اهداء للدكتور العميد ممدوح محمد الخزعلي الشمري
اهداء للدكتور العميد ممدوح محمد الخزعلي الشمري (ابونواف)
قالوا لي امدح بالشعر صفوة الناس
واغنم زمانك قبل ماوقتك يروح
قلت الشعر ياسادتي صادق احساس
وان جيت ابمدح بمدح اليوم ممدوح
اقولها والحال مايشتكي باس
ولا كتبت وغايتي منه مصلوح
خذها يابو نواف ياطيب الساس
اصدق حروف الود من صادق البوح
الناس بالدنيا مقامات واجناس
والطيب مضمارٍ به الكل مسموح
احدن قفل بابه وصكه بترباس
هو يحسب ان العز في مال وصروح
واحدن فتح بابه ولاحط الاجراس
وش خانة الاجراس والباب مفتوح
تبقى الرجال افعال وكلن له قياس
في كـفة الميزان راجح ومرجوح
شفنا معادنها على شمعة الياس
وانكشفت الأستار والزيف مفضوح
وانت الذهب في ذمتي وانت الالماس
خالفت وقتٍ يبكي الجود وينوح
يافزعة المحتاج ياعصابة الراس
يانجدة المقهور يامعالج جروح
ياغيث مزنٍ بلل عروق يباس
ياعُود ندٍٍّ بالوفا عطره يفوح
بين البشر بدو وحـضر انـت نبراس
بدرٍ ظهر نصف الشهر واضح وضوح
انا اشهد انك بيت عزٍ ونوماس
قبلك ابوك اللي ملك مهجة الروح
خالد الوبير
