قصيدة .. يامساء الحزن ... للشاعر : خالد بن منشار
يامساء الحزن يا صبح الأذى
ياتعب قلبٍ سرى ليله ينوح
من عذابي قمت أهذّي به هِذا
ذاك يالّي ماليٍّ قلبي جروح
خذ حياتي وش بقى ماهو خذا
استحلّ الروح وين اغدي واروح
وين ابرحل دام هو فيني كذا
شيٍّ إمن الله ولا عنّه نزوح
إن هجرته ؟ جا يراضيني واذا
جيت قربه؟ مالقيت إلاّ الشحوح
يبخل ابحبّه وملحه والشذا
ويتكبّر لين حطّم بي طموح
وان سألني ليه تعشقني وذا؟
قلت مدري ماني ابقادر ابوح
خايفٍ يزعل لأنّه هــــــكذا
يخلق الزعله ولو حكيي مزوح
صابرٍ والله واتحمّل أذى
من سكن قلبي ويهديني الجروح
