تهاني نجحت ومسوية حفلة بالفيصلية ... مبروك

تهاني خوية بنتي بالصف الخامس (ما يحتاج اكتب ابتدائي لان ماكو خامس متوسط او ثانوي )...

طلعت نتايج الفصل الاول ...

جابوا عيالي النتايج ما بين ضعيف وممتاز والابو راضي بنصيبه (وش اسوي عيالي من حشاشة جوفي وماقدر اغيرهم) ...

في لحظة هدوء بعد صدمة النتائج جائتني المعزبة (اطال الله عمرها وحفظها ذخرا لي) وقالت فلانة (اسم بنتي) عازمتة خويتة على حفلة بالفيصلية ... صدمت لعدة اشياء اولا من زين نتيجة البنت ثانيا ان بنت تنعزم ثالثا ان مكان العزيمة الفيصلية وهي المكان التي اكرهه واكره من يرتاده وهم بكل تاكيد من سفهاء القوم ....

حظ المعزبة (اطال الله عمرها وحفظها ذخرا لي ...الخ) ان العقال مهو حولي وحظها ايضا اني مثل ما اثور (لا توجد علاقة مع ذلك الحيوان الاليف المشهور بالذكاء) بسرعة اهدا بسرعة ... وهديت

صوت للبنت ويوم جت ابتسمت له (تمويه)
وقلت يا حظك معزومة بالفيصلية ... من معزوم معك ؟!
قالت : حنا 10 بنات ...
التفت للمعزبة وابتسامتي مستمرة وقلت: سهل يلقون مكان لـ 10 بنات ... لم ترد الام وكانها تحن على ابنتها لما ينتظرها من مخمسات ومسدسات ...

قلت: عسى يجيك سواقهم وتروحين معه ؟!
قالت : لا ... انت تودينن ...
ابتسمت ابتسامة صفراوية والتفت للمعزبة وكاني اقول لها : يا فرحتي ...

بعد ما خلصت بطارية الابتسامات الصفر قلت : يا بنتي الفيصلية غالية والا رخيصة ؟!
قالت : غالية
قلت : يعني ابو خويتك راح يدفع فلوس واجد ؟!
قالت: ايه
قلت: ما دام عندهم فلوس لو يوزعونه على الضعوف مهو احسن ؟! عشان يشكرون الله على النجاح
قالت : الا
قلت: بعدين اللي تبي تسوي حفلة مهو احسن تسويه بالبيت ؟!
قالت: الا ...
قلت: اي وحدة تبذر الفلوس وما تحس بالضعيف لا تمشين معه ... وعلمي خويتك تصدق على الضعوف ...
قالت: ان شاء الله
قلت : شاطرة بنتي وجهزوا انفسكم نعيد بالمزرعة ...

وكان احلى عيد ... مع الوالدين والاخوان والخوات وعيالهم ... سقى الله هاك الايام ...

هههههههههههههههههههههههههههههههههه

اسلوووب شيق لعرض الموااااااااقف

وشرايك تبدا برفحاويات على غرار هرطمانيات

[align=center]
متعك الله بالصحة والعافيه أخي رفحاوي وأصلح لك الذرية
حقيقة مفارقات عجيبه في هذا المجتمع
لكن هذا لا يمنعنى من الاستمتاع بهذه القصه التي رويتها لنا
و الاستفاده منها

[/align]

مشكور رفحاوي على القصة الجميله ..

كلن على همه سرااا ... ناس ماهي لاقية تاكل ... وناس تصرف الملايين علشان متعة دنيوية .

اخوي / ليث ...

الله يذكر هرطمان بالخير ويرده سالم غانم ...

ابدا برفحاويات واكمل ابتعاثي لبريطانيا وامشيه على ابو شنب هههههههههه

اخوي / همام ...

واياك اخوي والله يسلمك ويعافيك ...

بعض الاغنياء لو تذكره بالفقراء يتجاوب وبدون تردد لكن للاسف احيانا ما يلقون احد يذكرهم ويدلهم بالخير ...

اخوي / احمد ...

صادق ...

الغريب ان الواحد ينبسط ويرتاح نفسيا اذا تصدق على الفقير والمحتاج ...


الغريب يا اخوان اننا نخالف قول الله سبحانه وتعالى (واما السائل فلا تنهر) الضحى ...

اذا جاء ضعيف يسأل يا نهاوشه او نطنشه واقل تقدير ما نستقبله بوجه حسن !!

والمصيبة دامنا ما نبي فعل الخير نقوم بمنعه ... اذا جاء احد يبي يتصدق جلسنا نشككه باحقية المُعطى او اهلية الجمعية وصدقها ... الخ

والله انك صادق يارفحاوي اذا شفنا سائل ... نوريه العين الحمراء !!

