// مستشفى رفحا // (((((( ليه هلون ؟ ))))))

[align=center] [/wطبعا اكيد يبي يجي واحد مطبق ويقول الله يعين من هالعضويات الجديده

وأقول له ايه الله يعينك

اصلا انا ما سجلت هنا الا عشان هالموضوع وبعدها اروح بحالي حتى يحكولي الربع بالاستراحة وغير الاستراحة عن موضوع ثاني يستاهل .. وهاك الساعة راح اكتب هنا واحط مواضيع تصلح لاسمي اللي هو:- < ليه هلون ؟ >

وسبب هالموضوع ان الربع أثارو قضيه دوّخت راسي وخلته يدور مليون دورة وصارت تفاعلات خميائيه كميائيه حيويه برمائيه فسلولجيه أثارت تساؤلات تخرّع العفاريت خلتن اسجل باسم < ليه هلون ؟ > واطرح هالموضوع
واصيح بنفسي واردد:- ليه هلون يا مستشفى رفحا ؟؟؟

ويمكن واحد يخالفني ويقول:- يا مستشفى رفحا ليه هلون ؟؟؟ :p

عادي مامن مشكله

المهم اخش دغري:-

ياالربع

بعض البلاوي تنرقع يمين شمال

لكن فيه بعض هالبلاوي الثانيه والله العظيم ما تنرقع ابد

ابد ومستحيل المستحيلات

ابي اقص عليكم حكايه حلوه وتعجبكم ان شا الله وتخدم الموضوع بعد :-

تخيلوا ان واحد اسمه أحمد مدير بنك

ومعطي مفاتيح الخزنه لواحد اسمه ابو زعيتر

وخلاه (( مدير الخزنه )) :D

المفاتيح مو مع احد الا مع ابو زعيتر بصفته مدير الخزنه مثل ما قلت

هو الكل بالكل

ويوم من الايام لقوا بعض الفلوس اللي بالخزنة مسروقة

والخزنه ما انكسرت

وفيه (( 9)) أشخاص شهدوا ان ابو زعيتر هو المسئول

وش راح تتوصلون له ؟؟

فكروا !!!!

خلوني اوضح لكم السالفة بصورة عشان التوضيح:- :D

http://www9.0zz0.com/2008/10/29/16/536409152.jpg

الآدمي ... ابو زعيتر
اللي بيده ... مفاتيح الخزنه
اللي يمين ... الخزنه مفتوحه بالمفاتيح وفاقدين لنا فلوس مسروقه
الأيادي ... أصابع الاتهام اللي يشير بها الشهود

____________________

الخطوه الثانيه انكم تغيرون:-

الآدمي ... مديرة الصيدلية
اللي بيده .. مفاتيح الصيدليه
الخزنه ... الصيدليه
المفقودات ... ادوية تبلغ قيمته عشرات الالاف
الأيادي ... الشهود اللي شهدو ضده

والمشهد المفقود بالصورة هو التالي:-

* يدافع مدير المستشفي والمدير الطبي عن مديرة الصيدلية دفاع غريب صراحة (( وشي ادلتكم .. انتم متوكدين؟؟ .. اثبتو .. )) كأنهم هم المحققين !!!!!!!!

* جت لجنة وحققت بالامر وبعد ما راحت اللجنة وبدل ما ينتظرون ان القضية تخلص نهائيا تقدم مديرة الصيدلية على انهاء عقدها بشكل غريب وبعد القضية .. يعني تبي تروح وتحط رجله .. وحقون المستشفى يبون يخلون اسبوع اسبوعين مع ان المدير البديل له موجود !!!!!!!!!!!!!

