بسم الله الرحمن الرحيم
ليه الأمل.. أبــرز ضحايا المقـاديـر؟!
وليـه الزمـان الشين.. ظالم وجـوّار !
ياصاحبي.. مـاعـاد فيـها معاذيـر
وش تنفع الاعذار.. لاجبت الاعـذار !
روّح ورى اللي ساق فيك التباشير
اللي حسبها صح.. ثم صار ما صـار
نزفت لك من دم شعري.. تحاذيـر
آخـر قصيده كانت.. الوقت دوار
روّح على الله.. يمكن فبعدك الخير
لو اني ادري وش بذوقه من امرار
صكّيت دربك بايْدك.. وحاول تْطير
ودفنت بيرك بايْدك.. ودوّر انهـار
ماتدري اني.. منّي احيــانا اغيـر ؟
وماتدري ان الحب.. له قصر واسوار ؟
وانته هدمت الحب من دون تبريـر !
( وانا.. حسبت ان الوفا طبع الاحرار )
ألهمتني فـي وقـت مـافيه تنويـر
وداحمت في سبك الغزل فيك شعّـار
كتبت فيك احلى الثقال النواديـر
ولبّـستك اللي أذهلت عالم سْـوار
قدّمت لك عرش الولا.. وقلت لك صير
أمّرتك بشعب الغلا حـب.. واصـرار
سكّـنتك فقلب(ن) يباهي بك الغير
أهديت لك سيفي عن الوقت لاجـار
وسطيت في قلبي مثل ماسطى الزيـر
باغلى البشر بالسيف والسيف بتار !!
ماراح اموت وعايش وخيره وخيـر
والعمر يفنى والله اعلم بالاقــدار
لاتحـْسب اني.. راح احسْب المخاسيـر
ولاتحْسب اني راح.. أبكي وأنهـــار
صحيح اضيق احيان في تـالي عصيـر
لكن تراني بين الاجبال.. سنجــــــار
خذهــا بلا تفكيـــر ولاّ بتفكيــر
مـدام ضـاعـت مملكتـنا.. ياغـدار
منت بكفو حـب.. وولايه.. وتأميــر
ولنت بكفـو قـدر.. و معـزه.. وتعبـار
من ماحسب لي بالخفـا.. أي تقديــــر
مالله خلـقـْه.. ومــاله ايـّـات مقـدار
وسلامتكم
