الطيب فاقدله عرب والحق فاقدله عوين . . . .
أعجبتنــــى هذه الرأئــــــــع
للشاعر// عبد الكريم الجباري
أقدمها لكم صوت وأبيات // أستمتعوا
http://www.youtube.com/watch?v=7pHF_...layer_embedded
مابين حق النفس والدنيا وحق الوالدين
ومابين تجريح العباد وهرجها وسكاتها
ومابين رغبات اليسار ورغبه اصحاب اليمين
انا ضحيه عالم(ن) تمشي وراء مشهاتها
طيب واحب الطيب وامشي في سلوم الطيبين
لكن قلوب الناس دايم تصدمك نياتها
الطيب فاقدله عرب والحق فاقدله عوين
والحسد اكبر ظاهره تشر علي راياتها
والحب نغمه مابها غير التوجد والحنين
كم سربتن عاشت وماتت مالقت غاياتها
العفن يلقى حاجته والخبل صار هو الذهين
والناس فزة بالعفون ودوره مرضاتها
البارحه فكري يقلبني وراء ذاك البطين
وتطري علي سلمى ويطري لي حلا جلساتها
الله مزينها وجاعلها متاع الناظرين
بنت الرجال اللي تهيب من سمع منخاتها
حنا تربينا على الهيبه مع العقل الرزين
مانحني الهامه مثيل اللي حنت هاماتها
رجالنا لوهو ضعيف مايجنبك السمين
يومنها بعض العرب تبلشك في لجاتها
احد(ن) ذبحلك مصلحه ويضحك لك الحاجبين
وماتدري انه عقرب(ن) ماتنومن من غشاتها
واحد(ن) يذكيها ولايدري تراك انت منين
يمناه في درب المراجل تعجبك مداتها
وترا الحيا ساس المراجل ينفعك دنيا ودين
والمرجله لابد ما أنك تعرف اوقاتها
والفخفخه والطخطخه والكبر للقلب اللعين
والعقل هو سوق الرجال اللي علت قيماتها
وانا ليا قربت ثم طالعتني عين(ن) بعين
عرفت وشلون الاسود تهابها بسكاتها
.
.
.
يالله ياهالبيت ( الطيب فاقدله عرب والحق فاقدله عوين . . . . وربي عن قصيده
