اسرار حركة المدراء والوكلاء والمرشدين! دعوة للجادين فقط

[زعبل]

الاخوة الشرفاء
المدراء والوكلاء والمرشدين
ادعوكم دعوة عامة للمشاركة في هذا الموضوع الحساس للغاية الكبرى----
واريد من كل من يريد المشاركة الاختصار الهادف بدون ذكر اسماء لان هدفنا ان نشخص المرض وبعد ذلك نبدا بالمرحلة الثانية وهي العلاج ..
الجزء الاول
الموضوع
كل واحد منا معاشر الاخوة المدراء والوكلاء والمرشدين يرى بام عينه ماحدث وسيحدث في
1- حركة المدراء
2- حركة الوكلاء
3- حركة المرشدين
اما انا فسؤالي :
السؤال الاول
ماهي الية نقل المدير الفلاني وتثبيت المدير الفلاني
وماهي الية نقل الوكيل الفلاني وتثبيت الوكيل الفلاني
وماهي الية نقل المرشد الفلاني وتثبيت المرشد الفلاني
وهل عند الاشراف شفافية اطلع عليها جميع المعنيون بالنقل والحركة؟
واذا كانت موجودة عند الاشراف فهل تم تزويد المعنيين بصورة منها؟
وهل طبقت هذه الائحة على الجميع ؟
واذا طبقت على البعض فقط فهل هي في طريقها للتطبيق على الجميع ؟
ومتى سيكون هذا ؟
وماهو العمر الافتراضي لهذه الالية ؟
وهل راس الهرم اعني : اشراف الادارة واشراف الارشاد خضع لهذه الالية ؟
وهل يمكن تطبيقها عليهم حاليا ؟
واذا لم يمكن فهل يمكن ان تطبق عليهم في المستقبل ؟
اتمنى ان تتسع صدوركم لهذا السؤال المختصر
واتمنى ان يشاركنا الاشراف التربوي فيفيدنا مما في جعبته..
وافتح المجال لزملائي الشرفاء لطرح اسئلتهم
زميلكم ---------- زعبل -------------------

[الفسادالعام يئن]

لا آلية ولاهم يحزنون
هم يمارسون نوعا من الفساد المنتشر في كل وزارات الدولة
وكل مدير على كيفه
السالفه خربانه من فوق

[رفحاوي]

[align=center]
تكلم بكل شي تبيه ...

الا الاشراف لا تقرب له ...

يا جاء طاري الاشراف تجينا النفاضة ...

به واحد ينشد عن عدد الثانويات برفحاء ما رد عليه الا ذويبان11، تبيهم يردون على أسئلتك الحساسة ؟!!


قمت انتفض بمان الله ...
[/align]

[الكاشف]

أنا أقول إن التغيير في كل الأمور زين إلا أننا نحن العرب نحب البقاء الدائم في كل أمورنا ونكره التغيير وهذا من الخطأ ، أنظروا الى من سبقونا بالعلم والمعرفة الحاكم عندهم لا يتعدى أربع سنوات ويستبدل بآخر ماهو النقل اللي أنتم مستائين منه ، أنا أناشد المسؤلين بالتعليم بالتغيير لا بالنقل وذالك كل سنتان لأن البعض ينتابه الغرور ويبحث عن الشهرة أكثر من المصلحة العامة ، وكذالك الفحص المفاجيء على المعلمين والطلاب الذين يتعاطون المخدرات .واللي ماهو عاجبه وبراسه شيء ترى البيوت مليانه جامعيين ماهم لاقين عمل ينظرن بعين العطف .

[hgggh]

يسلم ابو فهيــد يقص اكبر شنب

[زعبل]