والله من كثرهم انغثينا والمشكله اغلبهم كذابين ... بس بحاول من الآن اني على الأقل ما انهرهم ..

وبهالمناسبه قبل ثلاث ايام صارت لي قصة مع عجوز ومعها ولدها الصغير ... كنت واقف عند مستشفى خاص وجتني العجوز وقالت ما معي حق الدواء ... بصراحة انا ماخذ فكره انه كلهم كذابين وانها جاية عند المستشفى بس علشان تضحك على الناس وتاخذ فلوسهم ... المهم قلت للعجوز توكلي على الله . الله يرزقك ما معي فلوس وقفلت شباك السياره .. سمعتها قالت ( يا وليدي لو بعض حق الدواء ) فتحت الشباك مره ثانيه وقلت لها انا اشتريلك الدواء بس ما اعطيكي فلوس بيدك ... قالت ميخالف يا وليدي ونزلت معها للصيدليه ... لقيت الدواء قيمته 70 ريال وتفاجأت انها صادقه لأنها هي دفعت قيمة ادورية بـ 100 ريال .. قالت خلاص انت ادفع 70 وانا ادفع 100 ... قسم بالله رحمتها لو كانت نصابه كان ما اشترت ادوية او لما قلت لها تعالي معي للصيدليه كان رفضت .. علشان كذا يا ليت كلنا نعيد نظر في طريقة تعاملنا مع السائلين ...

[align=center]
جزاك الله خير اخوي أحمد ...
[/align]

رفحاوي اشوفك قمت تنبش مواضيع قديمه بس حلوه

[align=center]
تابعت المتواجدين الآن ولقيت ضيف يقرا هالموضوع ونبشته ...
[/align]

أبدأ بالشكر الجزيل أخ / رفحاوي
بدايةَ ولاتحسبوها فلسفة .. الناس منذ خلق البشرية فئات منهم الغني ، والفقير ، والمعدم ، والفئة المتوسطة والتي كلنا منهم !!!
بمعنى ما ذنب الأغنياء بغناهم ؟؟وماذنبهم إذا استمتعوا بإموالهم !!
صحيح منهم من لايزكيها ولايتصدق ولكن هناك من يحضى بالإثنتين !
يعني يستمتع بها ويمتع أولادة وكذلك يلتفت للمستحقين وبهذة الحاله تتبارك أمواله وتتضاعف .
فلا أرى من قصة الفتاة اللي مسوية حفلتها بالفيصلية عجباًً.
فالله سبحانة وتعالى يحب أن يرى نعمتة على خلقة فقد قال تعالى ( وأما بنعمة ربك فحدث )
فمثل هذة الأحتفالات تبعث الفرح والحماس للتميز والوصول للأعلى طالما قد خلت من المجون والأغاني وخلاف ذلك ....
أما بالنسبة لردود بعض الأخوة في قضية التسول وعدم مصداقيتهم في السؤال والحاجة ففي وجهة نظري أنه لايوجد مخلوق في البشرية قد تهون علية أراقة وجهه إلا للحاجة حمانا وإياكم المولى منها.
( وجهة نظر مع شديد أعتذاراتي للإطالة )
وتقبل ودي

قهر ...

مشكور على المرور والتعليق ...

لي عودة للموضوع لكن حبيت اشكرك ...

الله يخليها لك انشاء الله
ويرزقها برك

ياحبيبي يارفحاوي
حتسيك هذا كان قبل سنتين
هالحين لو يبن يسون حفلة
مايردهن الا ماربيا ولا الهنولولولولو
ياربي قيب العوائب سليمه يارب

مشكووووووووووور رفحاوي علي القصه الحلوه

اقتباس:

---

المشاركة الأصلية كتبت بواسطة قهر

أبدأ بالشكر الجزيل أخ / رفحاوي
بدايةَ ولاتحسبوها فلسفة .. الناس منذ خلق البشرية فئات منهم الغني ، والفقير ، والمعدم ، والفئة المتوسطة والتي كلنا منهم !!!
بمعنى ما ذنب الأغنياء بغناهم ؟؟وماذنبهم إذا استمتعوا بإموالهم !!
صحيح منهم من لايزكيها ولايتصدق ولكن هناك من يحضى بالإثنتين !
يعني يستمتع بها ويمتع أولادة وكذلك يلتفت للمستحقين وبهذة الحاله تتبارك أمواله وتتضاعف .
فلا أرى من قصة الفتاة اللي مسوية حفلتها بالفيصلية عجباًً.
فالله سبحانة وتعالى يحب أن يرى نعمتة على خلقة فقد قال تعالى ( وأما بنعمة ربك فحدث )
فمثل هذة الأحتفالات تبعث الفرح والحماس للتميز والوصول للأعلى طالما قد خلت من المجون والأغاني وخلاف ذلك ....
أما بالنسبة لردود بعض الأخوة في قضية التسول وعدم مصداقيتهم في السؤال والحاجة ففي وجهة نظري أنه لايوجد مخلوق في البشرية قد تهون علية أراقة وجهه إلا للحاجة حمانا وإياكم المولى منها.
( وجهة نظر مع شديد أعتذاراتي للإطالة )
وتقبل ودي

