عرض للطباعة
الأخت انا رفحاء
من غير المقبول ان يكون اول موضوع بهذا الشكل
بامكانك معالجة ومناقشة قضيتك بشكل افضل بعيدا في عن بعض الامور التي لانقول ان هدفك الاساءة للمنتدى ولكن قد يفهم منها ذلك
ومن المعروف يااختنا الكريمة في عالم المنتديات وبشكل ليس فيه ادنى شك ان مايكتبه العضو يمثل رأيه فقط وليس بالضروره ان يكون رأي إدارة المنتدى فكيف تطالبيننا بالاعتذار عن مايكتبه كل كاتب
اذا كان لديك قضيه تفضلي وناقشيها والمنتدى للنقاش
ومرحبا بك في منتداك
الإشراف
هلا فيك الرفحاويه يالله حيها بين اهلها وناسها
بس وانا اخووك والله مدري وش كتبتي لان الشوف شجر
عموما اتمنى لك اقامه بين اخوانك سعيدة
http://www.patswebgraphics.com/index.../BcancerA4.gif
بسم الله الرحمن الرحيم
حياكي الله اختي الرفحاوية
و نشكرك على الملاحظه الحلوة , ونتمنى انك ما تحكمين على الجميع , ولكن كل شخص يكتب بثقافته وفلسفته الخاصه .
و نتمنى انك تظلين معانا في في المنتدى
انا الرفحاويه
مشكوره على ماقدمتي وسوف اعلق على ذا الموضوع في مشاركه بموضوع المراءه
ولك تحياتي
يا أهلا وسهلا .........
نور المنتدى بقدومـــــــــــــكِ ......... والمهلي ما يولي .......
والعشاء الليلة عند الشيخ فؤاد .........هههههههه
حياكِ الله .........
التوقيع ما هو غريب علي ،،،،، ثم أين موضوعها ،،،،،
حذف من الإشراف جميعه ،،،،،،،،،،،، الله يخلف عليك يا أنا الرفحاوية ....
انتبهي لعمرك بس ......... ولا تستعجلين ،،،،،،،، غيرك يا ما كان أشطر ،،
ما ينفع الهجوم على صاحب المنتدى ،،،،،،،، كناطح صخرة ليوهنها ،،،،،
ريح روحك ثقافي ما هاجمت صاحب الموقع
الطفقه ماهي زينه
أجل أنا استعجلت يا هر طمان ......
ما عليش ........... ننتبه المرة الجاية أجل ،،،،،،،،،
عطوا البنتاخي فرصة لعل وعسى نكسب عضوة فعالة ...
مراحب بالعضوه الجديدة
[ALIGN=CENTER]ويا هلا وغلا فيكم.. مشكورين وما قصرتوا..
وهذا مو شيء غريب من أعضاء منتديات رفحاء..
ويا ثقافي أنا ما قلت غير كلمه الحق.. وكلمة الحق.. زعلت مشرفين المنتدى ..
الي صار ان المرأه انهانت في منتداكم.. وأكثر من مره.. والغريبه ان المشرفين ساكتين .. ويوم رديت طلعت انا الغلط..
والغلطان موجود ويشارك.. ولا اعتذر ولا شيء
بس صدقوني.. ردودكم لي.. أحسن بكثير من الطرده الي جاتني من المشرف
وان شاء اللة نبقى أصحاب..
والله لي فتره ادخل هنا واشوف مواضيعكم.. وكنت حابه اشارك معاكم.. بس يالله ..
