آخر المشاركات

+ الرد على الموضوع
النتائج 1 إلى 9 من 9
  1. #1
    الصورة الرمزية عز الخوي
    عضو متميز جدا

    عز الخوي غير متواجد حالياً
    تاريخ التسجيل
    Sep 2008
    الدولة
    في بلاد الله
    المشاركات
    2,640

    حقوق المرأة ‏باللهجه الحجازيه الجميلة

    حقوق المرأة ‏باللهجه الحجازيه الجميلة
    --------------------------------------------------------------------------------

    حقوق المرأة

    للدكتورة : ليلى صالح عزوز
    ‏باللهجه الحجازيه الجميلة

    ما يرفع ضغطي شَي زَي كلمة حقوق المرأة .. وبالذات في السعودية ..وهادي المشكلة طلعت متى؟ بعد 11 سبتمبر ... سبحان الله .. يعني كانوا من ألف وأربعمية سنه نايمين .
    . وفجأة كده صحيوا وقالوا: وه ياندامة .. إيش هادا؟ أتْـرِنُّو إحنا لنا حقوق؟! مادام كده ... الإنتخابات البلدية ليه ما نشارك فيها؟ وليه ما نروح هناك ونرقع بالصوت؟
    يا أختي حلال عليكم البلدية كلها .. يعني إيش تبغوا تسووا؟ تحطوا ضوابط إصدار الرخص لمحلات الحلاقة مثلا؟ والا تناقشوا سفلتة الشارع اللي يودي على بيت أم إبتسام؟
    والا ليه الشارع الفلاني ما فيه كوفيرة مغربية وكل اللي فيه مصريات؟ يا أختي ريِّحي راسك .. اذا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك ... عشان تناقشي مشروع إنتخابي؟ هادا من تمام الفضاوه.
    طيب قولوا لوحْدَه زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس البلدي و نتخذ قرارات مهمة .. وأترك لكم جوابها .. إيش يكون
    أما عن حقوق المرأة في السعودية .. فياسيدي الست هنا لها حقوق وواجبات ما تتنازل عنها. مثلا: في بلدان كثير عربيه وأوروبيه تلاقي شحط طويل عريض جالس في الباص ...
    وقدامه وحده في الشهر التاسع واقفه على رجولها وشايله طفل تاني على كتفها ... إن الشحط يتحرك؟ .. أبدا...إن الثور يحس؟ .......
    لايمكن. لكن هل يمكن يحصل هادا في السعودية؟ أبدا .. واللي يبغى يجرب .... الطريق قدامو .... يا عمي العملية كلها دلع حريم في دلع حريم ...
    رايح أعطيكم بعض الأمثلة وقولوا لي مين اللي آخِد حقُّو ب الكامل وزياده؟ وهل عندنا المرأة متساوية مع الرجل .. والا هي أحسن مِنُّو؟
    قال حقوق المرأة ... قال.
    منظر عام
    رجال محترمين زي الورد واقفين أمام صراف في بنك .. وتِجي أختنا في الله (اللي يقولو إنها مهضومة الحقوق) تتقدم للصراف مباشرة
    ولا على بالها من الطراطير اللي واقفين من ساعات ... وبعضهم مستأذنين من عملهم. طيب ليه ما توقِّف تِمسك سِرا ورا عشرين بنغالي... وثلاثين باكستاني... وخمسين سعودي... واثنين معقبين
    معاهم شوية فواتير مقاس إكس لارج .. وإذا أحد كلمها وقال لها أتفضلي يا أختي ترد عليه وتقول: لا، معليش. المرأة زَيّ الرجال .....
    خليني في الطابور .... زَيِّي زيكم؟! .... ليش ما تقول كده؟! ... والا هي تماحيك وبَس! ونفس المنظر في الجوازات .... والأحوال ... والتأمينات .. ويقدر أحد .... يقول إنه من ظهر أبوه ..... يفتح فمُّه؟ ....
    على طول يسمع العبارة الشهيرة .... ( عيب عليك .... إنت ما تستحي؟ .. هذه حرمة...إنت ما عندك أهل!)) ...ويضطرالراجل إنُّه ينكتم ويسكت ..
    بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلِّعوا العوايل أوَّل .. وبعدين بقية الركاب؟
    قال حقوق المرأة ... هه!
    اقتصاديا
    شوف الراجل.. السبع.. الغضنفر.. المفتري...له ثوبين أو ثلاثة في السنة .. يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ، الخ. والمرأة بسلامتها ..
    بقيمة أدوات مكياجها فقط. تقدر تفتح محل خياطة رجالي محترم. ويا ريت تحط من مكياجها في البيت.. لأ. دا بَس للخروج ... وقيمة صباع روج والا علبة بودرة تساوي قيمة جوال جوزها ..
    وكمان ازيدك من الشعر قصر ... مو بيت ... من حقوقها فستان لكل فرح. و مكياج. و كوفيرة..وجزمة..وشنطه. وكمان خُدوا هادي .. سابع بنت عمي. ملكة أخت جارتنا . ولازم هدية. واللطخ يدفع .
    مو مهم الفلوس جات من فين .. المهم يدفع .. والدنيا ممكن تنقلب على الراجل واللي خَلَّفوه علشان موضوع (مهم وحيوي زي كده.