إذا هذي مو (( دهلمة )) للسالفه أجل وش تسمونه ؟؟؟؟

و حرصهم على ان المديرة تبقى أطول فترة ممكنة مع ان البديل موجود يخلينا نشك صراحة خصوصا ان هالمديره شايفتن روحه على الجميع ولسانه يلوط اذانه على المدير وبعض اللي تحت المدير كنه هي فوقهم بالوظيفة .. ومسئولين المستشفى بالعين العافية قدامه ... لييييه ؟؟؟؟؟ كأنه لاويتن يديهم بحاجة تعرفه عنهم والناس ماتعرفه ؟؟؟؟

* صراحه يوم قالوا السالفه قال واحد:- لكم حق تشكون .. اذا المسؤول الاول اللي بالمستشفي مشّى عامل له وما خلاه يدفع ثمن عملية حرمة العامل اللي ولدت بالمستشفى حيث ان عمّال خلق الله يدفعون للعملية وللخروج من المستشفي حول 4500 وعامل المدير طلع بلّوشي ولا دفع ولا ريال ... وهذي يشهد به واحدن من الربع ادري انه يعرف المستشفي زين

يعني ياناس مسؤولين هذا عملهم بالمستشفى وش لون ما نشك والوضع غصبن عنك يخليك تشك ؟؟؟

والله مابيني وبينهم ولا حتى بينهم وبين هالناس شي يخلينا نكتب لكن عاد يقولون مافيه دخان بليا نار

والمستشفى مثله مثل هالمدارس والبلديه والامارة ننقده بصراحه الا اذا كان على راسهم ريشة عاد هذا شي ثاني وهم لهم حق يردون

* اللي يقهر ان هالمديره يوم جت ترشح بديل تركت شباب المستشفى اللي من اهل الديرة ومعهم بكلريوس وراحت ترشح واحد باقصى الدنيا ما نقول به شي ونعم به بس مامعه الا دبلوم وهالمديرة بعد مامعه الا دبلوم وبالمستشفى فيه اجنبية نسيت وظيفته تبي تاخذ ماجستير وفيه واحد من اهل هالديرة ما أدري وش وظيفته بعد معه بكلريوس

يا ربعنا بالمستشفى

سرقة كبيره مثل اللي صارت حرام تدهلمونه هلون

وبعد السرقة تحاول هالمديرة انه تهج بعد ما وصت على واحد من خارج هالديرة علشان يصير بمكانه هذي صراحة فيها ان و ان و ان

وغير كذا مدير الصيدلية موجود وهذي موجودة ومداومة مع ان بلوى مثل سرقة الصيدلية المفروض تطيرها من عندكم لكن هي اللي طلبت الهجة ومع ذلك فيه ناس من مصلحتهم انه تبقى كم يوم بعد

موضوعي مافيه تطاول وانما هو يتحدث عن مسئولين ما يتكلم عن المسئولين خارج نطاق المستشفى لكني تكلمت عنهم كمسئولين ولي حق التساءل ولهم حق الدفاع مثلهم مثل غيرهم

موفقين

أخوكم وان جارت الدنيا

ليه هلون ؟ [/align]
.[/font]

معقولة كل هذا يصير وين المانع وين الثبيتي ..................


قسم إن الطاسه ضايعة .......



شلة سراقين في المستشفى ولا رقيب ولاحسيب .........



أموال الدولة راحت بين الاجانب والخونه من أبناء البلد .....

حبيبي أذا عندك دليل وشهود

رح وأرسل برقية لأبن مساعد


أو أرسل رسالة على بريد المانع


وخلاص

اقتباس:

---

وحقون المستشفى

---

(حقون ) لهجة غريبة

... اللصوص اصدقاء ..

أخي ليه هلون

اسعد الله جميع أوقاتك بالخير

حدثني من اثق فيه بالمستشفى ولو قلت اسمه لزكاه الكثير من اعضاء هذا المنتدى والزوار

بان السبب في هذه المشكلة
هو صرف الادوية عن طريق معارف بمعنى (( اني آتي إلى معرفة بالمستشفى وقول بالله ارغب بصرف علاج لوالدي او والدتي ويوقوم ويسحب العلاج من الصيدلية على انه ياتي بوصفة طبية من الد كتور )) وينسى الموضوع وبناء عليه ظهر النقص بالادوية والتي نشرة بالجرائد لحاجة في نفس يعقوب