ربي يوفق الجميع[/ALIGN]
وأكيد ردي بينحذف.. صدقني ياالمشرف حذف المواضيع مو علاج ..دور حل غير الحذف.. لانك تتهرب بهالطريقه من المشكلة
الاخت انا الرفحاويه
هلاهلاهلاهلاهلاهلاهلاهلاهلاهلاهلاهلاهلاهلاهلاهلاهل اهلاهلاه
هلاهلاهلاهلاهلاهلاهلاهلاهلاهلاهلاهلاهلاهلاهلاهلاهل اهلا
ومرحبا
والله يحييك
ويحيي رياح التغيير
ليش الزعل ليش ما تتقبلين الراي الاخر
على فكره انا ارسلت للمشرف اطلب حذف الموضوع وكنت موجود ساعتها واقول ماهي معقوله
ومع احترامي الشديد لشخصك الكريم لو رديتي على نفس الموضوع ما يمكن يحذفونه
لاكن ضيفه الله يرضى عليك وتبين ترحيب
وشانه هجوم على واحد منا وفينا باول مشاركه
الاخ ثقافي حصل خير
هلا والله هرطمااان..
صدقني أنا احترم رأيك كثير كثير.. ومواضيعك جدا ممتازه..
وعلى فكره انا متابعه للمنتدى من سنه تقريبا.. واعرفكم كلكم.. حتى لو انتوا ما عرفتوني..
بس السالفه طالت.. والمرأه انهانت اكثر من مره ومن نفس العضو..
عيب عليه لما يشبه المرأه بالغنم..
عيب عليه لما يكرم الحوش على المرأه
أكيد يا هرطمان انت ما ترضى بها الشيء
وانا ما شنيت هجوم زي ما تقول..
انا كرامنتي انهانت هنااا
وابي ارد كرامتي
ولا انت ايش رايك؟؟؟ توافق الكلام الي قاله ........؟؟
هلا وغلا بالبنتاخي الزعلانة ... لك حق تزعلين ثم لك حق نرضيك ...
كنت شاك انك تكلمين عني لكن يوم حددتي اسمي اخر شي اضطريت مشكورا اني ارد على اخت غالية ... وللمعلومية والله مدري وش كتبتي ولا يهم وش كتبتي اذا كان كلام غير منطقي ...
ارجع لكلامك متى قلت ان الحريم زي الغنم ؟!!
اذا كان قصدك موضوع الكوافيرة واحراج العروس وقريباتها ... ما قلت انهم غنم بس اعيشهن حياة الغنم عشان يصيرن حريم زي الثانيات ... اقصد هالحريم التافهات مهو كل الحريم ... معقولة وحدة ليلة عرسها ما هي عارفة تزين الا لازم بكوافيرة ؟!! ولا وحدة من هالحريم قدرت تزين العروس ويزفون !!!
والادهى والامر الرجال جالسين ينتظرون الحريم !!!
اختي كنت اقصد هالفئة التافهة الساذجة الغبية ومن يحذو حذوهم ... لكن غيرهم احترمهم واقدرهم ... وانتي يالرفحاوية اختاري اي فئة ... واتمنى تكونين من الفئة الراقية الناضجة .
عموما لا تضيقين نفسك يا بنتي ... فيه دور ثاني شدي حيلك .
رسالة شكر وتقدير وعرفان ارسلها للمشرفين لما قاموا به من اجلي واتمنى ان يستمر هذا الدور الفعال منهم .
هلا والله رفحااوي..
حلو الواحد انه يعترف بغلطه.. وحلو انه يعتذر..
وانت ماقصرت..
وبالنسبه لاداره المنتدى.. تصرفت تصرف غريب اقدر اشبهه بالهروب
يمكن هذي سياستهم في التعامل مع الأعضاء..
ويمكن كلامك كان عاجبهم.. عشان كذه تصرفوا بالتصرف الي عجبك وسميته الدور الفعال
بس سيايتهم واضحه
حل المشكله = حذف الموضوع
وبعدين ايش تقصد بــــ
بالبنتاخي ؟؟؟؟؟
ياليت تناديني باسمي المكتوب.. عندك على الشاشة
.................................................. ....................
مافي غيري أحد.... رفحاوية
هلا رفحاوية ( معليش ماقدر اكتب الضمير اللي قبله ) ...
كنت اناديك البنتاخي لعدة اسباب ... اولا انك من رفحاء ثانيا وهو اهم سبب محاولة مني كي تقتدي بي وتتعلمين مني فنون الكتابة وكل ما هو نافع ومفيد .
