لمحبي التسوق الالكتروني تفضلوا
انا من فتره طحت بالتسوق الالكتروني
وبصراحه اجد فيه متعه كبيره واجد عروض واسعار مغريه للشراء
بعد فتره من التسوق وبعد ما عرفت المواقع وعرفت كيفية الشراء حسيت بأننا شعب مضحوك علينا ولا نجد من يحمينا من جشع التجار وضعاف النفوس .
على سبيل المثال :
قبل فترة نويت اشتري قامرن نوفي 760 وقلت ابي اخذه من دار موجه سعرته عندهم قالوا لي ب 2300 ريال !!! قلت خلني ابحث بالنت عنه واشوف كم سعره بموقع امازون .
تدرون بكم حصلته :-/ ب 932 ريال مع الشحن الى بيتك يعني فرق 1368 ريال والضمان دولي للجهاز .
مثال ثاني :
احد الشباب حب يشتري سياره يوكن دانيل 2004 أكس ال طبعا استعمال امريكي حصله بحدود ال78 الى 82 الف ريال بجده الرجال طقت براسه وخش موقع كارز ودور ولقى السياره اللي يبيها وانظف من اللي عندنا بالسعوديه وكلفته مع الوسيط والشحن والجمرك 64 الف ريال !!!!
مثال ثالث :
اشتراكات الرابيد شير اذا حبيت تشترك بالموقع العالمي الشهير رابيد شير فيه لهم وكلاء بالسعوديه كنت اشترك عن طريقهم السنه ب 360 ريال واحيانا ب 340
يوم تعلمت التسوق وكيفية الشراء من الانترنت صرت اشتري الاشتراك ب 280 ريال للسنه
يعني الوكلاء ياكلون عليك 80 ريال ..
والله حرام وقهر وخاصة اننا جيل فاهم وواعي ولا ينقصنا شيء سواء تحريك عقولنا شوي ووقف جشع ضعاف الانفس من تجار واجانب
على العموم اي شخص يحب اني افيده بمعلومه حسب عرفي انا مستعد
للمعلوميه تعاملي مع مواقع معترف فيها وموثوقه واذا كنت خايف من المواقع احط وسيط بمبلغ رمزي زهيد
