ܓܨܓ رايح ولا قلت وين نشوفك
والله مو هين علينا نعوفكܓܨܓ
0
0
0
عندما يعزف القلب على عروق الضمير ليبكي المشاعر على لحن الوداع:
الليله هذي انشدت قمــــــــرية الخافق لحــــن
واللي حضرنا ها هٌـــنا يسمع شدى تلحانها
من كان ظاهرها فتـــــن اكيد باطنها فتـــــن
اللي عرف منقارها واللي جهـــــــل جنحانها
العوبا عوبا لو تحـــط ابها ثمــــان امية رسـن
وبنت المطبل لا هداها الله تضـــــف اخوانــها
اللي هقـاها ما هقا والـــــلي فطنها ما فطن
حزوم عــرعــــر لا ضمت تشره على وديانها
ياللي قليـــــــبك من غلا والغير قلبه من عـهن
شجرة عزاز المرجلة حامض خرز رمـــــانها
إن قلت لي شاعر عفـــن اقول لك شاعر عفـن
وإن قلت لي غرقت سفـــــن اقول من ربانها
وإن قلت لي شاحت خلى بالعلم ينبيك الرسن
وإن قلت لي صيحة ضحى اقول من فرسانها
إن شملت بي شملت وإن غربتبي ما نحــــــن
إعييــت وبليت وعطيت اللي قلـــيل إحسانها
اول ليا مرت خفوقي ما يسمــــي ويرجهـــن
واليوم ما كنه من اول طــــارق ٍ طرقانــــــها
يعني على قولت هل الشطحات(اضرب له هرن)
ومن لا يقــــدر ما يقدر وستلم عنــــــــــوانها
السمسميه)كلــــــــها عودين واوتار و(قلــن)
واللي عزفها من فضا ما ينطــــرب للحانها
والطيبه اللي تاخذ الرجال لدروب المحـــــن
اخير منها قسوة ٍ تشعل خمـــــــد بركانها
(وشوله)نتعب؟ لا تعاندني ولا اشد الرهـــن
عمر الغصون اليابسه ما وردن تيجـــــــانها
ماهو قهر لا سربت عينيك من خلف الضعن
بس القهر لا هلت دمــــوعك على ركبانها
تدري وش اللي يودع الرجال من دونه وهن
لا مره الطيـــــب بقربه ولا معه (حــــقانها)
وتدري وش اللي يسطح الرجال من دون الغبن
لا ضاقت الدنيــــــاء عليه ولا لقاء بيبـــــانها
0
0
نايف الذعذاع