يا رفحاوية متي اخطيت ومتي اعترفت اني اخطيت ومتي اعتذرت ؟!! الاعتذار من الخطا عندي اسهل من شرب الماء ولا اتردد ثانية واحدة عن الاعتذار يا طفلتي الغالية .
رفحاااوي.. انا ما اقتدي بأي أحد.. وبعدين انت أخطيت ..
والكل يشهد..
وبليييززز لا تناديني طفلتي.. لاني أكبر من كذه بكثير
الأخت انا رفحاويه
الاعتراض والحذف بسبب الاسلوب وليس بسبب الموضوع
ومن قال لك اننا نتهرب من المشكله ومن قال لك بوجود مشكله انتي من صنع مشكله وانتي من يحاول حلها ومن حيث الاصل هي لاتوجد
هو موضوع للنقاش تستطيعين طرحه باسلوب من دون تشهير
ثم تكثرين العتب على الاشراف والمشرفين بدون داعي
نحن نفتح الفرصه للجميع والنقاش
فضلا لاتجعلي الاشراف بينك وبين اي مشكله والمشرفون يفعلون مايرونه مناسب ولكن ليس شرطا ان يوافق رأي العضو
ففي موضوع واحد تجدين الاعضاء الى قسمين فلن يستطيع المشرفون ارضاء الطرفين
اكرر حذف الموضوع للاسلوب وليس لذات الموضوع
هلا والله بالأخ الأسلمي...
صدقني أنا ما أحب اسوي مشكله.. بس زي ما قلت الغلط ما ينسكت عليه واذا انتوا رضيتوا فيه .. فأنا لا
والحمد الله الرساله وصلت لصاحبها عشان ما يكرر غلطه
وما يستهزأ بالناس ويقلل من قيمتهم ويصفهم بأوصاف ما تليق بهم
وانا معاك الموضوع لازم يحذف .. مو عشان شيء.. بس عشان سمعه المنتدى
مو حلو ان زوار المنتدى يعرفون ان في عضو متميز جدا يهين المرأه والشعراء بعد..
(( أخ الأسلمي .. اذا اسلوبي مو عاجبك.. رحو شوف اسلوب رفحاوي قبل ))
ولكم جزيل الشكر
الاخت انا الرفحاويه
أهلا ومرحبا بك أختا كريمه بين أهل كرام
ولك الحق كامرأه أن تتكلمي وتطالبي وتناقشي والباب مفتوح لك ولغيرك
ولكن هل ترين أن ما سلكتيه كان هو الطريق الصحيح في تصحيح الخطأ وعلاج المشكله
فتح باب النقاش باسلوب فيه لين مع الشخص المخالف أحرى بالقبول
والله يقول لرسوله ( ولو كنت فظاغليظ لقلب لانفضوا من حولك )
وفي الحديث الشريف (الرفق ما كان في شئ الا زانه وما نزع من شئ الا شانه )
الا ترين الماء على لينه يقطع الحجر على قسوته
وانا مصدق لك فيما قلتيه من متابعه المنتدى منذ زمن ولعل هذا هو الشئ الذي جعلك مشحونه تجاه خطأ معين فلم تتكلمي الا بعد أن بلغ بك الغضب مبلغه
فيحرم اكثر من 400 عضو ومئات الزوار من مشاركاتك بسبب شخص واحد
ربما تحملين النيه الصادقه لمعالجة ما ترينه خطأ وهذا جميل نشكرك عليه ولكن بمثل هذه الطريقه تجعلين نفسك في موضع التهم وتفقدين فرصة الاصلاح والتقويم
خاصة وانها المشاركة الاولى
وكلنا أمل أن يتسع صدرك لما قام به الاخوة ويكون العفو سمتك وحسن الظن بالجميع
والمرأه هي الام والاخت والبنت والزوجه وليس بيننا من نبت من شجره
الاخ ثقافي / لن ازيد على ما قال المصطفى صلى الله عليه وسلم لعمر بن الخطاب
كان الاولى ان تأمرني بحسن الأداء وتأمره بحسن الطلب
وأنت قلت : ما ينفع الهجوم على صاحب المنتدى .
