هل تفعلينها لو طلبها منك ليلة الدخله؟؟؟
هذه"""" قصه واقعيه حصلت في ليلة الدخله
أول شي أنا وضعت هالقصه حتى أعرف ماهي ردودكم على مافعله هذا الرجل بعروسته؟؟!
إليكم القصه
شاب راح يخطب وحده وتمت الموافقه على الخطبه ومن ثم الزواج
المهم وش اللي صار ليلة الدخله بعد مادخل صاحبنا شقته مع زوجته والا جواله يدق ويقوم خوينا يرد على الجوال ويدور
الحوار التالي/
الزوج/ ألووووو
المتصل/ السلام عليك، كيف حالك يا (فلان) وألف مبروك
الزوج/ وعليكم السلام وينكم ياأنذال ماحضرتو الحفل ياتعبانين
المتصل/ والله تعطلت علينا السياره في الخط وأحنا جايين عندكم ووصلنا وسألنا عنك قالوا أنك رحت مع المدام ، والحين حنا راجعين الديره (طبعا" الديره تبعد حوالي 300 كم)
الزوج/ المهم تعشيتو
المتصل/ لاوالله
الزوج/كم عددكم
المتصل/ عشره
الزوج/ أقولك(حرم وطلاق عشاكم الليله عندي) قل تم
المتصل/ ياأبن الحلال مايصير أنت عريس جد وووو
المهم مافي فايده الزوج مصر الا يتعشون عنده
الزوج/يالله أنا أنتظركم مع السلامه
وقفل الخط
الزوجه المسكينه ماهي مصدقه اللي سواه زوجها ليلة الدخله
ثم قال يافلانه أنا رايح السوق وراجع
( على بالها يبي يجيب عشاء جاهز لهم)
بعد ربع ساعه رجع الزوج ومعه أغراض العشاء
قالت الزوجه وش ذا؟؟
قال العشاء لزملاي في العمل جايين من بعيد ولاتعشوا
""""وفي أثناء الحوار""""
وأن الباب يدق
قال هم ذولا وصلو يالله همه يامره وراح عند ربعه يقهويهم
المهم المسكينه في المطبخ تقطع البصل والطماط بفستان الزفاف وعيونها تدمع وتقول في نفسها ( بكره بأرجع عند أهلي من الفجر وأطلب الطلاق)
المسكينه سوت العشاء وتعشوا وراحو لديرتهم
المسكينه متضايقه
والمفااااااجأه ؟؟؟؟؟
يدخل زوجها عليها ويرمي لها (50000) خمسين ألف ريال
قال هذا حقك
قالت وشو حقه
قال الرهان اللي بيني وبين زملاي العشره على كل واحد (5000) بأنك تطبخين ليلة الدخله
وش يكون ردة فعلك موافقه ولا لا
لا وأنتي من كسب الرهان
وتمت ليلتهم على خير وصاروا أسعد زوجين
بصراحه لو كنتي مكان هالبنت تسوينها ولا.....لا؟؟؟
أتمنى التفاعل منكم
