أحمد الطرقي يرثي مناحي مرضي رحمه الله
الشاعر. احمد الطرقي . يرثي مناحي مرضي العنزي الذي وافته المنيه صباح يوم الجمعة 9/ 10 / 1432هـ
الموت ثوب لا بسينه على خير
............ كل من لبس ثوبه تعجبه ثيابه
تمضي علينا سنه الله و نصير
............. عقب الرخا بين الرجا والطلابه
هذا مناحي طيب الذكر ماغير
.............. سلم اماناته. و ودع شبابه
للحين ضحكاته ترش النواوير
............... على الصدور اللي ذبحها غيابه
مامات هذا ودع الناس بالخير
............... خلا لنا الدنيا و طرد الذيابه
اللي علينا ما يعد المخاسير
............... حتى مع اللي مايبيه وحكابه
عساه مايلقى كلافه ولاضير
.............. يرفع يمينه يوم يعطى كتابه
واللي عليه الحزن غطى التعابير
............. يرحمه ربه لا وقف عند بابه
هاللي محبه اكثر الخلق له غير
.............. اكيد ربه حب يرفع جنابه
خذاه عنده لا ندامه وتعسير
................ ما ضاع منهو عند ربه زهابه
هالدرب هذا ماسكينه على خير
................ وكلن بها الدنيا يخيط ثيابه
اللهم ارحمه وتقبله يارب العالمين
أحمد الطرقي
