اول سنة الفين
من آخر سنة الى أول سنة الفين
عظام نحيلة ما بقى عظم قاوي
أول نلتقي الا يا حلى نظرة العين للعين
واليوم ماظني يالحظ الردي للمحبين ماوي
تعبت اسطر بالقلم حرف السين والشين
ماظني حرف الكتابة لابعاد المحبين ناوي
مير فرق بيننا ما بيننا البين
وحظ كلة تعيس وحظ كلة شقاوي
والصبر خلص منين انا أجيب الصبر منين
والقلب يمشي وراه كنه له مخاوي
الأيام تمشي تسبقة شهور وسنين
وتلوحلي بروق لقلوب المحبين راوي
ما مني تزايد الا كثر الحنين
ولجروح الفراق أبيلي طبيب مداوي
عدا الشتاء عقبة ربيع وباقي فصلين
خريف العمر وصيفه لاهمومنا طاوي
علامك يالدنيا معي أشتري وانتي تبيعين
علامك يالحظ الردي معي ليه ما تاوي
وين السعادة والفرح دربها وأنا وين
متى يعود نبراس الوفاء للمحبين ضاوي
هذه حياتي عشتها بين نارين
نار الفراق ونار كثر المناوي
نافع بن عبيد الصقري