أرجو ممن يكت أي موضوع التحري والدقة ومراعات الله سبحانه وتعالى

هذا ما لدي وتقبل تحياتي

مديرة الصيدلية انسانه محترمة وبشهادة الرجال الثقات بمستشفى رفحاء مو شهادة الورعنه الجدد اللي الواحد فيهم تكل بعير وناذخن بشهادته البكلوريوس وهو ماكمل حتى سنة التجربة ومعروف بالكذب والخداع
وابو ديسان يعرف الرجال والزوبعة هذي ماصارت إلا لأن محمد عين فني صيدلية شمري من أهل الهباس مدير للصيدلية واخونا ابو بكالوريوس يشوف انه مو أصيل زيه هو وشهادته وانه هو يبي يصير مدير وهو توه ورع ماعدا ست شهور بالوظيفة
عيب عليكم تقذفون خلق الله لمصالح شخصية لكم

أفااااااااااااااا صارت المسألة شخصية أنا أحسبكم تبون مصلحة البلد وبعدين أخوي ليه هلون جاب كلام منطقي يجب التحقيق فيه .....


وعلى فكرة طول العمر بالوظيفة وقصره ماهو دليل لأ ن أغلب اللصوص من تمرسوا وعرفوا مداخل ومخارج السرقة في أعمالهم .....


وبعدين أبو الوليد يزكي ويسب على كيفه المهم مصلحة البلد .........



اللصوص كثيييييييييييير وأغلبهم يتستر على بعض (امسك لي وأقطع لك)وأغلبهم بل كلهم من عمروا في وظائفم والجديد غالبا متحمس ويرجو الإصلاح .....

بسم الله !!!


متى صارت هالسوالف ؟؟؟


برفحاء ولاعدِّنا برفحاء آمنتو بالله !!!

[align=center]الساكت عن الحق شيطان اخرس

قبل اسبوعين حوالي الساعه 12 ليلا شاهدة

في عيني مراسل احدى الصحف ماليله كيس واحد من الممرضين

هم يعرفون نفسهم جيد وكان والد المراسل معه لا تقلون الطبيب صارفها الطبيب

خارج الدوام وجيته بالاسعاف ان ذبح روحه صرفلك حبتين وتبون الصيدليه ما يصير فيها عجز

ملاحضه

لي اكثر من عام لم اشارك

ماكان ودي دخلت بهذه المشاركه بس حبيت اوضح بعض الامور

اخواني واخواتي الكرام

كم انا مشتاق لكم لعل الله يجمعنا معكم قريباً [/align]

[align=right]
دلائل الأتهامات الموجه تقليدية جداً ولا تكفي بأن تثبت عليها جريمة السرقة !!
لماذا لا نضع " أحتمالات " قبل الجزم في نقل الإخبار التي لا أرى فيها أي مصداقية من حيث ماتفوه به الشهود ..
هل المديرة الموظفة الوحيدة في الصيدلية التي تصرف لنا الأدوية ؟
هل إستراتيجية الجرد تتم كل نهاية أسبوع ؟
هل الأدوية تم سرقتها من مخزن الأدوية ام اكتشفوا النقص بعد الجرد؟
شهادة لله / بأن ماذكره أخي السلهومي حقيقة " وأنا من الذين يراجعون المستشفى من اجل صرف دواء لـ أم عامل لدي " لأن قيمة الدواء غالي جداً واضطر إن اطلب هذا الدواء من صديق لي موظف بالمستشفى .
شكراً لك / تحياتي

[/align]

[align=center]اللهم يا حي يا قيوم إنك تظهر الحق لنا ..


غاليكم / محمد السادس.:D :D :D
ملك المغرب.[/align]

بعض الناس يكذب ويحسب إن الدعوى هينه ؟!!!

هو المشكله عند هالناس ان الدنيا مو على كيفهم

والمشكلة عندهم ان الناس مو كلهم شياطين خرس

الحق الحق .. وان كان هالكلام مو حق ما سبيتوا وشتمتوا

لكن اللي في بطنه ريح .. يرْوح بالمكان


المهم

الادويه المسروقه قيمته الااااااااااااااااااااااااااااف الريالات

ادويه من مثل دوا (( بلافيكس )) ما يصرف بالطريقه هذي ومستحيل ..