---

[align=center]
أتفق معك بحقهم بالإستمتاع بحلالهم وما لأحد حق يلومهم ...

لكن ما يصير مثلاً يسوون حفلة لبنات وبمكان مشبوه مثل الفيصلية ...

عادي عندي شخص يشتري قصر بخمسين مليون وسيارة بملايين لكن خطأ إنه يتكبر على الناس او يسيء استخدام النعم ...
[/align]

اقتباس:

---

المشاركة الأصلية كتبت بواسطة ذويبان11

الله يخليها لك ان شاء الله
ويرزقها برك

---

[align=center]
اللهم امين ...

مشكور ذويبان على الدعاء الطيب ...
[/align]

اقتباس:

---

المشاركة الأصلية كتبت بواسطة السنام

ياحبيبي يارفحاوي
حتسيك هذا كان قبل سنتين
هالحين لو يبن يسون حفلة
مايردهن الا ماربيا ولا الهنولولولولو
ياربي قيب العوائب سليمه يارب

---

[align=center]
اللهم امين ...

الله يكفينا شر المساكين المسافيه اذا شبعوا ...
[/align]

اقتباس:

---

المشاركة الأصلية كتبت بواسطة هبساوي

مشكووووووووووور رفحاوي علي القصه الحلوه

---

[align=center]
العفو هبساوي ...
[/align]

الله يهديك يارفحاوي:mic

الفيصليه مكان مشبوه؟؟؟تدري ان قاعة الفيصليه اكبر قاعة بالعالم من غير اعمده..ماعندك سالفه مع احترامي لك متعود على قاعة الضيافه برفحا:D .

يا سلام عليك يا رفحاوي

اقتباس:

---

المشاركة الأصلية كتبت بواسطة hmoud18

الله يهديك يارفحاوي:mic

الفيصليه مكان مشبوه؟؟؟تدري ان قاعة الفيصليه اكبر قاعة بالعالم من غير اعمده..ماعندك سالفه مع احترامي لك متعود على قاعة الضيافه برفحا:D .

---

يالبناخي يا صار قاعة الفيصلية اكبر قاعة بالعالم وبدون عمد يعني ماهي مشبوهة ؟!!

يعجبن قراءتك الدقيقة للماضوع ...

اقتباس:

---

المشاركة الأصلية كتبت بواسطة الشمري ..

يا سلام عليك يا رفحاوي

---

الله يسلمك يالبناخي ...

مبروووووووك ولو انها متأخره بس حبيت اشاركم

الله يبارك بأيامك يالنجلاء ...

والله انك صادق يارفحاوي اذا شفنا سائل ... نوريه العين الحمراء !!

والله من كثرهم انغثينا والمشكله اغلبهم كذابين ... بس بحاول من الآن اني على الأقل ما انهرهم ..

وبهالمناسبه قبل ثلاث ايام صارت لي قصة مع عجوز ومعها ولدها الصغير ... كنت واقف عند مستشفى خاص وجتني العجوز وقالت ما معي حق الدواء ... بصراحة انا ماخذ فكره انه كلهم كذابين وانها جاية عند المستشفى بس علشان تضحك على الناس وتاخذ فلوسهم ... المهم قلت للعجوز توكلي على الله . الله يرزقك ما معي فلوس وقفلت شباك السياره .. سمعتها قالت ( يا وليدي لو بعض حق الدواء ) فتحت الشباك مره ثانيه وقلت لها انا اشتريلك الدواء بس ما اعطيكي فلوس بيدك ... قالت ميخالف يا وليدي ونزلت معها للصيدليه ... لقيت الدواء قيمته 70 ريال وتفاجأت انها صادقه لأنها هي دفعت قيمة ادورية بـ 100 ريال .. قالت خلاص انت ادفع 70 وانا ادفع 100 ... قسم بالله رحمتها لو كانت نصابه كان ما اشترت ادوية او لما قلت لها تعالي معي للصيدليه كان رفضت .. علشان كذا يا ليت كلنا نعيد نظر في طريقة تعاملنا مع السائلين ...