطلبونه واذا جاهم سيله فرّوا لأعلى مرتفع منه !
ويبقى رفحاوي صديقنا مهما اختلفنا معه ولولى اختلاف الاعضى لما تحرّك المنتدى لأصبح جامد لكن يجب ان يكون الاختلاف حول الموضوع لاواضع الموضوع ولكل وجهة نظره
شكراً يالداشر الا على فكره كنت قبل داشر لاكن هلحين معلّم ياترى ماتغيّر هالنك بالشاعر ؟!

صمت المغتربة ..
نوهّت وبالأخط الأحمر في صدر الموضوع الأساسي .. عن الشرط .. وقلت وهم من يجهلونه ..
والعفووو يا صمت

ههههههههههههههههههههههههههههههههه

حجي قروي .. رفحاوي حاجة عجيبة .. بس حلوة .. مثل المصارع اللي يكون جسمه قوي .. ودك تشوفه وهو يصارع http://smilies.vidahost.com/contrib/sz/yummyimu.gif بس ما ودك أنه يصارعك ..


صح بدنك وهذا تعبير عن شعور إتجاه الحجي ..

^^^^ لوووووووول علييك تشبيه .. :p

صح لسااااانك دبدوب .. ^_^

رفحاوي ما شاء الله عليه العمله الصعبة ومضيف للمنتدى نكهة ثانيه ..

أما عاد على غموضه .. ههههههههه أحيانا يخليني أفسر ردوده على كيفي ..

.. أمواج .. شكراً على المتح على قولة رفحاوي .. والمدح على قولة العرب ..
.
فعلاً رفحاوي عجيب .. وهو حبيب قلبي .. غالي علي حيل .. أما غموضه فهو اللي محلي رفحاوي له طابع خاص ..

وفيه البيت اللي أقول فيه ..
أتحيّـر الجاهل ويقلب ملـفـــّــك
وأتضحك العاقل وتصبح دخيله
.

أقصد فيه أن الجاهل يقرأ رفحاوي بالمقلوب وتصير المشاكل ..

أما العاقل فيضحك على المعنى المفتول .. ويجعل من رفحاوي دخيل له .. ويدافع عنه ..

هذا تفسير بيت واحد .. والبقية أنتظر رفحاوي يفسرها عن طريق شاعر من أقاربه الظاهر .. !!

الدب الداشر
صح لسانك
دمت بود

اقتباس:

---

المشاركة الأصلية كتبت بواسطة القروي

نوبٍ شروق الشمس يشرق بـصـفـّـك
ونوبٍ غموض الليل منك دليله

الحمدلله
رفحاوي لغز محيّر لايوجد له حل !
مثل هبايب الصيف احياناً معتدلة واحياناً مثيرة للأتربه والغبار واحياناً قليله هاديئه !
رفحاوي احياناً صديق وسرعان (ماينط بحلقك)!
اذا غاب سألنا عنه واذا حضر تهاوشنا معه !
حتى في الاشهر الحرم !
رفحاوي مثل المطر الي يستغيثون الناس يطلبونه واذا جاهم سيله فرّوا لأعلى مرتفع منه !

---

[align=center]
هههههههههههههههههه

الله يوسع صدرك يابو بسام ...
[/align]

فطنٍ نبيه وصعب لأحدٍ يتـفــّـك
إلا .. ليا جت من سموّ الـ " حليلة "

ههههههههههههههههههههههههههههههههه مدري ليه تذكرت مدرسنا في راس تنوره اذا شك في كلام نوجهه له يقول سيم تو يو...مشكله هالشعراء يدفنون المعاني ويورطوننا

والله مافهمت هالقصيده..بس اذا هي مدح فالعمده رفحاوي يستاهل..واذا هي هجاء لا بالله عمدتنا مايستاهل...على العموم احتاج تفسير من دبدوب لهالبيت..

المدير السعودي .. صح بدنك يالغالي ..

أشكر لك تواصلك الدائم ..

حجي حبيبي رفحاوي ..

لا زلت أنتظرك يابعد خشمي ..

حجي حمود .. أنت بالذات وصمت مالكم حق تسألون عن شي لأنكم معاصيرن شيخة رفحاوي علينا حنا الثلاثة ..

هو يا أما أنها ولاء وألا أنقلاب :) ..

بس أبورفيحا عارف غلاه عندي .. عشان كذا أستغربت أنه شك بأن القصيدة هجاء ..

عموماً حمود إذا سلمت الدورية كلمني :) ..

داري بغلاك دبدووووووب ...

ومالومك بهالغلا لأنك لقيت كل المواصفات الرائعة بي وما لقيت أي عيب بتاتاً البتة ...

داري قصيدتك انه مدح بس ما فهمته هههههههههه

حـجي رفحاوي كلك حلا وقبلة .. بس "أنو" أنت شاك بالشطر اللي فيه تضف بربكتك قبل لا تضفــّـك ..

هذا طال عمرك المقصود فيه أنك أنت تقول عن نفسك أنك تبربك ولا تقوم .. فالبربكة إذا إحتوت الواحد تطفـــّـش وتملل يعني " تضف البربكة صاحبها" .. بس أنت من ملحك ومن زين سوالفك أنت اللي تحتوي طول هالوقت هذا بملحك وبسوالفك اللي ما تنمل وهنا تصير " ضاف البربكة بزين سوالفك " .. عساني وفــّـقت في إيصال المعلومة وإن شاء الله أنك بتدرس عيالك عندي :) ..

صح لسانك قصيده جميله

لاهنت

صح بدنك
ولا هان غاليك

صح لسانك ياشاعر

صح بدنك يــا ســعودي .. تسلم على المرور...