رشراش2000
كان يجب عليك ان لاتناقش المنطق
الا بهز رأسك بالايجاب لما يقوله واملاه عليك
ولا تقاطعه لأنه قال ما لانستطيع قوله
اعرف لك واحد خريج سجون وداشر بمعنى الكلمه
وفي يوم من الايام اذا هذا الشخص تغير
واسبل اللحيه وقصر الثوب وحف الشنبات
وعندما قابلته وكان بيدي سيجارة L&m الخفيف المنعش
رميتها على استحياء من ذلك المطوع الملتزم جديداً
ماشاء الله فلان التزمت جزاك الله خير
الله يثبتك على طاعته
فكان رده بالحرف الواحد
ايوالله ياخي دورنا وظائف مالقينا
قلت مالي الا ان التزم ومايقصرون الشباب
وفعلا بعد فتره مؤذن بأحد المساجد وموظف بالخيريه
اتمنى تفهمون قصدي من ذكر هذه الحادثه
وفيه مؤذن اعرفه يستلم راتب وحاط بنغالي يذن عنه بالنيابه
والمشكله عندما تناقشهم انت بأي موضوع ينظرون لك بنظرة استعلاء
ويتفلسفون عليك بأمور الدين ويفكرون مايعرف احد بأمور الدين الا هم
اعرف واحد قام ببناء بيته من الجمعيه
وهو قبل يجمع القواطي
وش تبون اكثر من كذا بعد
لعبوا على شواربنا بأسم الدين
قال هم اولى من غيرهم
اجل مانلوم السارق اذا سرق
وهم يسرقون جهاراً
واذا كلمتهم قالوا والعاملين عليها
طيب انت تاخذ راتب مو متطوع علشان نعتبرك من العاملين عليها
قال لا راتب واهبش متى مابي وكم مابي
اهبش يابو الهبش
رشروش شف لنا جمعيه وخلنا نسجل فيها نترزق الله
ونصير من العاملين عليها
والسلام عليكم
تحياتي للجميع
