دام السما له يوم ماهي صافيه
؛؛مدخل؛؛
قـالـت أذا غـبـت عـنـك كـيـف تذكرنـي
قـلـت الـعـوض نـار حـبـك فيّ وهاجـه
قالت ترى يمكن أنسى كيف.؟ تعذرني
قلت الصبر في دروب الـحـب نـحـتاجه
(ماهي صافيه)
| الصد قاسي والطواري ماتلين |
|
|
دام السما له يوم ماهي صافيه |
| يانفس يكفي لاتزودين الحنين |
|
|
كم قلت لك لاحول وين العافيه |
| الشك خالط في مساعيك اليقين |
|
|
حتى لو أنك بالمحبه وافيه |
| وش عاد كانك ياحياتي تشرهين |
|
|
دام العتب مايستعيد الجافيه |
| عند الزعل مايحضر العقل الرزين |
|
|
وش حيلتك ياللي ترد الخافيه |
| إليا رضت كل الليالي لي تزين |
|
|
والجمره الي وسط جوفي طافيه |
| وشلون ترفض يوم أمد الراحتين |
|
|
وشلون تمشي وسط قلبي حافيه |
| هالاسئله لو تحتويها صفحتين |
|
|
عقب الرضا دوم الأجابه شافيه |
| أقولها وأن شفت ذيك الوردتين |
|
|
في ذمتي تبقى سمانا صافيه |
؛؛خروج؛؛
غـصـت الـبـحـور اللـي بـها الدر منثور
وأسـرفـت لـكـن..من يسامر جروحي
(أحزن / أعاتب / أسهر) الليل مقهور
أضحك / أجامل ) والعنا وسط روحي
,
عمر الهمزاني
