تسلم النشمي على الموضوع
وحبيت ادلي بدلو الذكريات
اتذكر مدرسة المثنى بن حارثه كانت بالسوق بالمبنى حق السالمي اللي فيه الان صيدلية السالمي وصفنا اول ابتدائي الصيدليه نفسها الله يازمن يازين ذيك الايام واتذكر مدرسنا اسمه صالح من الاحساء واتذكر متوسطة رفحاء كانت بالمبنى اللي فيه الان بقايا محل الهليل ومديرها (البرقاوي)
وتذكر كراج البلديه كان بمكان محلات الهاشم الان
وتذكر مكان الاحوال المدنيه كانت بمكان الصيدليه الجديده معرف اسمها يعني بازاويه المقابله لمطعم كرمال هذا مكانه قديم جدا يعني اللي ماهو كبير بالعمر مايذكر على فكره انا اذكرها بس ماني كبير بالعمر
واذكر اول عربيه يعني سيكل بثلاث كفرات حاطين عليه صندوق ويبيعون ايسكريم ويفر على الحارات العصر ويبيعون كوب الايسكريم بريالين والحظيظ اللي يشتري منه ذاك اليوم لانه الكوب بريالين وانت معطينك اهلك الصبح فسحه ريالين وتبي تشتري كوب ايسكريم العصر بريالين حامض على بوزك ياشيخ

وتذكر/ صلاح مدرك ( الله يرحمه) كان متين ونخاف منه خوف لانه زعيم جلستنا الصباحيه قبل الطابور بمدرسة البراء بن عازب

انشاالله لي عوده معاكم