ماكل من يركــب على الخيــل خيــّـــــآل ...!

**روز** · 08 Sep 2009, 01:27 AM

بسم الله الرحمن الرحيم
قصيـــده مشهوره جدآآ وفيها مثل داايم نسمعه ماكل من يركب الخيل خيــآل ..

ما كـل مــــــن يركب على الخيل خيال

ولا كل خيل تعجبك هـــــي أصيــــــــله

ولا كل من يعجبك هرجـــــه برجــــــال

بعض العــرب ملـــــسون وإيـده بخيله

الكــــــــــل يلبس ثوب وشماغ وعقـال

وعند اللزوم افعالهـــم هـــي قليــــــــله

الرجـــــل تثبت لـــــه أقاويـــل بأفعـــال

لا قال شـــيء ونفـــذه هـو دلــــــــــيله

والرجل لاشفته مــــــع القيـــل والقال

أبعــــد عنه هذاصفاته عليـــــــــــــله

والكــــــذب خله عنك مـــــافاد لو طال

قول الصدق ياصاح غنم وجميــــــــله

وخلك شجــــــاع وذي صفات للأبطال

اللــــي كما ســـيوف تبارق سليـــــــله

واللي شــــــراك أشريه لو كان بالمال

خلك معــــه وان مــــــال دور بديلـــــه

واصبر ترى الـــــدنيا تبدل بهاأحوال

وما كل شئ صافي تشـــــوفه تجي لـه

وبعد الكــــدرتشرب صفا عذب وزلال

هذا الزمـــــــــن فيه استــــقامه وميله

وصاحب خليل لو جفـــا الوقت مامال

ترى الرجل يعرف بقيمـــــــة خليــــله

واقفل على ســــرك بكتمـــــان واقفال

بعــــض العرب يسمع وينوي بحـــيله

وخلك أميــــن إذاتوليت الأعمـــــــال

من خان في يوم الحشـــر يا حليــــله

خل التواضــــــع فيك واضح بالأفعال

ترى الكبــــــر يردبيوم وليـــــــــله

ولا تحســـد اللي عنده أموال وعيال

وش ينفعك لو كان حـــسدك يزيلــــه

ولا تزور تقلب الزيـــــــن بطــــــــال

الله عليـــــــــم بالنوايــاالدخــــــــيله

وخلك رزيـــــن ترى المخفه للأطفال

واصفح عن المخــطي ولو زاد قيـــله

واحمل همومك لو تزن وزن الاثقال

بكره تروح وتنجلي لو ثقــــــــــــيله

وصل الفــــروض ولاتنسيك الأشغال

محدن في الدنيـــا درى وش بقيلــه

وزور الاقارب للرحم كون وصـــــال

وخلك عظيم الشان وسط القـــــبيـله

وصلاة ربي عد ماهل همـــــــــــــال

على النبي اللي صفـــــاته جلــــيلــه

* منقول

**تربوي** · 08 Sep 2009, 02:06 AM

قصيدة رائعة جمعت من صفات الرجولة الشئ الكثير ..
شكرآ روز نقل جميل ..

**روز** · 08 Sep 2009, 02:12 AM

والاروع من ذلك مرورك اخوي (تربوي تــك)
نــــــــــورت متصفحي ..

**شمـــاليه** · 08 Sep 2009, 02:37 AM

وخلك رزيـــــن ترى المخفه للأطفال
.........// واصفح عن المخــطي ولو زاد قيـــله

صح لسان شاعرها ولاهنتي على النقل
اجمل تحيه

**kermalk** · 08 Sep 2009, 02:53 AM

صح لسانه وياملا العافيه روز بارك الله فيكي شامله ووافيه

**روز** · 08 Sep 2009, 03:49 AM

شماليه .. مشكوره ع مرورك ..

**روز** · 08 Sep 2009, 03:51 AM

الله يعااااااااافيك ويسلمك .. مشكور اخوي كرماالك ع مرورك ..

**عقارب** · 08 Sep 2009, 04:44 AM

صح لسان الشاعر وصح لسانك انتى يا روووووووووووووووز

على النقل الرئع

**روز** · 08 Sep 2009, 05:37 AM

صـــــــــــــــح بدنك .. والاروع من ذلك مــــــــــرورك ,,
شررفت متصفحي ..

**شمرية رفحاء** · 08 Sep 2009, 08:17 AM

أبيات جميله .....مشكوره روز...ويعطيك العافيه.

**رررعددد** · 08 Sep 2009, 01:15 PM

روووووووووز ليتك قلتى
ماكل من يركب الجي سواق
كككككككككخ
راحت سوالف الخيل اللة يسلمك
يعطيكى ألف عافية بصراحة روعة جدااااااااااااا

**روز** · 09 Sep 2009, 09:39 AM

والاجمل مرورك يااجبيبة قلبي شمرية رفحــــآء
والله يعافيك ويسلمك .. نورتي متصفحي ..

**روز** · 09 Sep 2009, 09:40 AM

يــــــآرعد هذا مثل وينضرب على عدة اشيــآء
يعني زي اللي مسوي انه شـــآعر اووكيه وين هو ووين الشعـــر قصيده كله مكسر
نقول ماكل من يركب الخيل خيــــــــــــآل ..

والعفووو .. اسعدني مرورك جدآآآآآآآآآآآآ نورت متصفحي .

**هرطمان** · 10 Sep 2009, 03:18 AM

صح السان شاعرها وناقلها
الله يعطيك العافيه اختي روز

**روز** · 10 Sep 2009, 03:54 AM

صـــــــــــــح بدنك اخوي هرطمـــــــــآن ..
والله يعافيك ويسلمك يــــآرب . مشكور ع مرورك نـــــــــــــورت متصفحي ,

آخر المشاركات

الموضوع: ماكل من يركــب على الخيــل خيــّـــــآل ...!

أدوات الموضوع

تقييم هذا الموضوع

عرض

ماكل من يركــب على الخيــل خيــّـــــآل ...!

مواقع النشر (المفضلة)

مواقع النشر (المفضلة)

ضوابط المشاركة