محاولة لكتابة قصيدة عاطفية !!!!!!!!!!!!!!!!!1

[نفح الطيب]

[align=center]السادة الكرام

مساء الخير

هذه محاولة لكتابة

قصيدة عاطفية

ولا أقول غزلية

يقول نفح الطيب :[/align]

[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
تقـول لي تكتـــب قـصــايد وانا ليْه = ماقلـــت بي يانور عيني قصــــيدَهْ

مادري زعــل يومـــك بغــيري تســويْه = يارب ساعات الـــزعــــل لاتــعــيــدَهْ

ولاّ حصل منّي خطا وانــت تــجـــزيه = فانا اعــتـذر والعـــود سنّه حمــــيدَهْ

قــــلــت الله العـالم بقــلبي ومافـــيْه = وانك تربـــعـــتي بعـــرشــــه وحيــدَهْ

حاشاك ياحبة فــــــؤادي عـن التَّـيْه = من عـرفـــتي وانتي دروبـــك رشــيدَهْ

يشهد لك اهل الحي الاقصى ودانيْه = وانا اشــهد انك بالعــــذارى فــريدَهْ

ياقف قصـــيدي عاجزٍ يــوم اناديْه = لاجـــــل يعــــبر لك عـــــن اللي اريدَهْ

لك يا ( ,,,,,, )قدر مــاحــــدٍ يـــــدانيْه = ماهـــــو حكي لكن مـــحـــبــه أكــيــدَهْ

أغليك انا واللي تبيـنه فانا اغلـيْه = واليــــــا كرهـتي شي مـاني مــــريـدَهْ

يكفـــيــــك نور العين خـوذيه مـهديْه= ولكان ما يكفـــيــــك هالحـين ازيـدَهْ

قلبي لقلــبــك يالحبــــيــبه مفَــدِّيْه = (،،،،،،،، ) فــداك وكل ماتــــــمــلك ايــــدَهْ

أشري رضـــاك ولاتـحســــف بتـاليْه = روحي ليــامنِّك رضيـــتي سعـــــيـــدَهْ

تستاهلين اضــعاف ماقــلـت خــوذيْه = من هــــــايمٍ حبــك جــرى في وريـــدَهْ

ولياعدَّدْ العاشـق تواصيــف غالـيْه = وشــلــون اعدد والـمــحامـــد عديدَهْ

ولو قلــت كلْ مافــيــك فالله حالــيه = أقدر اقول اعـطــيت جمــلة مفـيــدَهْ

ماقدر ازيــد الوصـف آغــير ياهــيْه = أبيـــــــك لي والحـاســــد الله يكيــدَهْ[/poem]

[align=center]وتقبلوا تحيات نفح الطيب[/align]

[الدب الداشر]

صح لساانك ..,,..


سلمت ولا عدمناااك .. نفح الخير ..

[جرواني]

[align=center]صح لسانك نفح الطيب
قصيده جميله من شخص جميل[/align]

[نزيه]

تقول لي تكتب قصايد وانا ليْه
ماقلت بي يانور عيني قصيدَهْ

مادري زعل يومك بغيري تسويْه
يارب ساعات الزعل لاتعيدَهْ

ولاّ حصل منّي خطا وانت تجزيه
فانا اعتذر والعود سنّه حميدَهْ
صح لسانك تسلم والله قصيده جميله وسلسه دام ابداعك ودمت بخير

[زين تصفيح]

صح لسانك..

قصيدة حيييييييييل رائعة

[هاجس]

مجهود رائع

وقصيده جيده

الله يوفقك

بس ابسألك سؤال :

فيه واحد بالمنتدى دايم يقول مالي بالعشق واهله

السؤال:

هو انت او انا غلطان؟؟؟؟

[نفح الطيب]

السادة الأعزاء

اسمحوا لي أن أبدأ بالسيد العزيز هاجس لأنه سأل عن شيء كنت متوقعا أن يرد الي بعد هذه القصيدة

تقول ياسيدي العزيز هاجس :

( بس ابسألك سؤال :

فيه واحد بالمنتدى دايم يقول مالي بالعشق واهله

السؤال:

هو انت او انا غلطان؟؟؟؟ )

وأقول لك :

نعم هو أنا وقلت ايضا ليس لي في العشق ناقة ولا جمل ولا عنز ولا تيس اللهم اني لا أتبرأ من شيء قلته

ولكن ما هنا ليس عشقا وان صح تسميته عشقا فإني اعتبره مباحا لأنه ربما قيل فيمن يحل لي عشقه ؟؟؟؟؟؟؟؟

لعلك تذكر قصيدة كعب بن زهير والتي أنشدها أمام رسول الله صلى الله عليه وسلم في المسجد والتي مطلعها :

بانت سعاد فقلبي اليوم متبول ................ متيم اثرها لم يفد مكبول

ولعلك تذكر سؤال الرسول له ؟؟؟؟؟؟؟؟؟

وتذكر اجابة كعب بن زهير ؟؟؟؟؟؟؟؟

ماهنا من قبيل ماهنالك ؟؟؟؟؟؟؟؟؟

تقبل تحياتي

[نفح الطيب]

سيدي / الدب

صح لسانك ومشكور على المرور

تقبل تحياتي

[نفح الطيب]

سيدي / جرواني

الجميل مرورك الذي اسعدني كثيرا

تقبل تحياتي

[نفح الطيب]

سيدي / نزيه الشعر

مرورك على نظمي كثير

فكيف وقد اضفيت علي مثل هذه العبارات الجميلة

تبي الصحيح يانزيه ماخربن الا انت ترفع بي حتى توهمت اني شاعر وتجرأت على كتابة الشعر

تقبل تحيايي

[نزيه]

اخوي نفح الطيب والله ماا جاملك وجهة نظري انك شاعر جميل

[الزعيم]

صح لسانك ...... شاعرنا ( نفح الطيب ))

من أجمل القصائد التي قرأتها .....

حاشاك ياحبة فؤادي عن التَّيْه
...............من عرفتي وانتي دروبك رشيدَهْ

يشهد لك اهل الحي الاقصى ودانيْه
......................وانا اشهد انك بالعذارى فريدَهْ

ياقف قصيدي عاجزٍ يوم اناديْه
........................لاجل يعبر لك عن اللي اريدَهْ



الله يوفقكم لطاعته و على دوام المحبه والله يستر عليكم

[نفح الطيب]

سيدي / زين تصفيح

انت حييييييييييييييييل رائع

سعدت جدا بمرور ك

تقبل تحياتي

[ليث]

سبقني هاجس ..


عسى مالك نية هجاء!!!!


شاعر واخ الاستاذ نفح الطيب

انا معجب بمواضيعك وها انا اسجل اعجابي بشعرك

[نفح الطيب]

سيدي / المشرف الكريم ، الزعيم

أسعدني مرورك ، وأسعدتني دعواتك التي اتمنى لك مثلها وأكثر

تقبل تحياتي