ما بقى عندي سوى خمس لوعات
وبدنيتي ماشفت غير الغرايب والعجايب
والسبب منهو خده صافي الوجنات
منهو ودعت لاجله خلان وصحايب
حبيبتي اللي واعدتها وللحين ماجات
اللي يغار منها ريق العسل ذايب
لا مثلها لابيض ولا سمر ولا شقرات
مثل ماء الفرات وقراحه العذايب
ماخاف لو أقضي العمر حسرات
لاجله اعتلي روس الجبال الصعايب
أمشي حافي القدم و دوس جمرات
شسوي لا صار قمر محبوبتي غايب
أعاف لاجله نومي وفرحتي والملذات
ومعاه السعادة والهنى وكل شيء طايب
متكنة في داخلي و من الملحات
يا كيف أرجع من دونها والراس خايب
خنجر الهجر طعني وبداخلي فات
و راح أنكوي بنار الهجر واللهايب
بحق منهو بسط الأرض ورفع سبع السموات
ترى مقوى فراقه بكثير المصايب
بشوفته تهون المصايب وتصير سفرات
تولي المصايب ومرهون الطلايب
أبو العيون الناعسه ماشفتها غير مرات
وتولع قلبي بهواه وما هو بتايب
لو تلوم الناس أقول فترات
وأرجع بحب منهو له القلب هايب
لو تهمل عيوني من العين عبرات
يمكن ترجع منهو عن هوى البيض نايب
ول يا سنين الهجر تجين غبرات
ماحد يبيكن لاصغير بالهوى لا ولا شايب
حنا حبايب للمواصل راسمين بسمات
ونشوف باجر للزمن وشهو بجايب
هي لوعة الهجر والبكي والندم والمسافات
ولوعة النصيب اللي للمحبين عايب