الفساد العام يئن
أسعدني مرورك ونحن مازلنا في الجزء الاول وسنتواصل حتى نصل للجزء الثاني وهو الحل ، فكن معنا فمنكم نستفيد –
رفحاوي
ياهلا بالخوي – بل سنتكلم بالاشراف وغير الاشراف في حدود النقد الهادف البناء وسنبعد عن الاسماء ، ومن يقول ان الاشراف مايخطون – حقيقة انا اتمنى لو يشاركنا واحد من الاشراف ولو باسم مستعار مثل كل المشاركين –
وسلامتك ياخوي من النفاضة وماعليك شر – ولزوم تستمر معنا وتثرينا مما عندك من الفوائد وليتك تسوي دعوة للبناخي ذويبان –
الكاشف
حكيك نقد نيرات وحنا مازلنا بالجزء الاول وهو التشخيص وسنستفيد منك كثير في الجزء الثاني وهو الحل فكن معنا -
صديقنا hgggh
اسعدني مرورك واتمنى لو نبتعد عن ذكر فلان وعلان – ونستمر بالموضوع حتى نتوصل للحلول التي يقترحها انت وامثالك من اهل الخبرة ومرحبا بك مرة ثانية فكن معنا –
زعبل .........
يقول لكم هل شفتو الحركة اليوم كتبها لنا صديقنا الزعيم – الحين مالنا عذر ابدا كل واحد يكتب ملاحظاته بصراحة وتجرد وشفافية تامه – ونبعد عن الرجة والصجة .. وابشرو ساسهر على كتابة مالاحظته واجيبها لكم باسرع وقت فكونوا-------- معي --- ربع تعاونوا ماذلو

[F15]

لا شفافية ولا شي
الشخص اللي يبونه يشتغل ويكرف يحطونه بالمكان اللي هم يبونه
الشخص الملوسن وراعى الفضايح يصير بالمكان اللي يبي ويحبون خشمه
اما المحترم نفسه هذا الله يخلف عليه اذا جاء يببي شي قالوله ابشر حتى تنتهي السنه

[زعبل]

عدت إليكم والعود احمد ---
الآلية المعروفة نظاما لمدراء المدارس
1/ أن يكون عمل وكيلا ..
2/أن يكون أمضى مدة لا تقل عن ثلاث سنين في الوكالة
3/أن يكون لديه خبرة كافية في العمل الاداري
4/ أن يحمل الشهادة الجامعية
5/ أن يجتاز المقابلة الشخصية
أما الآلية الموجودة في إشراف رفحاء فهي كالتالي
1/ لسانك يلوط علباك ---
ويشترط بعد ما ترشح إنك تعقل وتكف لسانك عنا – مفهوم يا حبيبي ؟!!!
2/ لك واسطة عن طريقها تسلك امورك –
ولا مانع من أن تكون الواسطة داخل التعليم ( بنين أو بنات ) أو من خارج التعليم ! وأحسن واسطة هي التي تأتي من الجنس الناعم زي ما تقول أم فلان أو أم فلان --- من مشرفات ومديرات ومسئولات حركة و – و – - -
والطيور على اشكالها تقع !
واذا مالك واسطة : انهج وبلط البحر والنفود ---!!! يا وحينا اللي غدينا بالطوشة!!
3/ أن يكون المتقدم للإدارة مبزوط نمرة واستمارة ! وبتعبير ادق : أن لا يكون أحسن سمعة من المشرفين
مع احترامي لهم !!
4/ أن يعرف الاجابة على هذا السؤال الذي ليس في مخبا صاحبه غيره :
هل تخبر توانك التابلاين ؟ الاسود والابيض - - -
ايهما اللي من توالى رفحاء واللي من توالى عرعر ؟؟!
( وش دخل هالسؤال المعقد بالادارة ؟ !)
5/ ان يكون جريئا الجرأة الكافية !
حيث يقدر يجيب مفاتيح مكتبه ويرميهن على الطاولة طاولة المعزب قائلا : اما ان تلبون لي طلباتي كاملة .. والا دونكم مفاتيحكم مالي بالادارة مصلوح !!! ( حتى المقصف ما تهنينا به )
6/ الشرط الاساسي : أن يبني المتقدم للإدارة : علاقة سيئه جدا جدا مع غالب زملائه أو كلهم !( فيكون بينهم الكلب مذبوح ) ! تدرون ليه : حتى يرتاح كثير من المشرفين ويلقون لهم سالفة يودونه يم الاستراحات ويتملحون بها عند المعازيب... معازيبهم !!!!

فإذا كان المدير ناجح مع زملائه فهذا فشل ذريع يجب أن يحاسب عليه هذا المدير ومن ثم لابد أن ينقل عاجلا!!!!!
قبل أن يفسد على المدرسة جوها التعليمي! أو يدرس قرار إعفاؤه !!!
ولولا أني أذل على بعض المدراء الناجحين لذكرت أسماءهم ولكن !!!! يمكن الربع يشكون إني واحد منهم
فيرسلون لهم شهادة تقدير !!!!!!!! عفوا سبقة لسان - - - عفوا أقصد ........ قرار إعفاء !!!!!!
هذا باختصار ممل ما يتعلق بالاسرار الدرزية عفوا أقصد ما يتعلق بحركة المدراء في قطاع رفحاء ... ويتبعها باذن الله ما يتعلق بحركة الوكلاء ثم نكزها بحركة المرشدين- - -
فالى لقاء قريب،

