[poem=font="Simplified Arabic,4,black,bold,normal" bkcolor="transparent" bkimage="backgrounds/20.gif" border="none,4,gray" type=1 line=1 align=center use=ex num="0,black"]
عرفت بالدنيا صداقات وأخيار=وعرفت بالدنيا كثير البلاوي
عرفت إن الطيب عزّه ومقدار=وإن الردى ماله مع الناس هاوي
وعرفت إبن العم لو صار ماصار=ماله بدال عيال عمه مداوي
وإن الغريب بقوم لو كان مختار=يبقى غريب ومنعطب بالمكاوي
وعرفت إن المال لو ألف مليار=ماينفع المليار فقر الهواوي
وعرفت دام الطيب موجودله كار=يدوم مادام النفس له بقاوي
وعرفت مالي غير وافين الاشبار=ربعي على الفزعات كفخ النداوي
يالله عسى ماصار مافيه تكرار=ونعود يدٍ واحده ماتلاوي
هذا الخبر وافهم كلامي بتذكار=دنياك مادامت وماله مخاوي
ومن مالمع ذكره بذايعة الأخبار=يموت يحيا كلها بالتساوي
واللي تعلى صيته بكل الأمصار= يبكي عليه الكل دمعٍ شقاوي
مامات يبقى حي بقلوب وأبصار=مادام فعله باقيٍ له حراوي[/poem]
