رمحك طعني ليه ياسالم الزير
عندي قصيدة واكتبه بالطباشير
شعراً كتبته ياعلي تر جديدي
شعراً غزل به الذهب والدنانير
واللي يساعدني لسميه سيدي
أنا اعترف كل اتصالك مخاسير
وفاتورة الجوال طبت رصيدي
وتركتني وعجزت لا طير لاطير
وخليتني يازين عايش وحيدي
رمحك طعني ليه ياسالم الزير
ثبت رمحك في مكاناً شديدي
أنا على نيه وتر نيتك غير
لاتسجنن تكفا بقفلاً حديدي
احس تال الليل تحتي مسامير
جبلي طريقه ياعلي ياعظيدي
انت الخوي لامن توازيت يامير
ويش العمل جبلي كلاماً مفيدي
وانا هقيتك ياالبناخي على خير
عند الهقاوي ياالبناخي بعيدي
غرواً ذبحني وعزر القلب تعزير
واشغل بعد فكري وتل الوريدي
وختامها لو ابعدتنا المقادير
لأجيك أنا لو ربطوني بقيدي
ابوبادي الحصين
