ثقافات الشرق والغرب

**أبو هيا** · 04 Dec 2007, 06:39 AM

ثقافات الشرق والغرب

هذي الرسومات صممها طالب صيني درس وعاش في أمريكا، لكن الصراحة جابها صح

طبعا اللي بالأحمر هم الشرقيين (العرب و الاسيويين وتدخل معاهم حتى افريقيا) واللي بالأزرق هم الغرب (اوربا وامريكا)

1- كيف تقول رأيك

الشرقيين يلفون ويدورون اما الغرب يعطونك اياها في وجهك

ــــــــــــــــــــــــــــــــــــــــــــــــــ ــــــــــــــــــــــــــــــــــ
2- المواعيد

الشرقيين اما انه يجي قبل الدوام بساعة (ياباني) والا ساحب ساعتين لأنه راحت عليه نومه (سعودي) أما الغربيين يجونك على وقت الدوام بالضبط

طبعا قيسها على باقي المواعيد اليومية من عزايم وغيرها

ــــــــــــــــــــــــــــــــــــــــــــــــــ ــــــــــــــــــــــــــــــــ
3- التواصل

المجتمع الشرقي افراده متواصلين مع بعض وكل واحد يعرف الثاني اما الغرب فعلاقاتهم محدودة

ــــــــــــــــــــــــــــــــــــــــــــــــــ ـــــــــــــــــــــــــــــــــــ
4- اظهار المشاعر تجاه الاخرين

بعض الناس في الشرق تشوفه يسلم عليك ويضحك وهو من داخل نفسه يقول ( وش جاب هالادمي في وجهي) اما في الغرب اذا كان الواحد ماله خلقك يعطيك اياها مباشرة في وجهك

ــــــــــــــــــــــــــــــــــــــــــــــــــ ــــــــــــــــــــــــــــــــ
5- التنظيم

لا تعليق

ــــــــــــــــــــــــــــــــــــــــــــــــــ ـــــــــــــــــــــــــــــ
6- الشوارع في أيام الاجازات

الناس في الغرب وقت الاجازة يقعد في البيت ويريح راسه والا يطلع له رحله أما عندنا تعال شوف الهنود وغيرهم كلهم يطلعون الشارع خاصة يوم الجمعة....

ــــــــــــــــــــــــــــــــــــــــــــــــــ ــــــــــــــــــــــ
7- الحفلات (العزايم)

الشرقيين الله يسلمك يلتفون على صينية الاكل ويضربون بالخمسة اما الغرب فكل واحد تشوفه جاي الحفلة اللي معاه خويته وجالسين لحالهم واللي واقف لحاله كأنه ابليس،، المشكلة على اي اساس يسمونها (بارتي) مدام هم كل واحد لحاله

ــــــــــــــــــــــــــــــــــــــــــــــــــ ــــــــــــــــــــــــــــــــ
8- السفر

الشرقيين يحبون يصورون الاماكن الحلوة في السفر اما الغرب يكفيه انه يطالعها وخلاص

ــــــــــــــــــــــــــــــــــــــــــــــــــ ـــــــــــــــــــــــــــــــ
9- مواجهة المشاكل

ايضا لاتعليق

ــــــــــــــــــــــــــــــــــــــــــــــــــ ـــــــــــــــــــــــــــــــــــــ

تحياتي لكم والله يرحم الشايب ويغفر له لو كنا غربيين كان ماضحك علينا هالصيني هذا