حبك بقلبي ياأريش العين مـزروع

محبّتـك كـلٍ بعيـنـي قـراهـا

فتحت لك قلبٍ عن الغير ممنـوع

وملكت روحٍ ذرّتك فـي ذراهـا

وهرج العواذل فيك مهوب مسموع

وأنا العواذل دايـم ألعـن ثواهـا

ولاأصفط لك الاّّ كل خيرٍ ومنفوع

وعن أبعد الأحزان وأقلـع مداهـا

وأهل الهوى مابين لايع ومليـوع

ونفسي جفاك اليوم سبّـة عناهـا

بيت المحبه عنّه النـور مقطـوع

والدار عقبك شان وأظلـم سماهـا

ضميان في حبك...وذابحني الجوع

والكبد طول البعـد زوّد ضماهـا

ليلي هواجيس ومنامي على الكوع

والعين لا جاء الليل جاهـا بلاهـا

عينٍ نظرها لو تبي جاك مدفـوع

لا واحسافه...صار صدّك جزاها

يكفي جفا يكفي تجاريـح ودمـوع

أظـن نفسـي جالهـا ماكفـاهـا


رااااااقت لي اتمنى تعجبكم