[ALIGN=CENTER][/ALIGN]
عرض للطباعة
[ALIGN=CENTER][/ALIGN]
شكرا لك اختنا زهرة الأوركيد
وفي تلك الخطوات الاربع بعض الحل
لكن يصعب تطبيق بعضها في مجتمعاتنا أو على الاقل بعض المناسبات لدينا
ربما تتناسب كليا للمجتمعات الغربيه او الى حد ما للمجتمعات المنفتحه
وما دمنا نخضع لبعض قواعد (الشيبان) واستخفافهم ببعض التصرفات ومطالبتهم بالثقل والعقل والتحفز دائما خاصة في حضرة الاجانب والحذر من النقد
سيبقى تطبيقها صعب علينا على الاقل في المناسبات الرسميه والتي ينبغي ان تستغل لبناء جسور من التواصل الاجتماعي والتعارف
مرحبا أخ همام
ومشكور ع المرور والرد
فيني أفتح مجال للنقاش؟؟
الطرق هذي يمكن تصعب في المناسبات الرسمية والرسمية جدااا
لكن فعااااله في المناسبات العادية واللي يمر فيها عليك غرباء بعدد قليل لا يتجاوز العشره
أما قواعد الشيبان ( ربي يحفظهم ويبقيهم لنا ) فسهل جدا نتجاوزها ونغير رأيهم فيها بشوية NLP إذا هي مرت عليكم
بكلمتين حلوين وكم محاولة إقناع وإصرار حتلاقيهم يشجعوك على الظهور للمجتمع هذا إذا ماخلوك في الواجهه على طوول :)
تحياتي لك
زهرة الأوركيد
ام الاوركيد ... نقل حرفي لفكر غربي ... وللاسف اننا نهزا من عاداتنا وتقاليدنا ونعتقد اننا بذلك بلغنا الحضارة !!! كل ما ذكرتي ( او بعبارة اصح نقلتي ) غلط بغلط ... وساعلق على بعض ما نقلتي :
قلتي ( كلنا نذكر تلك التوجيهات التي كنا نتلقاها في طفولتنا، مثل: "لا تتكلم مع الغرباء" و"السلامة خير من الندامة"، والتي قد تشكل عندنا في فترة لاحقة حواجز من شأنها أن تحدّ من مهاراتنا الاجتماعية في التواصل مع الآخرين.. ) ...وهذا غير صحيح ابدا فعندما نكبر لا تكون بيننا وبين الناس عقدة بل بالعكس نتخاطب ونبتسم مع اي انسان حتى لو تقابلنا في السوق او اي مكان ... لكن الغرب ( تكرمون ) من الصعب ان تتخاطب مع احدهم ان لم يكن بينكم عمل او دراسة ويكون الكلام بحدود .
قلتي ( إن الانتقال إلى دور قيادي على مستوى العلاقات الاجتماعية؛ من تعريف الآخرين بالنفس، وتعريف الآخرين ببعضهم، والمبادرة في فتح الحوار في جلسة ما (ببساطة "كسر جمود الجو العام")، قد يحمل معه جانباً من المجازفة. ) ... وهذا غير صحيح ايضا فلا يوجد لدينا جمود ومن سابع المستحيل ان تجد مكانا لا يوجد فيه نقاش ... بينما صعب تجد الغرب يتكلمون مع بعض .
اتركوا عنكم الفلسفة وهالمصطلحات الغربية واللي لو فيها خير كان نفعت اهلها قبلنا .
أهلا وسهلا بالأخ رفحاوي
أستانس لما الحوار يدور والموضوع ينشط يارب يخليك
أول شيء ممكن تهدي ... وتشرب كاسة عصير عشان صحتك :)
وخذ استرخاءه بسيطه حتى نتناقش بهدوء وجديه ومن دون تعصيب
احنا صحيح نبتسم لما نقابل أحد واحنا ماشيين بس ما بنتكلم معاه بالساهل
وحتى لو تكلمنا ما بنتكلم بثقه وجرأه ,, تلاقي الواحد يتلعثم أحيانا وساعات تكون ردوده في حركات بدال النطق
ماأنكر أنو للجسم لغة وممكن توصل المعلومه بس مش دايما
ثم قول لي قدايش فيه شباب الأيام هذي بيعانوا من الرهاب الإجتماعي؟؟ كثير
وبسؤال لطبيب نفسي ممكن تتأكد
طيب ,,
كمان شوف الأطفال لما بتكون بزيارة مابيتفاعلوا مع بعض بالساهل وتلاقي الصغير لاصق بأمه على طوول
ساعات حتى في زيارات الأقارب بتلاحظ الشيء هذا..
