قـم يــاولــد زهــب لنا جــيـب Gxr....صوتية..
[align=center]
http://mohra2554.jeeran.com/mt2.gif
ما نبي نطول با لمقبلات اخليكم مع القصيــــــــــدة..Gxr
[ramv]http://www.5ymah.org//files/2006-02-27_15/gxr.ra[/ramv][/align]
[poem=font="Andalus,4,red,bold,normal" bkcolor="transparent" bkimage="backgrounds/21.gif" border="outset,4,white" type=3 line=0 align=center use=sp num="0,black"]
قم ياولد زهب لنا جيب جقس آر
دام الوسم أقبل علينا بنوّه
وزهب معاميلي على شبت النار
ومن السمر زوّد لجل طيب ضوّه
يامحلا مجّلاسنا جنب مجمار
وريح النفل غطى على كل جوّه
وحليب خلفة طيبة بيننا دار
بكريةٍ توّه على العشب توّه
وفنجال صيني ناقعٍ بن وبهار
بنٍ على المحماس لا ماتشوّه
واليا طرى الشاهي له القرم بيطار
قم ياسعد سوّه على الكيف سوّه
وسط النفود اللي بها خوش تذكار
طعسٍ حمر توّه من الوبل توّه
فيه الثرى يلحق ثراها بلاشبار
مسقيه ربي من تباشير نوّه
ودارت سوالف كلها طيب وأخبار
فيها الميانة سايده والاخوة
وهلت قرايحنا على ذكر الاشعار
حتى العليمي بالشعر قد تفوّه
واللغز جاء دوره على عصر الافكار
نرمي على عينه ولو قد تموّه
واليا رقدنا مانسينا بالاسحار
نوتر وهاذي سنة أهل المروّة
[/poem]
[align=center][line]
خالص التحــــــــايا واعطرهــا[/align]
