الوطن في قصائد الشعراء ..

فهذا الشاعر الكبير والراوي المعروف رضا بن طارف الشمري، يقول:


المملكة قبل يتقادح شراره
....................نوب صباح ونوب كونه هجادي
ويوم ان ابوتركي صعد في فقاره
.......................بالمركب اللي من قديم يرادي
عبدالعزيز اللي بعيده خباره
.....................سلطان نجد اللي حكم به وسادي
اقبل قبول المملكة يوم اضاره
.......................ونبت الزهر والفقع بقران حادي
عقب الحياة اللي لبس به شعاره
.......................وادرك بها كل الهوى والمرادي
رحل وخلف من تخلف بداره
........................ولا خاب من خلف خلافه نوادي
خلف ملوك تفتخر به دياره
........................وكل بروحه دون شعبه يفادي
والشعب كل ساكن في عماره
..........................عن كل طماع يدور الفسادي


ويقول من قصيدة أخرى:



من أول نجد مداهيل غزوان
...................ناس بها توخذ وناس تفوه
وعقب الزعازع طوعه طير حوران
...............من حام به طفى مشاهيب سوه
عبدالعزيز اللي عن الخوف مزبان
..................هد السباع اللي تعالج بدوه
عبدالعزيز اللي حفظ كل الاركان
................وأقام شرع الله وهدي النبوة
بالمملكة حكمه مثل وبل نيسان
................مل حقوق الشعب وابعد عدوه
يوم اخصيت نجد وفيها الهوى زان
..............وزهي لابو تركي وطنها وجوه
وزال الكدر والشعب ممن وشبعان
..................وبالخير للي يقبل الخير دوه
رحل وخلى من تخلف بالاوطان
..................روح دعاه اجله وكتبه تطوه
وصى وكيله من مشى سر واعلان
...................ول ما سويت بالشعب سوه
وسادوا بها بعده طويلين الايمان
.................هل الزعامة، والشرف والمروه


وننتقل الى شاعر آخر لا يقل عن سابقه في جزالة القصائد وفي روحه الوطنية وطول نفسه الشعري.
الشاعر والمؤرخ عبدالله بن عبار العنزي، يقول عن الملك عبدالعزيز - طيب الله ثراه -:



صقر العرب وحد شعوب الجزيرة
.......................وجمع شتات شعوبها والقبايل
نال المعالي والمعالي عسيره
........................فوق النجايب والمهار الاصايل
ريق الصحيب وللمعادي نحيره
.........................ملجا الثكالا عن سموم القوايل
فعايله ننعم بفضله وخيره
..........................الليث ابوتركي ذريب الفعايل
خلا المرازق بالجزيرة وفيرة
........................عقب الغلا والقل وشح المكايل
وخلف بها اللي ينطحون الجريرة
............................سلايل المقرن صناديد وايل



ويقول ابن عبار من قصيدة أخرى:


عبدالعزيز اللي ردع كل طماع
....................صان الوطن عن كل طامع طمعبه
واغنى العباد وهم مفاقير واجياع
...........................عن الرخا والدار كل شبعبه
وخلا العنيد الليث خاضع ومطواع
.......................وأهل التلاعب راح لهوه ولعبه
بالسيف طوع كل عابث وخداع
....................وهرج المنافق ما نوى ينخدع به
والمنعوج دله على درب الاسناع
.......................حتى سلك درب الهدى واقنعبه
وعقب صوارم للوطن سور وقلاع
..........................رضيعهم فن الرجولة برع به
خلايف اللي عطروا كل لماع
........................عدوهم صابه من الخوف رعبه
والحمد لله بالسعد هب ذعذاع
........................وكل حصاده من بذاره زرعبه


http://www.al-jazirah.com.sa/nationalday/109182/26.jpg

وكل عام ووطني بخير . اللهم احفظ بلاد المسلمين من كل شر ..