يمكن يصرفون لحدا المعارف يمين يسار .. صح .. لكن المسروق اختفى فجأه والدروج فضت فجأه

وثبت من خلال الشهود ان مديرة الصيدليه خذت الادويه من دروج الصيدليه بحجة انها راح تطلب من التمويل الطبي مثل هالادويه لكن بصلاحية اطول هذا اللي قالته للفلبينيه اللي له علاقه بقسم الصيدليه

خذت الادويه لكن التمويل الطبي يقول ما جانا شي

وين راحت الادويه وهي كانت مع المديره وخذتهن بحجة الصلاحيه ؟؟؟؟

او الدعوه هملالي

وبعدين وشي العاطفه هذي اللي تخليكم تدافعون عنه ... هاااااه ؟؟؟؟؟

(( قل الصحيح )) على قولة ابو متعب للقذافي ؟؟ :D

على طول تدافعون ..

انا اقول ان هالموظفه هذي مو مضبوطه ولاويتن يدين بعض الناس

اما المدير الجديد للصيدلية فلا .. مو من الهباس ليش هالكذب ... ليش ؟؟؟؟؟؟؟؟؟؟؟؟؟؟؟؟

الا الرجال ونعم فيه/ فداغي من اهل الحفر


ليه الكذب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

المشكلة خلو سالفة السرقه على جنب شوي

فيه سرقات ثانيه

بنت الحلال .. آكلة الحرام .. مديرة الصيدلية:- كثير من اللي حول الصيدليه يدرون ويعرفون ان الفازلين والديتول والفاين ماسلمن منها

رايحه راجعه لازم معه شي بيده .. مثل شيباننا

بس شيباننا ما يسرقون .. بس يلقون عصا ولا كيس ياخذونه مدري وش يبغون به .. وبنت اللذين تودي اللي معه للبيت حرام اجاج .. ماهو حلال زلال

هذا غير ((( الكريمات ))) اللي تاخذهن معه وتخلط بعض الامور علشان تصير كريمات للتجميل وتبيعهن على حريم رفحا

وش المصلحه انكم تدافعون عن هالحراميه الا اذا كان لكم فايده معه .. وانتم تدرون انه:-

+ خذت الادويه من الصيدليه بحجة انها تبي تبدلهن عند التمويل الطبي علشان الصلاحيه وهذاك علمنا بالادويه

+ تسرق من الديتول والفاين والفازلين

+ تاخذ من كريمات المستشفى وتخبصهن مع بعض الكريمات الثانيه وتبيعهن على حريم رفحاء ... وامره مشتهر بين الحريم اللي حوله


ابي افهم واعيد/ ليه تدافعون عنه ؟؟؟؟؟؟

ماله الا تفسير واحد ... ان فيه اوادم بالمستشفى مستفيدين منه

لو كانوا مهم مستفيدين كانوا خلوها تولي يا صار المدير الجديد جا

لكن وجوده بالصيدليه يحقق مصلحة ناس الله يستر منهم

أو مثل ما قال البلوية الله يعطيها العااافيه (( اللصوص اصدقاء ))

وبعيدن لو كانت الدعوة علشان وظيفة كان بس تكلمت على سالفة ان الموجودين بالمستشفى شهادتهم اعلى من شهادة المديرة والمدير الجديد

لكني تكلمت عن سرقه .. وفيه ناس صرفوا الموضوع بهدف نسيان سالفة السرقه

اقول لكم فيه ناس له مصلحه بهالسرقة

والله ربنا وربهم

على الله

اخوكم وان انسرقت الدنيا كله

ليه هلون ؟


صح ابي اذكركم ... فيه احد حل اللغز :think:

http://www9.0zz0.com/2008/10/29/16/536409152.jpg

[align=center]اخي الكريم

اقسم بالله العظيم اني لا اعرف مديرة الصيدلية

ولا عمري شفته ولا ادري من تكون ولا ادافع عنها ولا ابريها

ولا اتهمها بس شفت شي لا بد من توضيحه والساكت على الحق شيطان اخرس [/align]

الذي اعرفه ان مديره الصيدليه فاضله وزجها محترم جدا وقديم في رفحاء

واعرف ايضا ان مديرة الصيدليه قدمت اجازة
والنظام لا بد قبل الحصول على الاجازة من جرد الادويه واخذها براءة الذمة

وهذا ما حصل اخذت براءة ذمه


وبدأت الاجازة

وبعد اجازتها صارت المشكله والنقص

هذه المديره معها براءة ذمه وتثبت سلامتها

وعادت للمستشفى وقدمت اجازة لان كرامتها لاتسمح لها
بان تتهم بعد هذه الخدمة وهذه الامانه لسنوات