خذ مناسبة بتجمع ناس مش دايما بيشوفوا بعض ,, ايش بيصير " أهلين كيفكم ايش أخباركم كيف الأولاد كيف الصحه والذي منه " وخلاص،، تلاقيهم ساعه بيسألوا من الأسئلة هذي وبعدين يملوا ويسكتوا..وكمان شويه يرجعوا يعيدوا سلاماتهم!!
طيب ليه مافيه حوار حقيقي ,, ليه مافيه طرح لمواضيع بتستاهل,,؟؟
طيب ,,
خذ مثال ثاني في مجال الدعوه
الداعية ( بعضهم .. مو الكل ) تلاقيه مو عارف يدير اجتماع أو مناسبه ,, مو عارف يشد اللي حوله لمحادثته ونقاشه
طيب ,,
لما نقول الجمود العام نقصد الطريقة التقليدية في الإجتماعات والمناسبات مابنقصد أنو المجلس يكون مشهد صامت!!
مستحيل تلاقي مجلس صامت خصوصا لو فيه عنصر نسائي :)
والكلام اللي نقلته فوق هو بداية الطريق إلى القيادة
مابقول زي العالم اختلاف الرأي لايفسد للود قضية ,,,
أقول اختلاف الرأي هو طريقنا للوصول إلى الصواب
تحياتي لك
زهرة الأوركيد
زهره انا مع المشرف همام رايه اعجبني
واخوي العزيز رفحاوي تراه صريح جدا بس قلبه طيب
مداخلتي معكم ستقتصر على بعض المواقف
وتذكرت مواقف كثير لاصدقائي وبعضها لي :D
يروي احدهم واخوته نفس المعاناه اذا جو رجال وجلس يقهويهم قال ابوه قم رح داخل هاذا مع التلطف والا الغالب رح لمك :mad:
والا اذا سولفت على السليقه صغير وقالك ابوك بس ولا كلمه لا تكلموا الرجال عيب تسولف :-/
وموقف لواح ايام رفحا القديمه جاء ولد عمهم لهم وقت الغدا جاي يدور اللعب
المهم قلطوا الغدا وقاله عمه تعال تغد قال ما ابيه
تعال ولا وتعال ولا
قام العم وكفخ الولد تكفيخ وجاء الولد ياكل واليدام الدموع لياما شبع
شفتي كيف الحريه والتعبير حتى عن بطنك
واختم بموقف لاحد اصدقائي وهوطريف جدا جدا
يقول انا كان ابوي اذا جوه ناس ويبي يسولف يطردن بس يوم كبرت وحضرت السوالف اكتشفت ان ابوي كذوب :) وكان يصرف حتى لا اندفع بطفولتي واكشف المغطى
وكانت الطردات المتلاحقه بعد ان صححت له بعض المعلومات في قصه صارت له وانا معه :cool:
الاخ الغالي / هرطمان
لا انكر ان بالجيل السابق عيوب ولكنهم طلعوك وطلعوا امثالك من اهل الخير ...ولكن مقارنة بالجيل الحالي افضل الف مرة ...
شف عيال هالوقت ما تفرق بين الولد والبنت ... الولد يجيك ناعم ووجهه بارد واخبل منه مافيه ... والبنت قاصة شعرها كانها ولد وشغلها زينة وسوق ومن هالامور التافهة مثلهن ... اخي الكريم اذا اردنا ان ننتقد غيرها فيجب ان نصلح انفسنا او على اقل تقدير ان نكون افضل منهم ...
الاخت / ام اوركيد
يبدو انك تتكلمين عن مجتمع نسائي او مجتمع على احد البحور والذي يعتبر بعيد كل البعد عن المجتمع الرفحاوي ... فاعتذر لك عن مداخلتي السابقة وكملي نقاشك فلعلك تجدين حلا لكم.
أخ هرطمان
أهلا فيك و ف مداخلاتك والحاجات هذي تحصل في كل مكان مش بس ف رفحاء
أخ رفحاوي
أنا بتكلم عن حاجه لمستها ف الرياض و ف الشرقية و ف بلدي .......
