سطام .. رائعة لعبدالله بن راجس

[poem=font="Simplified Arabic,5,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
ياسيدي طيرك تتله سبوقه
شاف الحباري باسفل النايفة درج
سطام لامنه طلع وش يعوقه
ماقد وقع سطام في ماقع حرج
نفسه على صيد الحباري تسوقه
لامنه رقا كنه يبي عالي البرج
لامن تعلى فوقهن مع لحوقه
يجيبهن حتى لو كلهن مرج
يازين شوف الخرب والحر فوقه
منظر ينسيني هل رماح والخرج
مغتر قصيد الساق عرضه يفوقه
والعاتق اللي فيه ماينفع السرج
والراس كاشف والمناكب تسوقه
لامن رقا طيارة في المدرج
طيارها اللي متميزن في طروقه
يتلها يم السماء به تعرج
كبتن خبير وتمتة ماتضوقه
كنك على سطام واقف تفرج
ياسيدي وصفي قصر عن حقوقه
أخاف من عين الحدا لاتبرج
والله يحفظ اللي ينومس لحوقه
ويوفقه بطيار والا بعد درج[/poem]

عبدالله بن راجس