-
كفتة التوست.
السلام عليكم رحمة الله وبركاته.
المقادير
واحد كيس توست اسمر
نصف كوب شبت مفروم
كوب ماء
نصف كوب حمص جاف
كوب بصل مفروم
نصف ملعقة بهار مشكل
نصف ملعقة صغيره لومي اسود(ليمون اسود)
ملح
بقسماط
زيت للقلى
الطريقه :
ضعي التوست والشبت بالخلاط وافرميهم
- اضيفي الماء واخلطي إلى أن تتكون عجينه متماسكة ومتجانسة
- اسلقي الحمص
-أقلى البصل على النار حتى يذبل
- ضعي عليه الحمص المسلوق والملح والبهار واللومى ويقلب على النار مده 5 دقائق.
- قسمي العجينه إلى كور صغيره بحجم الجوز واحشيها من البصل والحمص وكوريها بالشكل اللي تحبينه ثم غطيها بالبقسماط واقليها بالزيت
الغزير حتى تتحمر....ألف هنا
ممكن تكون الحشوه لحمه مفرومة.
.:وبالهناء والشفاء :.
-
وعليكم السلام ورحمة الله وبركاته
اضحك الله سنك جنرالنا
اشوفك فاتح مطعم
شكلك تنافس دبدوب المحبوب الله يرده بالسلامة
ودي اسال وشو ( بقسماط ) ؟!!
-
هلا اخوي رفحاوي.
والله الدنيا اخوي انقلب حاله هالحين كل الي يعدون الطبخات هم رجال حتى في منتدنا اكثر الي يعرضون الطبخات هم اعضاء رجال....
الله يعينهم على هال الوظيفة الجديدة.
البقصماط هذا ياطويل العمر بقايا الخبز تطحن حتى تصبح على شكل دقيق((زي الطحين تقريبا)).
لكن هالمصانع ما خلت شيء تلقاه جاهز عند السوبرماركت لا و البقالات بعد.
حياك الله اخوي وشاكر مشاركتك.
-
أحرجتنا أخوي الجنرال
:I
تسلم يمناك
-
هلا اختي حنين.
لا .....لا احراج و لا شيء هذي حال الدنيا وانا اخوك.
وترى ما نقدر نعمم على الكل. يعني فيكم الخير و البركه.
-
وعليكم السلام ورحمة الله وبركاته
:)
منافس جديد في السباق داخل المطبخ
سلمت هذي اليمين أخي
وخالص الشكر لك
-
الله يسلمك اختي عاشقة الجهاد.
والشكر لكي انتي على مرورك.
-
مشكور اخوي الجنرال على الطبخه ..
بجرب أسويها بكره للأهل..
وعلى مسؤوليتك اذا جاهم شي.. :\