عرض للطباعة
مرحبا جميعا انا عندي مشاركة في قسم اخر ومشاركتي هي بعض الاستفسارات عن هجرة قيصومة فيحان وحصلت بعض الردود من بعض الاخوان والاخوات الله يبيض وجوههم لكن الي الان ماهي وافية وانا ان شاء الله راح تكون زيارتي للرفحاء بعد اسبوعين تقريبا لكن اذا محد رد علي معناها انكم ماتبغوني ازوركم :bb43: امزح طبعا
وش استفسارتك
قله واذا قدرنا نفيدك
ابشر ما رح نقصر معك
حياك الله / يانواف العجمي ..
مرحباً ألف .. آمر وش بغيت .. ؟
أخونا عقارب سأل ومارديت ..!!؟
بس .. طالبك لا تقول الرفحاء والخيمتنا ..
قل : رفحاء والا محافظة رفحاء ..
ترى قولت واحد قبل كم ليلة .. يقول :
لواحد أنت جاي من آخر الدنيا من (الرفحاء ..).
المهم :ـ
تفضل .. اسعل ..
يامرحبا ياخوي عقارب
اخوي عمار الله يحييك ويبقيك
انا ابغى اعرف هجرة قيصومة فيحان جاها مطر
فيها ماء حلو
فيها محطة وقود
فيها شبكة جوال
فيها بقالة
ابغى ارقام مكاتب تاجير الخيام في رفحاء
هذة اسالتي واسف عالاطالة وكثرة الهرج ولا هنتوا على كل حال
اقتباس:
المشاركة الأصلية كتبت بواسطة نواف العجمي
حياك الله / يانواف ..
مطر يجيب الله خير .. علينا هالحين غيوم ولا ندري ..!!
والماء الحلو .. مالظاهر .. علماً أن فيها قلبان ..
بس .. فيه الحدق قريبه منها فيها
ماء عذب ..
والقيصومة فيها محطة ..
جوال مدري .. لكن إذا أنت في مكان مرتفع يطلع لك كم برج ..!!
واحتمال كبير اشتغل فيها الجوال ..
وفيها بقالة ..
أرقام اسمح لي ما أعرف أرقامهم .. لكن ..
فيه ناس تأجر خيام ..
أرجو أن أكون قد أفدتك عن المطلوب أو بعضه ..
تاصلنا بالسلامة وتشرفنا ..
وان كان معكم بل (بعارين) لا تنسانا من الحليب ..:biggrin:
إلا إن كان مقناص ..:a78k_36:
هذا رد الا بو محمد
بالنسبة لتأجير الخيام هذا رقم أحد المحلات وباقي اسئلتك ان شاء الله الأخوان مايقصرون
0500962903 عبد الله
الامطار الله يرزقنا المطر ... السنه هذي محول .. لعل الله يرحمنا برحمته
الله يجزاكم خير اخواني واخواتي
اخوي عمار ابشر بالحليب ان كان لقينا راعي ابل لان طلعتنا كشتة ومقناص
وين اهل هجرة قيصومة فيحان نبي الفزعة
اختي عروبة جزاش الله خير
الجوال شغال فيها
من كم شهر شغلوا ابراج الجوال ويشتغل معك الى النفود الجوال
الماء متوفر وكل شي متوفر الا مطاعم الوجبات السريعه ما فيها يعني خبزه وجبنه
واذا عليك هوشة او مضيوم ابشر بالفزعه ادخل علينا وابشر بعزك
كشته موفقه
اقتباس:
المشاركة الأصلية كتبت بواسطة شامي الدهيمان
ونعم والله يا ابو نوف
الله يجزاكم خير يابن دهيمان وعقارب قدها وقدود كفو
الحين الامور كلها طيبة وكل شي ضبطناه للكشتة بس باقي حااااجة وحدة الا وهي هل جاها المطر
تعرفون اي شخص مقيم في الهجرة انا مستعد اتصل علية واستفسر عن الامطار
نواف
نقول لك ما جاها مطر
الامطار كلها يم السعير وقريه العليا والرفييعه
القيصومه .. مرابع طفولة صديقنا شامي الدهيمان ..
حياك الله يانواف ..
الله يجزاكم خير يا اهل رفحاء الكرام
ما اقدر ازيد ..
يعطيكم العآفيه ..
حياك الله نوآف ..
الله يعطيكم الصحة والعافية عز الله ماقصرتوا كفيتو و وفيتوا