[poem=font="simplified arabic,6,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياعنود الريم يالخيـل الاصيلـه=يا اعذب الالحان ينطقها لسانـي
طلتك تكسف بها الشمس المهيله=ياولع قلبٍ سكن بيـن المحانـي
عين حرٍ بالتواصيـف الجميلـه=لالمحه البدر قال اقعـد مكانـي
تسري افكاري معك في كل ليلـه=تنصدم بالنور يوم الصبح بانـي
مركب اشواقي غدى يبغي دليله=في رصيفك مايبي له جال ثانـي
انت تدري عن غلاك اللي نشيله=وادري انك للوفاء رمز ومعانـي
الصراحه بيننا افضـل وسيلـه=ياقلوبٍ تشتكي غـدر الزمانـي
انت حبك طاغـيٍ وانـا قتيلـه=لاتعـذب فالمشاعـر ياحنانـي
ارحم اللي زابنٍ وانتـه دخيلـه=داخلٍ في وجه مجلي الثمانـي
وكان ناوي بالهجر والا تخيلـه=ماابيحك واعرف انك لي مدانـي
[/poem]
فتى نجد