امر آخر هل هي الوحيدة من يصرف الدواء
طبعا لا
لكن بكل تاكيد ان معها براءة ذمه ( او حسب ما يسمونها )


الكلام اعلاه سمعته من موظفين بالمستشفى ليس منهم اي طرف في القضيه

وسمعته قبل مده والقضيه كلها خلال الاجازه

واقوله الان لله فقط والا فهي ليست سعودية

ياحبيبي أنا تأكدت الان من مصدر موثوق أن السرقة تمت قبل سبع او ثمان اشهر ولايعني انها اخذت اخلاء طرف انها بريئه لان الموظف يستعجل وهذا اجراء روتيني يتم على عجل ولاشك ان هذا خطأ ولانبرئ من اعطاها اخلاء الطرف دون التأكد وإجازتها شهرين ووقت حدوثها بعد الجرد تم وهي موجوده وعلى فكرة المفاتيح معها ليست موزعه على الموظفين .إلا من تسند له هي هذه المهمه وتعطيه برضاها وتحت عينها .

المشكلة لماذا السكوت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



من المستفيد ؟؟؟؟؟؟؟؟؟وأين ذهبت اموال الدوله؟؟؟؟؟؟؟؟؟؟؟

الله يعين علة هالمستشفى وعلى هالاداراة اللي متعاقبة كل يوم مدير ولا مؤهلات ولاهم يحزنون

طيب فيه وحدة تشتغل بالمستشفى


وتبيع كريمات على الحريم واسمه ( ام هشام )

هههههههههههههههههههههههههههههه تبيع كريمات عند الحريم واسمه ام هشام بس اتحداك تثبت انت والاخ ابو بكالوريوس جديد بالصيدلية ان الكريمات من الصيدلية وهذا مو عيب لو اشتغلت شغله ثانية يعني انا اعرف مدرسة تبيع ملابس صوف فيها عيب !!
ياخوان المسألة مفبركة من اثنين بالصيدلية واحد معه بكالوريوس من هنا ومعروف بسوالفه الرديه هو وابوه والثاني ماخذ بكالورويوس من كرواتيا مدري اوكرانيا وشايفين نفوسهم على هالعالم وهم سوالفهم ناكسة للمرح
أبي الاخ الكريم اللي يكتب جاوبني جواب واحد بس وهو ان مديرة الصيدلية صار له 15 سنة بالمستشفى ماقدر يكشف انه حرامية الا الدايح اخوان اهل البكالوريوس
والله والله والله والله والله ياجماعة ان السالفة تسود وجه دولتنا بكبره لما وحده تخدم 15 سنة واخرته يقال عنه حرامية واتحداهم يثبتون عليه شي وقدامهم الوزارة وديوان المظالم وديوان الرقابة وسبعين جدار يطقون راسهم فيه
ليه مايروحون يشتكون اذا هم صادقين وتهمهم مصلحتنا ياخي استحوا على وجيهكم ولاحد يقولي رحنا واشتكينا ولاحصلنا شي لانه كذاب ومليون كذاب وماراح ارضى الا بصورة من خطاباتهم وشكواهم
هذولا اخذوا شهادات ويحسبون ان نفوسهم وصلوا المريخ مايدرون ان الشهادة تجي بالغش وبالبخاشيش ولا شمعنى طلعوا فاشلين بعملهم وراعين نقنقة كأنهم حريم ومرضى نفسيين ويكرهون الدنيا بكبره لانهم يشوفون انهم اكبر منه ولاهي من مقامهم
ابو هشام وام هشام لهم 20 سنة برفحاء ماسمعنا ولا شفنا منهم الا كل خير

ابوالوليد........................

ههههههههههههههههههههههههههههههههه


طيب ليش زعلان أكيد انت المدير او المدير الطبي او ام هشام (ياحلو قديمة )...


تدافع كانك او ليش كانك انت معني بالامر يامدير .......؟؟؟؟؟؟؟


وبعدين وش دخّل المساكين اللي تسب اهتم بالمشكلة واسكت المهم مصلحة البلد ....