يعني بتبقى رفحاء لوحدها مافيهاش ؟:-/
ويارب يخليك
هرطمان
نسيت أقول لك أنا بحب النقاشات العقلانية ومابزعلش منها بس ماتوصلش للضرب والزعيق:D
تحياتي
زهرة الأوركيد
السلالالالالالالالالالالالام
اخوي رفحاوي انا معك على طول الخط
وترى تبع الشيبان يعجبني ويعجبوني لو حتى بقوة الراس وصلابه الراي
يا حبي لهم
وصحيح طلعوا ناس وتربيتهم من ناحيه الرجوله والخشونه ما عليها كلام
لاكن من ناحيه توسعه دوائر المعارف والتلصق الي يسمونه الحين دبلوماسيه هاذي لا تدورها عندهم
اختي زهره الاوركيد
بداية :2mad ثم :vmad
اي نو وفهمت بس ترى طبعي كذا احيانا على قولة اهل الكويت ادش عرض
اختي عندنا لو كل ما لاقيت واحد قلت له انا فلان ربما يجيك رد ما يخطر لك على بال
او تتخذ سخريه وتعليقات من الشله لان ما عندهم دلع
لاكن للامانه اذا كان بالمجلس اجناب يعرف المعزب بعضهم على بعض او احد مرافقي الضيوف
والان الشباب عند السلام خاصه المثقفين ( مو مثلي) يعرفون بانفسهم
انا اعرف بنفسي لكبار السن اما الصغار ما اعطيهم وجه
وصراحه اشوف فايده
وبعض الاصدقا بالرياض اصبح الامر عندهم عادي جدا ولا فيه حرج والملتزمين حتى عندنا يعرفون بانفسهم وبعضهم
:D تخيلي وجه الواحد وانا اعرف باسمي واقوله اخوك هرطمان :p
اخي الغالي / هرطمان
قلت ( اخوي رفحاوي انا معك على طول الخط ) ... ارجو عدم الزعل واسمح لي ان اعارضك وامل ان لا يؤثر في نفسك الشامخة شموخ دلة شارع الاربعين ... فلن اتركك حتى لو انتهى الخط فساواصل معك ان شاء الله .
احب ان اجدد اعجابي الشديد لما تكتب وامل ان تزداد رقيا وان لا تنظر لمن سقط في مهاوي التفاهات .
الاخ / ام اوركيد
اجدد اعتذاري لك ... فمجتمع الرياض ليس احسن حالا من البحور العجيبة ... فكل هذه المناطق يندرجن تحت صنف المجتمع المتدهور المتهافت على الامور التافهة للاسباب التالية :
1. الكرم يكاد يكون معدوما .
2. لا توجد علاقة بين الجيران .
3. لا يوجد ارتباط اسري وخاصة بين الاخوة .
4.لا يعرفون اغاثة الملهوف .
5. نفوس شينة .
6. الرجولة المعدومة والراي والقرار بيد الحريم .
حقيقة ارجو المعذرة لاني لم اصفهم وصفا تاما لان الوقت لم يسعفني .
المجتمع الرفحاوي ... مجتمع كريم شهم يعجز الانسان عن وصفه او حتى اعطاؤه حقه... لا اقول انه مثالي لانه تاثر بمن جاؤوه من المجتمعات السابقة الذكر.
الى مجتمع رفحاوي مشرق.
اختي زهرة اوركيد انتي رائعة
والجماعه معهم حق بالنسبه لتقبل مجتمعنا
هرطمان + رفحاوي
الى متى وانتم تعاندون ليش ما تجربون تخلون الراي بيد الحريم
صدقوني تعيشون بسعاده وترتاحون
او افعلوا مثل بعض الدول يوم للنساء وشوفوا ممكن تخلونها طول العمر:)
أهلا فيكي ستي المزيونه
وتسلمي ع التشجيع والرد الحلو
بس أنا مابطالب أنو الرأي يكون بيد الست الراي الصواب بندور عليه ونعمل فيه من مين ماكان
الأخوين الغاليين المتواصلين مع موضوعي
ولافاهمه أي حاجه:-/
ممكن توضحوا
الاخت / المزيونة ...
للاسف بدن الحريم يتجران ويفرضن رايهن وصرنا اقرب ما نكون للسواقين بس الفرق بيننا ان معنا بطاقة وما ناخذ راتب ... فيه مثل جديد اخترعته لرجال هالوقت ( ظل مرة ولا ظل جدار )... صرنا ندربي روسنا ورى الحريم ونسالهن وش رايكن ؟؟!! ووش نسوي ؟؟!!
الاخت / ام اوركيد ...
مانتي فاهمة الموضوع وامتحنتينا تعليقات ومناقشات ... اجل وشلون لو كنتي فاهمة ؟؟!!
مش مش فاهمه يعني مش فاهمه وأنا مش بجرجركوا ف الكلام
بس المشاركه الأخيره مش واضحه بالنسبه لي
:rolleyes:
تحياتي
زهرة الأوركيد
الاخت / ام اوركيد ...
مدري اي مشاركة اخيرة تقصدين ... لكن ابي اختصر لك رايي ... اقصد ان المجتمعات المختلطة زي الرياض وجدة والشرقية مجتمعات تعبانة ولا توجد بها العلاقات الاجتماعية القوية ... لكن المجتمع الرفحاوي الكريم الابي غير .
يااااااااارب يخليه ليكم
واضح أن حميتك ليه كبيييييييييييره جدا
تحياتي
زهرة الأوركي