[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
لا الوقت وقتي ولا الهمه هي الهمه =تعبت اشيل الهموم ثقال وخفافي
سريت ليلي حزين وضاعت اليمه =مافيه غير الحزن يرسي على ضفافي
جاني كذا كيف ؟ماادري خمني خمه = مااقول غير الولي يرحمك يالغافي
لو كان للكذب وجه وللغدر ذمه = ما كان شفت الخناجر تطعن اكتافي
لو كان رجل وتشبع من حليب امه = حسب حساب السنين سمان وعجافي
يا جعل بذره رمادويحترق دمه =ويا عل ماله بيوم الحشر ميقافي
به منبع الخبث هو خاله وهو عمه = به مصدر الحقد قلبه بين الخافي
لا عاد بسم القرابه يطري اللمه =لا الطبع طبعي ولا اهدافه هي اهدافي
مادام شيل الا مانه سهل ماهمه = مريض نفسي لو ان الجسم متعافي
قولوا له ان طاح لايشره على الزمه =خلوه ياكل تراب ويلهم السافي [/poem]
.................................................. .......................................ملاحظه القصيده ليست موجهه الى احد بعينه والله لا يتهم بري