اقتباس:

---

المشاركة الأصلية كتبت بواسطة أبوالوليد

مديرة الصيدلية انسانه محترمة وبشهادة الرجال الثقات بمستشفى رفحاء مو شهادة الورعنه الجدد اللي الواحد فيهم تكل بعير وناذخن بشهادته البكلوريوس وهو ماكمل حتى سنة التجربة ومعروف بالكذب والخداع
وابو ديسان يعرف الرجال والزوبعة هذي ماصارت إلا لأن محمد عين فني صيدلية شمري من أهل الهباس مدير للصيدلية واخونا ابو بكالوريوس يشوف انه مو أصيل زيه هو وشهادته وانه هو يبي يصير مدير وهو توه ورع ماعدا ست شهور بالوظيفة
عيب عليكم تقذفون خلق الله لمصالح شخصية لكم

---

كلامك الاول حلو لكن من تالي خربتها,, ياخي لا تقذفون الناس بالمنتدى ,, اذا كانت مشكلة شخصية , رح عند الشخص المعني وقلها في وجهه, لا تجي هنا وتسوي فيها رجال,,

وهذي غيبة , وانت شخص مسلم , اعظك ان تكون ن الجاهلين,,

واذا كان شخص يحمل شهادة بكالوريوس في الصيدلة فهو احق, وانا لا انكر الحق ,, بغض النظر منهو هالشخص ,, ما فيها شي تنافس شريف,,,

رح شد ذراعك وجب شهادة عالية و خذ اكبر منصب,,

هذي شهادات جت بتعب وسهرالليل , ما جت بالسوالف ,

واذ كنت تدافع عن شخص تعرفه وهو على باطل , ترى الله ما يرضاها,,

وكل كلامك الثاني عن ابو البكالوريوس ,, فأنت تمدحه وأنت ما تدري,, انا اشوف الحق له..

الله يسلمك

اقتباس:

---

المشاركة الأصلية كتبت بواسطة أبوالوليد

هههههههههههههههههههههههههههههه تبيع كريمات عند الحريم واسمه ام هشام بس اتحداك تثبت انت والاخ ابو بكالوريوس جديد بالصيدلية ان الكريمات من الصيدلية وهذا مو عيب لو اشتغلت شغله ثانية يعني انا اعرف مدرسة تبيع ملابس صوف فيها عيب !!
ياخوان المسألة مفبركة من اثنين بالصيدلية واحد معه بكالوريوس من هنا ومعروف بسوالفه الرديه هو وابوه والثاني ماخذ بكالورويوس من كرواتيا مدري اوكرانيا وشايفين نفوسهم على هالعالم وهم سوالفهم ناكسة للمرح
أبي الاخ الكريم اللي يكتب جاوبني جواب واحد بس وهو ان مديرة الصيدلية صار له 15 سنة بالمستشفى ماقدر يكشف انه حرامية الا الدايح اخوان اهل البكالوريوس
والله والله والله والله والله ياجماعة ان السالفة تسود وجه دولتنا بكبره لما وحده تخدم 15 سنة واخرته يقال عنه حرامية واتحداهم يثبتون عليه شي وقدامهم الوزارة وديوان المظالم وديوان الرقابة وسبعين جدار يطقون راسهم فيه
ليه مايروحون يشتكون اذا هم صادقين وتهمهم مصلحتنا ياخي استحوا على وجيهكم ولاحد يقولي رحنا واشتكينا ولاحصلنا شي لانه كذاب ومليون كذاب وماراح ارضى الا بصورة من خطاباتهم وشكواهم
هذولا اخذوا شهادات ويحسبون ان نفوسهم وصلوا المريخ مايدرون ان الشهادة تجي بالغش وبالبخاشيش ولا شمعنى طلعوا فاشلين بعملهم وراعين نقنقة كأنهم حريم ومرضى نفسيين ويكرهون الدنيا بكبره لانهم يشوفون انهم اكبر منه ولاهي من مقامهم
ابو هشام وام هشام لهم 20 سنة برفحاء ماسمعنا ولا شفنا منهم الا كل خير

---

يا أخي عيب تشتم , تبي تذم ناس قلها في وجيههم,, وثاني شي ام هشام على العين والراس, انت الان تحل وتربط وتتكلم كأنك قاضي,, اذا كنت تتحمل مسؤولية كلامك امام الله , فنحن سوف نصدقك,,, ولكن اذا كنت تأخذ كلام من طرف واحد,,ممكن تكون ظالم للناس والله ما يرضى الظلم,,
الله يسلمك

لا تعليق اشوووفكم تصااقعون هنا و محد درى عنكم

و انت ياا رااعي الموضوع رح للمدير و اشتك على السرقه و انتها الموضوع ..


