قصيدة عمتي أم فهد في رثاء بناته
يالله يامصبر القلب يامصبر == يامسلي العين بدموع
هذا مطلع لقصيدة رثاء قالتها عمتي أم فهد شفاها الله في بناته الثنتين عندم توفين في حادث قبل سنتين ونصف رحمهن الله وغفر لهن وقد رثتهن بعدت قصائد وقد كلفتني بنشر بعض القصائد واخترت لكم هذي القصيدة المعبرة العامية المتواضعه والتي تقول فيها
............................
يالله يامصبر القلب يامصبر == يامسلي الـعـيـن بـدموع
والله لـولا العين ماتعبر == لاصيح والـصـوت مسموع
وامشى مع الناس متهبل == والقلب مابين الاضلاع موجوع
على شريكات الروح يامدبر == اللي غلاهن بالقلب مزروع
ابكي بناتي الثنتين واعبر == امر ربي وماعن امره مجزوع
خاطري عليهن حيل متكدر == وبالي من عقبهن منزوع
ادعي الهي وربي واكبر == يجعلني معاهن بالجنه مجموع
يارب ياغافر لكل مستغفر == اغفر لي وارحمني وامرك مطوع
يالله يامصبر القلب يامصبر == يـامـسـلي الـعـيـن بــدمـوع
والله لـولا العين ماتـعبـر == لاصيح والـصـوت مـسموع
وسلامتكم ..
ولاتنسون عمتي من دعواتكم فهي قد تعرضت لأعاقة بسبب الحادث وهي الان منومة في مدينه الامير سلطان الطبيه للخدمات الانسانية بالرياض