أرجو أن تفرق بين المنتدى وصاحب المنتدى
هلا والله أخ همام
مشكوور وماقصرت وصدقني أنا احترم رأيك كثير كثير..
وكلامك صحيح.. وما عليه غبار..
وانا ما أحب اني اكون سبب في حدوث مشاكل بالمنتدى..
وخصوصا ان حركه حذف أو موضوع لي .. زعلتني كثير.. يمكن تكون غلط مني
لكن .. انا شفت الاهانه متكرره في المنتدى وخصوصا للمرأه .. وانتوا ما حذفتوا هاالمواضيع .. كيف تبيني اتصرف؟؟ عموما الخطا وارد ..
وأنا يكفيني ردك لي..
بس الي غلط لازم.. يعرف خطاه عشان ما يعيد الكره مره ثانيه
والاداره ردت علي وقالت كيف تجبرين نخلي العضو يعتذر.. ليه ما يعتذر دام هو غلط ؟؟؟
ولكم جززيل الشكر
عفوا استاذنا الاسلمي
لم اعلم بردك حيث كنت اكتب الرد مع انشغالي فاستغرق وقتا طويلا
فوالله لم اعلم
ولو علمت لما شاركت ففيكم البركة
اختي انا رفحا
المسألة ليست مسألة أنت مخطئ عليك أن تعتذر
ربما تكون قناعات فكريه تحتاج لمناقشه ونحن لو فرغنا انفسنا لمناقشة كل جزئية لما استطعنا أن نصلي مع جماعة المسلمين
وليس هذا من عمل المشرفين أن يقوموا بأقناع كل مخطئ
ثم يقنعونه أن يعتذر
ارجو ان تفهمي هذا جيدا يكفي ان نقوم بحذف الخطأ أو نتركه لمن يرد عليه ويناقشه او نقوم بمناقشته من وجهة نظر شخصيه بحته لا تمثل رأي الموقع انما تمثل رأي المشرف فقط
هذا هو تحرير الاشراف لمشاركة الاخت ،،،،،،،،،اقتباس:
الرسالة الأصلية كتبت بواسطة أنا الرفحاويه
الأخت انا رفحاء
من غير المقبول ان يكون اول موضوع بهذا الشكل
بامكانك معالجة ومناقشة قضيتك بشكل افضل بعيدا في عن بعض الامور التي لانقول ان هدفك الاساءة للمنتدى ولكن قد يفهم منها ذلك
الإشراف
وأنا على ما ورد فهمت أنه هجوم على المنتدى،،،،،،،
لكن تبين لي خلاف ذلك ،،،،،،،،، وللأهمية جرى التنويــــــــــــه ،،،،،،،
فلا تفهمونا غلط ،،،،،،،،،،
الاخت أنا الرفحاوية ,,,,,,,,,
أهلا بك مرة أخرى ،،،،،،،،،
ســــــــــــــــــــلام ،،،،،،،،،
أختنا الرفحاوية
حياك الله وبياك وجعل طريق الجنة ممشاك
أهلا وسهلا بأخت انضمت إلى ركبنا
نأمل لك طيب المقام ولنا بالفائدة من تواجدك بيننا
أخيتي
ماهكذا تورد الإبل
فالكل هنا إخوة ويتقبلون النقاش والنقد البناء لكن التصريح والتجريح مرفوضان بيننا
لا أحد ينكر مكانة المرأة في المجتمع وديننا الحنيف أعلى شأنها وكرمها
وكما قال الأخ همام
المرأه هي الأم والأخت والبنت والزوجة وليس بيننا من نبت من شجره
حياك رب العزة والجلال أخيتي
وننتظر منك الكثير
أختك المحبه
عاشقة الجهاد