السلام عليكم ورحمة الله وبركاته
بقولكم مشكلتي مع عميدة كلية رفحاء اللي اوجعت راسي من كثر التفكير:i
انا الله يسلمكم تخرجت من الكليه قبل العام
ويوم جاء تسليم الوثائق كنت مستانسه اكيد مجموعي زين لاني كنت مجتده :^
عشان حاطه براسي دراسات عليا ان شاء الله
المهم يوم اخذت الوثيقه وهو يغمى على قلبي من الظلم تدرون ليه ؟
لاني ماخذه جيد مرتفع واقعد ابكي مستحيل اني اخذ تقدير زي كذا :-:
المهم وادخل على رئيسة القسم قلت هذا ظلم اخذ جيد واختباراتي كويسه
قالت روحي للعميده هي اللي تقدر تشوف لك حل
رحت لها وشرحت المشكله لها وقلت انا ابيك تعيدين حساب السجل الاكاديمي وتتأكدين
قالت انا مو فاضيه لك اعدل وثيقتك وبعدين انتي انتساب ولا وحده من طالبات الانتساب جابت
معدل فوق الجيد
قلت انا مالي شغل فيهم انا اعرف نفسي زين مستحيل اخذ هالنسبه قالت اطلعي برا مو فاضيه
لك
وطلعت وقلت حسبي الله ونعم الوكيل
المهم توكلت على ربي وقلت خيره وجيت بقدم للماستر بجامعة سعود
قبل اسبوع
وطبعآ طلبو السجل الاكاديمي
رحت للكليه عشان اخذه وتقعد الدكتوره تحسب لي الدرجات وفجأه وتناظرني وتهز راسها
وتقول راح تتغير
قلت ايش يادكتوره قالت نسبتك بالوثيقه خطأ قلت اشرحي اكثر
قالت لما حسبت الدرجات طلعت نسبتك اعلى بـ 14 درجه
وراح يكون تقديرك جيد جدآ
انا من الصدمه ماقدرت اتكلم ودموعي تنزل ماادري من الفرح ولا من القهر
وهي تقول المفروض تفرحين مو تبكين
قلت الحين بيروح التسجيل علي وفوق هذا العام يوم اجي للعميده واقول حرام عليك
تقول اطلعي برا مو فاضيه
بالله هذا مو ظلم
ماادري ليه نظام التعليم بهالكليه نظام استبدادي
هذي معاناتي مع كلية رفحاء
واخيرى تقبلو مروري ودمتم بالف خير