[مشاكس]

الي تبيه ما تلاقيه هنا
الا بحاله واحده احتفظبها لنفسي .......
موفق ياحلو

[فديتك يمه]

ياااااااااااااااااااااااااااااااااااااه وش هالحقد الدفين

يازعبل ليه ماتتمنى لغيرك الخير...عشان ربك يرزقك الخير

وش مزعلك...وليه مضيق على حياتك

لاتزعل من كلامي وتقبله بروح عاليه

فكما تجرح الغافلين عنك....................لابد أن تُجرح




يارب إرزقنا على قد نوايانا.......


غريبه كلكم.............؟؟؟؟؟؟!!!!!!!!

[زعبل]

صديقي
ياللي فديت امك
لو الاخوان المشرفين يسمحون لي بالرد عليك كان عرفت كيف اسكتك ،
- - - - - - - - - - - - - - - - - - - - - - - - - - - - - - - - - - - - - - - - - - -
اما حركة الوكلاء فالشروط معروفه عند الجميع - - - - -
واما شروط اشراف رفحا فهي باختصار
الشرط الاساسي ان يكون من جماعة مشرف الادارة المدرسية - - - - مثل مدرسة عمر بن العاص و مدرسة المثنى ومدرسة التحفيظ بالطلعه وغيرها مما لا يخفى أي مدرس برفحا - - -
وباقي مسءولين المركز يطبلون لمشرف الاداره- - - -
اما الشروط الثانيه فاتركها للقراء
فاللي عنده اظافه يذكرها والا خلوا الموضوع يسكر احسن - - - -

[جــوال]

الآليه طال عمرك واضحه كوضوح الشمس في رابعة النهار ....اذا جاهم واحد مايبونه قالوا له انت ماترشحت عشان المقابله والمصيبه بالمقابله الشخصيه اللي يبونه يعطونه اسئله وش حليله ومشكنمه... واللي مايبونه يصكونه باسئله تعجيزيه !!!!!!!!!

اول مايجي العدد المقرر للوكلاء والمدراء يجتمع المشرفين جميعهم طبعا بموافقة المدير ...

وكل مشرف يطرح اسم او اسمين او ثلاثة ويقول ابيهم وكلاء او مدراء بالمكان الفلاني ...

واذا مالك مشرف قريب توسط عند اي واحد منهم وارسل عليه واحد معرفه وبتحصل خير ...

مدير الحدق ومدير ( احد ) السوقي..... لولا الله ثم مشرف البدنيه كان ما ( فرج ) الله لهم وماشفتهم بالحركه لكنه فتل شنبه لهم ...

وكيل عمرو بن العاص ووكيل المثنى ومدير التحفيظ بالطلعه ووكيل ابتدائية الطلعه اللي وقف معهم مشرف الادارة المدرسية براسه ولاتنسى انهم كلهم جماعته ...وبعضهم من رواد ( الشبه ) الليليه !!!!!!!!

اكمل ولا نخليها وقت ثاني .... الاوراق مكشوفه واللعبه يعرفها الفراش والحارس اللي بالمدرسه اشلون عاد المدرسين ... وريحة المحسوبية والفساد الاداري وانتشار الواسطه فاحت وازكمة الانوف وستكون هي السبب بغربلة مركز الاشراف من ساسه لراسه والايام حبلى بالمفاجآت ...

وللاوراق بقية ....

[المعلم]

وللاوراق بقية ....

كمل اوراقك وياليت نعرف وش عجزوك به من اسئلته وش نشدوك عنه اكيد قالو لك وين تقع ام رضمه ؟

[جــوال]

كمل اوراقك وياليت نعرف وش عجزوك به من اسئلته وش نشدوك عنه اكيد قالو لك وين تقع ام رضمه ؟

سأكمل ولكن ليس الآن اما اسئلتهم لي فلم يحصل الشرف لأنني عرفت اللعبه والطبخه اذا بغيت اترشح ارسل على مشرف الاداره واحد من اللي يخضون قلبه ويحطن بالمكان اللي ابي ويمكن بدون مقابله
تشاااااااااو

[المعلم]

جوال الله يعينك على تفكير

خيره في غيرها السنه الجايه تصير وكيل اقد الدني