الشيشــــــــــــان الــــــــــم واحـــــزان......قصيده مليون % بتعــــــجبكم
السلام عليكم ورحمة الله وبركاته
هذي القصيده انشاء الله بتعجبكم وتحكي واقع مئلم صوره الشاعر بهذه الابيات والله على اثرها دمعة عيون كثيره ومن عرض تلك العيون عيون من نقلها لكم وهو السيف المقهور ولاكن لانقول غير ....اللهم قونى بقوتك يارب العالمين......ولكم الابيات.........
على الله ولا غير الله الواحد المعبود
نصير الضعيف وعالي الشان سبحانه
هو اللي يفك الطوق ويذوب البارود
له الأوله والثانيه وسط ميزانه
يشوف الرجال اللي تجاهد بدون حدود
ولاهزهم صوت المدافع ونيرانه
رجال معها قلوب اقسى من البالود
والايمان يسري في وريده وشريانه
رجال هم هل النعم ما عليهم زود
رجال على شرب النواميس ضميانه
وفو بالتزامات الرجوله بهون وكود
ما خانو بوضع ينجي الروح بخيانه
لنا حق نفتخربهم وفعلهم مشهود
بوجه العدو اللي تزايد بطغيانه
قليل العدد بس انت يا ربنا موجود
بك الحول والقوه وفزعتك مليانه
تدور المعارك وفزعت لليهود يهود
جيوش وسلاح فاتك صنع بلدانه
ولا غيرك يساعد اخوانا بجنود
تعاليت لا تبقي على الروس واعوانه
فلا ينتصر مخلوق من رحمتك مطرود
بلا رحمتك وش تنفعه قوت ايمانه
ولا ينهزم شخص لو انه بدون عضود
ما دام ذكرك في فؤاده وبلسانه
مضى ما مضى والسالفه حبلها معقود
ولا يحلها ألا انت وانت سلطانه
دمار وجثث وسط الشوارع كلاها الود
وضلام مخيف وبسمع مالها خانه
وجاني من الاخبار عود لقاله عود
تحتضل طوفة مسجد هد بنيانه
قلت اسألك بالله وش معك وش مفقود
عسى ماخسرت ارواح قال العصى عانه
انا خسرت اللي له في ناظري معقود
هو يعيش من شاني وانا اعيش من شانه
عجوز تسامرني وكل العباد رقود
والى حس فيني حاجه تدمع اعيانه
عجوز ولالي غيرها والد او مولود
عجوز ربيع القلب شوفه وبستانه
اذا جيتها تعبان تبذلي المجهود
تحاول تريحني وهي حيل تعبانه
وفي يوم جيت وشفت بيتي وهو مهدود
قلت العجوز اكيد في بيت جيرانه
سئلت وسئلت ومحد ردلي مردود ؟؟؟؟؟؟؟
اثري عجوزي ميته وسط مسكانه؟؟؟؟؟؟؟؟
وانا اقسمت باذن اللي جعل عمرنا معدود
هو الواحد الفرد الصمد عالي شانه
لا اخلي طريق غروزني قدامهم مسدود
بالالغام ولا براس العصى واضغانه
مأسي كثيره والله يصبر المضهود
ويجعلنا نصر ولا أسلام عنوانه
ترجعلنا ايام طواها الزمن وتعود
بها الاسلا م ربحانه والكفران خسرانه
وان كان ما فيه شعر ما يبلغ المقصود
ما يعيش شيشــــانــــي من غيـــر شيشـــانــه
وسلامتكم ....................
وهذا هو الواقع الذي تدمى له القلوب ولا كن ليس لنا غير الدعاء لاخواننا
في الشيشان الذي غلب على امرهم من المغتصبين الروس فالله الله بالدعاء لهم ولغيرهم من المسلمين
والسلام عليكم ورحمة اله وبركاته
........اخوكم ......سيــــــف الشيــــــــشـــان المقهـــــــــور......
رجال هم هل النعم ما عليهم زود
يعطيك العافيه أخوي السيف المقهوور
قصيده جميله والله يعطيك العافيه ,,,
