بشرى سااااااره يأهل رفحا ( افتتاح هرفي )

[عمار الزيادي]

يعطيك العافية : ذكريات منسية . (منسية اللي تكوي):d

الأخ أو الأخت الحقيقة إني أخلط بينك وبين ذكريات متناثرة .

أدري إنها من إشارة الابهام غير سارة بس .. نبي نحوس مع الشباب بالتعليق

وأبي أدلي بدلوي .

المهم :

مبروووك لنا جميعاً اعتماد فرع جديد لشركة هرفي بمحافظة رفحاء .

صحيح شركات عالمية وعندها أكلات لذيذة وماهيب حياالله ويسيل لها

اللعاب ( قصدي السعابيل) مثل : التشيزبورجر والبيف بورجر وفيها نسبة عالية جداً من الدهون

ومايشتريها إلا عيال النعمة والمقتدرين وميسوري الحال *إلا إن فيه ملاحظة على "هرفي"

وهي أنهم مثل الأرنب الجائع يفرضون عليك غصب تاخذ كوكولا وإذا ماهو كوكولا بيبسي وإذا غيرت

برضه الكوب لازم يكون كوب كوكولا لزوم الدعاية إنك أخذت كوكولا والصحيح إنه سبرايت .

وهرفي يعطيك غصب بيبسي وإذا أخذت سفن مثلاً يعطيك إياه بكوب بيبسي بارضه لزوم الدعاية

لبيبسي ( على شان يقولون الناس كلها تحب بيبسي ..الخ) يمكن واحد يقول : يااخي كلهن شركة وحدة

مافيه مشكلة بس .. ليش يحطون غصب بكوب بيبسي . " إذا جيتهم إن شاالله رايح أجيب كوبي معي

من البيت .. عناد .."

وعاد .. ليش يلزموننا بالمشروبات الغازية ( كانوا يقولون عنها مرطبات .. هاالحين مشروبات .. وش السر

ما أدري) .

ليش ما يكون فيه عصير برتقال طازج أو ليمون أو فراولة ( فرالوة .. قل : فرالوة ــ فرا .. لوة ) .

ليش مشروبات غازية .

أشوفي طولت . معليش ... عذرا

عمارالزيادي