قصيده لقبيلة الجنده

[


يوم المعانـي حسنهـا بالتعابيرـ = في مدح من صاروا بهالوقت قلـه

مركاضنا يشبع به الذيب والطيـر = ويفرح بنا من حطنـا محـزمً لـه

جنيدات حنـا مانهـاب الطوابيـر= وكبد العدو نصلاه من فـوق ملـه

تقول حنا غير والنـاس ذي غيـر= ماهو كبر واجحـاف والشاهـد الله

لونا بزماً جساس وكليـب والزيـر= كنا علـى التاريـخ فوقـه مظلـه

ولو يرجف الرجاف ويصير مايصير= وكلن غدابه من لقا المـوت ذلـه

عيال الجنيدي وقفـوا دون تأخيـر= وصاروا على الرجاف عله وغلـه

نقدم على الاخطار ولا نرهب الغير= قبورنـا لياحـد كـابـل محـلـه

صولاتنا ترهب قلـوب المغاويـر= أشجع شجـاع ليـا نطحنـا نذلـه

وكم واحد طب العلـوم المحاذيـر= ربـي نوابـه عقـب عـزه بذلـه

ماهو مسـا إلا ضحـا للمناعيـر= صبحً عبوس فـوق راسـه نهلـه

عاداتنـا لا فـرعـنّ الغنـاديـر= ماتنثنـي لحانـا علـى المتـن لله

عز الدخيل اللـي بهـم المداهيـر= وعز اليتيم اللـي فقـد والـدً لـه

يوم الليال الماضيـه مابهـا خيـر= عشنا بخيـر ولا عرفنـا المذلـه

حنا سوات الموت يـوم المغاويـر= ومن لا يجي للموت جـاه بمحلـه

كانوا فقارى مـال لكـن هواميـر= رصيدهم بالطيـب عالـي مطلـه

بوقت الرخا نكرم وجيه المساييـر= أقـل مايلقـون حـايـل ودلــه

وخوينا نكرمـه مـع زود تقديـر= ونسمـح وندمـح لاتعـدا بـزلـه

مجلاسنا مبـداه خيـر وخماكيـر= من باوعـه ماظـن عينـه تملـه

وليا بغيت العلـم موجـز بتقريـر= سل الصباح انياقهـم وش حصلـه

والطائرات اللي فزعـت للمغاتيـر= هـن عـودا بالـذود ولا بمـذلـه

مسطرين المجـد والعـز تسطيـر= ولاالـردي لوهـو ولدنـا نشلـه

خذها نصيحه واحداً ينتخـي عيـر= لاتنطحه بالهوش وان جـاك خلـه

بالمختصر حنا الرجال المشاهيـر= جنيـدات ولا الدولـه المستقـلـه

وختامها صلوا على محمد الخيـر= صلـى عليـه الله وسلـم واجلـه

عليه الصلاة والسلام
يستاهلون اخوان سعدا

عليه الصلاة والسلام ..



يستاهلون أخوان سعدى .

اللهم اصلي على محمد
يستاهلون اخوان سعدى
ونعم .

صح لساااانك يابعد حيي؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛عزوتي الجنده

صح لساااااااانك] اخوووووووووو سعده ووووونعم والله ونعم