[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هل ياترى مغليك للحين تغليه ؟= والا خلاص وراح في طيّ نسْيان
لنّ الخفوق اِيْتلّ من حرّ مافيه = يومك قطعت الوصل عن جوّ ظميان!!
حرام ياآخر غرامي وماضيه = حرام ماجازيت صدقي بالاحسان!!
قطعت جسر ٍ بين غالي وغاليه = واضرمت نار الوجد يانور الاعيان
في جوف من فادا بناسه واهاليه = لعيونك وجازيت فعله بهجران!!
ويلك من الله لاتخيّب هقاويه = خلّك مثل ماكنت في ماض الازمان
خلك بجنبه دامك اغلا امانيه = اِرْجع ولا تِفْرِح بفرقاك عدوان
واشبع لجِيّانه وبلّلْ ظواميه = واتْرك مضانين ٍ بمن فيك هيمان
انا هويتك يالعزيز بمجانيه = والعشق لك فاااق لمفاهيم واوزان
عشق ٍ بْمعلوقي اكيده مساريه = عشق ٍ ململمني من سْنين للآن
عشق ٍ بكوني واضحات ٍ خطاويه = عشق ٍ يفوق العشق باِنْسه مع الجان
عشق ٍ وبه طيفك لفكري محوّيه = عشق ٍ يمين القطع ماعشْقه انسان
عشق ٍ فلا يعْشقْه هذا وهذيه = عشق ٍ وله مدّيت يالروح برهان
اني بلاك ارحل لدنيا المتاييه = ولا ادوّر بْدالك رفاقه وخِلان
هذا انا يارافضٍ كلّ مابيه !!! = كلّي رجا يرجع حياها للاوطان[/poem]
