مصافحه اولى بمسح دموعي واذكر الله واصلي
السلام عليكم ورحمة الله وبركاته
اتشرف بوجودي هنا بدعوه من احد الاخوان في هذا المنتدى الراقي
احد الاخوان مسجلني في هذا المنتدى باسم ماجد الابداع
اتمنى من الاداره تغييره الى ماجد العبدالله
أصافحكم بهذه المتواضعه المطلوبه مني هنا
بمسح دموعي واذكر الله واصلي
والله مابه شخص يسوى دموعي
واللي نكرني وراح جعله يولي
ماطاح من صدري أخف ّ لضلوعي
مشكلتي اني.. فالغلا جيت كلي
واشعلت في وجه الهبايب شموعي
الحب.. يرخص في عيون التغلي
وانا.. تعبت اجامل احلى طبوعي
اصبح.. وجوعي يشتكي بُعد خلي
وامسي.. وانا أحايل انياب جوعي
حتى الجروح ان جاتني منْـه اهلي
واقبل خطياته بطيبي وطوعي
من عقب ماكان يتظلل بظلي
راح وتركني بين آهي وروعي
حسبي عليه.. ولو درى وش حصلي
ماكنت انا للحين.. ارمّــم صدوعي
لكن أبنسى.. لو دموعي تهلي
لو كان نسيانه.. مثل حب كوعي
وبمسح دموعي واذكر الله واصلي
والله مابه شخص يسوى دموعي
وسلامة قلوبكم
