][ تومي بي الذكرى ][

تومي بي الذكرى من السيف للسيف
والقلب نسناس الغرام ألتوابه



في ليلةٍ فيها تجر الغطاريف
موقف تعب ما فيه للنفس ثابه



ذكرى رسوم وهمس ود وسواليف
زالت .. ولا زالت محل الكتابه


يبقى لها في سيرة الحب تعريف
: أول غرامٍ ما يجي له مشابه.


ياغالي الذكرى... ذكرت المواليف
فأول مشاوير الغلاء والصبابه


كتمتها وأحلام عمري مراديف
أسعى وهي تسعى ورحنا نهابه


ما باقي إلا صورةٍ كنها طيف
وعطرٍ نسيم العشق للروح جابه


تأخذ لها في دوحة الروح تشريف
وتنزع عن الصمت المطول ثيابه


غيداّ طغت ما مثلها فالبشر شيف
لها على عرش الجمال الرحابه


تخلف موازين الرجال العواريـف
وراع الصواب إتضيعه من صوابه


معربة منسب لها الأوله كيف
من صلب شيخٍ كل مجدٍ رقابه


مروي عطش حدب السيوف المراهيف
راس الحسب وأًصل النسب والمهابه


محشومةٍ عندي مثل حشمة الضيف
وعلى لساني من غلاها رقابه


من دونها حالت دهور و صواديف
وكلٍ عذابه في حياته غدابه


أعدها من ضمن الأموات يا حيف
ويبقى الرجاء مع واحدٍ يرجابه


راحت ورحنا والخواطـر ملاهيف
وكلٍ يعيد الذاكره من عذابه



http://www.youtube.com/watch?v=qp0d8DSiEm4





مؤلمه :ebt2025:






*شيله لـ ناصر السحياني

الله على الشيله الحلوه


الله يعطيك العافيه يا شماليه

ويا زين قناه الصحراء
24 ساعه محطوطه على القناه

حياك وبياك عقارب
انا سمعتها في سيدي وحنا جايين من الرياض
اشكرك على مرورك

ماشاء الله على هالصوت

ان شاء الله اسمعها بصوتك يالطخما اذا جيتي للرياض والا انا جيت رفحاء

هههههههههههه حياتس وبياتس ريانه
تحلّمي بي :)