إختبار فحص النظر

[رفحاوي]

[align=center]
دبدووووب ...

أفااااااا بس تضحك على البنت ؟!!
[/align]

[بنت الخليج]

انا كنت عادة نفسي بين اخواني-ما توقعت ان مالي تقدير-رفحاوي ما ينشره عليه دايم يغلط-لكن انت ياالدب الداشر -انشدك عن معنى اللفظ ،شرحت لكن للأسف شرح مبطن باهانة لي وهالشي ما توقعته منك!

[الدب الداشر]

أفا والله .. قدر رفحاوي يحقق خطته ويفرق بيني وبين بنت الخليج .. عشان يآخذ راحته .. اللهم إني صائم بس ..

حجية بنت الخليج أنتي بيننا وأخت لنا .. وهذا وحده ..


ياوجودي كل ماهبّ نسناس الشمال
وجد من حدّه زمانه على اللي مايبيه
***
وياوجودي كلما اضحيت ثم مال الظلال
لا غفت عيني ولا ذقت شي ٍ مشتهيه
***
وجد من قفّى وهو في رجا كلمة تعال
وإلتفت من عقب ماقفى ولاأحد ٍ لدّ فيه
***
وياعذابي لادنا الليل من روس الجبال
وانتهى يوم ٍ من العمر ماعاد أرتجيه
***
وأنتي أبعد من سما الحلم و وصالك محال
يابعد من هلّ دمعي ضحى الفرقا عليه
***
ياغناتي لاتحسبين دمعي يوم سال
ضعف ولاّ خوف... ولاّ كذا ولاّ كذيه
***
والله إني من رجالٍ يضدّون الرجال
لكن الحظّ الردي ..ساق دمعي كل أبيه
***
ووالله إني كلما دار حوليك الجدال
قمت كنّ الموت يشّر على قبري بديه
***
ووالله ان قد لي وأنا أصّد لا جالك مجال
صدّة اللي تضايق تذكّر قبر أخيه
***
ومن سألني قلت مدري.. وإذا عاد السؤال
قلت له تكفى سؤالك ترى ماهو وجيه
***
وش تبيني أقول عن من ترى ذبحي حلال؟
والخطا منها عليّ ..صرت أحبه وأهتويه
***
عذرها لو ماتعذّر مثل واضرب مثال
واحدٍ مايعرف الحرّ الأشقر يشتويه
***
وان رجعنا للتواصيف لله الكمال
لا انتهى ليل المزايين جاتك تبتديه
***
كنّها غفل ٍ مع البدو طاويها الحيال
مايميّز وصفها الا نبيه ٍ من نبيه
***
وآهنى اللي وصلها وذاق من الزلال
شربة مع غفلة الناس من فيها لفيه
***
ياأول أحلام الطفولة على حدّ الخيال
الرجى باللي حمى البيت من حملة بريه
***
حال دونك سيف عنتر وتاسع حول حال
باثر حولٍ حال دونك وانا ادعي هيه هيه
***
هيه ياللي غرّك الحسن وأطغاك الجمال
والله أني أموت ماشفت لأوصافك شبيه
***
لو يسام الحسن والتيه بجنيه وريال
مابقى في سوق غيرك ريال ولا جنيه
***
كيف أهدّك للمقادير وأنتي راس مال؟؟
راس مال ومال ..والمال مايعطى السفيه
***
حافظك حفظي لعيني ورمشي لك جلال
وانتي تشحّين بالما ..وأنا شفّي مويه
***
شايف ظلمك وساكت وطال الليل طال
لانويتي طعن قلبي وانا ماقلت ليه
***
لو بقى للهيل صبر ٍ على فوح الدلال
مابقى للهيل صبر ٍ على شي ٍيجيه
***
وانتي تسوقين عقلي على حدّ الهبال
تحسبين ان من بغى شي..يقدر يشتريه
***
ولاّ انا يا وجد حالي وجود ٍ مايقال
وجد من ضحّى بغاليه لرضا والديه
***
وياوجودي بأول العمر قبل ألبس عقال
وجد من باع آخر العمر ..في رغبة ذويه
***
وياوجودي كل ماهبّ صوتك من شمال
وجد من حدّه زمانه على اللي مايبيه!!!
ضيدان بن قضعان


.


وهذي الثانية ..


يا هيه إتلفت لي وإسمع دعاي لك يا هيه
ترى عادك بتشبع من البعد وتواجه
***
دعيتك بصوتٍ ياصلك ليه ما توحيه
وأنا أسمع ضلوعك من صدى الصوت لجاجه
***
عليك الفؤاد إخلاجه مصمخ راعيه
خف الله في راعيه ما تسمع إخلاجه
***
ترى العفو قد جاك أوله وإغتنم تاليه
وترى الحلم بحرٍ غير لا تآمن أمواجه
***
وترى الود ليلٍ مظلمٍ جيتلك ساريه
سراجه وصالك والجفا ينفخ سراجه
***
وترى قصرنا اللي كم سنة نجمع ونبنيه
هوى العذل طيح بابه العود وسياجه
***
لي أيام مدري وين دارك ولا أدري ليه
وأنا خابر إني باب شفك ومزلاجه
***
غيابٍ بلا سبة هجادٍ بلا تنبيه
وجفا أغلى العرب نارٍ على الكبد وهاجة
***
نضج قلبي من البعد وش حاجتك تكويه
جفاك الجمر والصبر في بعدك الصاجه
***
إنطبع حبك بقلبي والأيام ما تمحيه
هذا هجرك يحاول يموجه ولا ماجه
***
يموت الأمل لكن ظنون الغلا تحييه
وعروق الوفا فالروح والقلب وجاجة
***
خبرتوا حدٍ يبكي على واحدٍ يبكيه
وخبرتوا حدٍ مسجون ما يبقي إفراجه
***
أحبه ولا أبغضته على شيٍ يسويه
ولا زالت رقاب الرجا فيه معاجة
***
عسى منزلٍ ضمه حقوق الوسم تسقيه
وتضحك له الدنيا وهو يضحك حجاجه
***
فقد خاطري شي من الضيقة مسليه
وغدت روحي من الناس والليل هجاجة
***
أروح لمكانٍ خابره .. خابره تآتيه
أسوق القدم صوبه وهي مالها حاجة
***
مكانٍ شريف وأول مواجهي له فيه
وأنا خابرٍ ما رجل مثله بدواجة
***
لعل وعسى ما حدني للمجي يدعيه
وأشوفه وأنا ما ودي أسبب إحراجه
***
يحب الجريح آخر دروب اللقى ويجيه
وتحب القدم جية مكانٍ أول مواجه
***
وسلامتكم
هذي القصيدة
لإبن فطيس


.


لا تستقبيلن تشويشات رفحاوي بالردود المغلفة ..