عابرة سبيل في رثاء نفسها..

[ALIGN=CENTER]
عندما .. تكون القصيدة من عابرة سبيل ..

اقف لأتأملها ..

..فاحببت ان اضعها بين ايديكم رغم انها قديمة بعض الشي..


تـرى الذبـايـح وأهلـهـا مــا تسليـنـي=أنا أدري إن المرض لا يمكـن علاجـه
أدري تبـي راحتـي لا يـا بـعـد عيـنـي=حـرام مـا قصـرّت يـديـك فــي حـاجـه
أخـــذ وصـاتــي وأمـانــه لا تبكـيـنـي=لو كـان لـك خاطـر مـا ودي أزعاجـه
أبيـك فـي يديـك تشهـدنـي وتسقيـنـي=أمانـتـك لا يـجــي جـسـمـي بـثـلاجـه
لف الكفن فـي يديـك وضـف رجلينـي=ما غيرك أحد كشف حسناه واحراجـه
أبـيـك بالـخـيـر تـذكـرنـي وتطـريـنـي=يجيـرنـي خالـقـي مــن نــار وهـاجـه
سامح على اللي جرى ما بينك وبيني=أيــام نمـشـي عــدل وأيــام منـعـاجـه
همـي عيالـي وأنـا اللـي فـيّ كافيـنـي=علمـهـم الـديـن تفـسـيـره ومنـهـاجـه
[/ALIGN]

اختيار موفق اخت حبوبه

وفيها تذكير وقديمك نديمك

ويعطيك ألف عافية

[ALIGN=CENTER]

شكرا على متابعتك ..

[/ALIGN]

مشكوره اخت حبوبه

ولك يالمحبوبه هذه القصده من عابرة سبيل


[align=center]العيد باكر


العيد باكر أسعد الله ممساك = والله مدري وين خدٍ جلسته

وين انت ياللي عيدنا في محياك = كف القدر من ضيقة الخلق بسته

من يوم ما لوحت لي كف يمناك = لليوم دمعي بالخفا ما حبسته

ومن يوم ماذوقتني حر فرقاك = والياس زرعه في حياتي غرسته

شريت لي ثوبٍ علي شان لقياك = والثوب راحت موضته مالبسته

وشريت عطرٍ ما زهاني بلياك = أربع سنين بعلبته مالمسته

ودفتر قصيدٍ كل يوم يترجاك = مافيه يومٍ ماسهرت ودرسته[/align]

[align=center]رسالة من بدويه


تعال بشرح لك أنا كل مغلوق = تعال شاهدني مع ذكرياتي
لا لا يغرك لبس موضة ومسحوق = انفض غبار الوقت تلقي صفاتي
قرب وطالع معّن الشوف بحدوق = وزيف التطور جرده من حياتي
بتشوف في وجهي من الماضي اطروق = أخذت من بطن الصحاري صفاتي
طفلة بثوب مخيطينه ومفتوق = تنطر جديد الثوب بالعيد ياتي
سمعت طرف اخبار عن كلمة السوق = وتاخذ وتسأل هو وجوده ثباتي
طفله سحبها الوقت للهم برفوق = حتي انها صارت من العاشقاتي
وجار الزمن وعرض الحب للعوق = شرق ركايبها وهم مشملاتي
واتلا عهدها فيه يركض ورا نوق = مسرود جيب وفي يدينه عصاتي
ويصد لكن يلتفت لي من الشوق = عجلان يلخصني بعينٍ تحاتي
وقفي وخطواته يتلن معلوق = وخلاني ماتنقل عظامي عباتي
ودار الزمان ولا مشي الحظ بوفوق = ومازلت أخفي بالظلام اعبراتي
ولا زلت أنا العب له علي كل طاروق = حتي يجيب الله موعد وفاتي


الشاعر: عابرة سبيل[/align]

الشككككككككككككر للجمييع

الحبوبه صح لسانك ولسان الشاااعر

عطينا من قصيدك أتركي اللطش ;)