-
عضو متميز جدا
بدري ! عسا منتب على الحب مغصوب
وإلاّ نغزك الشوق .. ساعة تجلّـي ؟!
وإلاّ إنتفض قلبك .. تبي تكسب ذنـوب
أو عينك اليمنى تـرف .. و تهلّـي؟!
أو خاطرك عقب البطا صـار حبّـوب
يومه تذكّر بعـض مـا صـاب كلّـي
يللي تحسب الحـب غالـب ومغلـوب
أو لعبةٍ فيهـا غمـوض .. و تسلّـي!
دامك فطين وعندك أفكـار وإسلـوب
بسألك بالله وأنت فكر .. وقل لـي ؟!
هو عقب صبر ايوب يوفيـه عرقـوب
والا ان زرعنا الشوك ؟ نجنيه فلّي ؟!
أحدٍ غدى طيبـه نقيصـه و عـذروب
وأحدٍ يكابر كل ما أخطـى و زلّـي !
واللي هقا فعله عن النـاس محجـوب
لا أثمر حصاده بين..عـز(ن) و ذلّـي
بانت .. عسا ربي يقـدي لـك دروب
قلبي على فالـه .. و قلبـك مغلّـي !
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
قوانين المنتدى
مواقع النشر (المفضلة)