-
برفحاء ومن سكنها
مرحبا
للجميع وكل عام وانتم بخير
بدون مقدمات
ياسلامي على رفحاء وأهلها سلام
ينبت الأرض وعليها يهل ّ المطر
قبل مبدا علومي وإهتلال الكلام
جيت اقدم ورود الود واحلى الزهر
ديرة(ن) من سكنها يستلذ المنام
ساكنه في حماها مايطوف الضجر
شاعرا غاب عنها يوم دوبه غلام
ثم عود لها والشيب غازي الشعر
خطوة (ن)عابره ياجعلها للدوام
للديار الونيسه ما املّ السفر
لو اباجلس بها من سانح الوقت عام
قلت ياناس لحظه ماتحسّب عمر
كيف باوصف زياره عاجله بالتمام
الشعور احتماله فوق طوق الشعر
غير باوجز حروفي واعتبرها وسام
القوافي برفحاء ومن سكنها فخر
ياسلامي تحية من غلا وإحترام
ومنكم ارجو على التقصير يااهلي عذر
مع اجمل تحيه
-
والنعم فيك ورفحاء تستاهل كل خير
صح لسانك وعلا شانك .. ابيات تنبض بالصدق والوفاء
تحياتي
-
-
صح لسانك
أبيات لا تحتاج أي مقدمات
نابضه بالشوق والمشاعر الصادقة
حياك الله من جديد
-
-
-
شاعر تغرب عن رفحاء
وعاد محملا بالشوق والحنين ,
وقليل هم الاوفياء ..
قصيدة جدا رائعة
وشكرا مبدعنا ..ننتظر القادم
-
صح لسانك ورفع الله قدرك
لاهنت
-
صح لسانك ورفحاء تستاهل كل القصايد
واهلا وسهلا بك في قسم همس القوافي
-
ارحبووووووووو
حياك الله وسلمت يداك وفاك
شرف لنا تواجدك وننتظر ابداعاتك
دمت بحفظ المولى