دمت بخير

اللي معجبني باالموضوع كله ((((((((((((ليه هلووووووووووووون ))))))))))))

ياجماعة المرة شغالة لها 15 سنة لو تبي تسرق كان سرقة يوم الدعوه سيبة يوم ما كان فية سعوديين ولا كان فية لا حسيب ولا رقيب وكان صار عندها الملايين واغتنت قبل ما تجي هالزحمة غير كذا أهل مكة أدرى بشعابها يعني لو تبي تسرق تسرق بطريقة ما تخلي احد يشك فيها و من غير احد ما يحس . والمرة سمعتها جدا ممتازة من ناحية العمل ويكفي ان مالها اي سوابق يعني مو معقولة 15 سنة مو كفيلة انها تعرف هالشخصية أقل شي الناس اللي تعمل معاهم بلاحظون شي مع العلم ان اللي يعملون معها زكوها وانكرو هالشي
انا اقول خوف الله واتركوا المسلمه بحالها وفية ناس مسئولة بالمستشفى و بالوزارة هي المسئولة بالتحقيق في الموضوع

>>> ليه هلون تشوية سمعة الناس اتق الله ولا تظلم لكي لاتظلم <<<

ليه هلوون.. اهلاً وسهلاً ..احاول ان ارد عليك بطريقه جميله وليس بطريقه اللهجه العاميه العفويه وان بالغت فيها انت حبتين في بعض الالفاظ عمداً..
أخوي ليه هلون فعلاً كما قال أحدهم يتم صرف الادوية بعض الاحيان بصفه وديه..وفي االاخير سوااء كانت مصروفه بطريقه وديه او طريقه رسميه..اين ذهب الدواء بالتأكيد لمريض من مرضى رفحاء المحتاجين..فما في داعي لحرث الموضوع وتكرارة اكثر من مره لانه لايغني ولايسمن من جوع ..وليه هلون مثل ما انت تقول لبعضهم ليش تدافعون عنها..انا اقولك انت ليش تتهمها معقوله ان كل هذا زيادة حرص منك على امووال الدوله!! رغم ان قيمه المفقودات من الادويه لا تتجاوز كم الف ولو قسمتها على عدد مرضى تجده مساوي لعدد الذين اخذو الادويه لمرضاهم من رفحاء بطريقه وديه بما فيهم والد الصحفي اللي ذكرة احد الاخوان ..وبالنسبه لمديرة الصيدلية(أم هشام تستحق من يدافع عنها) وتفداها الصيدلية بكبرها لكن عينو خير . وحتى الصحفي كم تمنيت ان لا يذكر هذا الشي بالصحيفة لان ادارة المستشفى هي المعنيه بتقصي الحقيقة وحل المشكله ولا داعي للنشرها في الصحف..فأنت جالس تقول عنها كلام عنها من باب التشهير حتى وان كان كلامك صحيح شي مثل هذا اللي جالس تكتبه مافي حتى داعي له ( بنت الحلال وتاكل حرام) بالله ما اتقيت الله فيما تكتب عنها..حتى وان كان صحيح. اتمنى انك تراجع نفسك قبل ان تكتب انتقاد او طرح قضيه معينه خصوصاً ان المنتديات غير محبب فيها ذكر كلمات كهذه.
وليه هلون اتمنى ما ترد علي وترجع تقولي ليه هلوون.

انت ليه هلوون ياراعي الموضوع العالم تشابكت

هههههههههههههههههههههههههه

لا تعليق على هذا الموضوع لان احس فيه شربكه وفعلاا اذا هذا الكلام صحيح في جهات مسئوله تدير هذه الامور نحن بالمنتدى ننزل المواضيع فيما بيننا ونناقشها بيسر وسهوله
ولانبحث عن سرقات وغيرها

هذا من وجهة نظري

مع خالص تمنياتي ودمت بخير