    قال إيه! حقوق المرأة.
    نفسيا
    الزوج مطالب يكون أربعة وعشرين ساعة رومنسي ومبتسم، ولا يبقى جلف وإبن ستين في سبعين. ويعني إيه عنده مشاكل في العمل؟! والا أقساط متأخره؟! والا فواتير؟!
    والا مقاضي ما يعرف كيف يجيبها؟! مو مهم .. واجب عليه إنه يرجع من العمل للبيت مروِّق ومبسوط وبَس .... كإنه كان في شرم الشيخ مصيف مع نانسي عجرم ..
    ((مجرد مثل .. تف .. بره وبعيد)) .... والست بسلامتها من ساعة ما يرجع من عملو .. وقبل ما يفصخ حوايجو: شوف بزورتك ( لاحظوا .. بزورتك) طفَّشوني ..
    إيش رأيك نغير غرفة النوم؟ التلفون ما فيه حراره ... جاتني رساله على الجوال يقولوا الفاتوره طلعت .. أَلحق سّدِّدو قبل ما يوقفوه عن الخدمه ... ... .... ... ومع هادا كُّلو ...لازم يبقى رومانسي.
    بينما هي وبكل سهولة تصحى بسلامتها في الضُّهر...وتجد الكارثة الكبرى....يوه ...ما عندنا صلصه...وبكل رقة تتصل...ألو ألو ..أبو خالد موجود؟
    ممكن أكلمه لو سمحت؟ ألو .. إيوه... أنا .. حتكون مين يعني؟... المهم ... جيب معاك غدا ... ماهو إنت يا فالح نسيت تجيب صلصه معاك أمس. ولإنه موفاضي..
    و قرفان من العمل.. يصدق المسكين إنه هو إللي نسي ويقول بكل شجاعة ..... طيب.
    وفوق هذا كله آخر السنه: طفشانه ....فين حتودينا ...والله بنت خالتي راحت أمريكا .. وبنت عمي ما تصيف إلا فْ أوروبا... يا عيني علينا إلل ي ما نروح غير يا مصر .... يا سوريا .... والسنة اللي غيَّرنا فيها ... رحنا ماليزيا.
    وفي رمضان: تعبت .....أوف ......إنت داري عن حاجه؟ أنا أبغى خدامة... أنا خلااااااااص .. ومن ثالث يوم رمضان ......مقاضي العيد من جده ...
    أختي جابت ملابس لها ولعيالها ... إيش أقولَّك بس ... وخُد مشاوير لليييييييييييل ... والراجل المسكين لما ينزل السوق مع مرته ما يقدر يشتري ولااااا شَي لنفسو،
    لأنو طول الوقت ماشي وراها من دكان لدكان، وشايل زنابيل إلين ما كتفو يتخلع. وهي تطالع فيه وهو يتطوَّح من ثقل الزنابيل .. ولا تقول لُو فزعه .. حتى لو بالكِدِب. وآخرتها بعد ما
    يرجع البيت تقول لو إنها لِسَّه ما أشترت ملابس العيد!!!!!! وإذا فكَّر ينزل السوق لحالو عشان يشتري شي لنفسو ... على طول يكون مشبوه .. إيش ينزلك لوحدك وسط الحريم؟ ..
    طيب إنت مو كنت معايا في السوق .. أحد قال لك لا تشتري؟
    __________________
    لا تقل: يا رب همي كبير
    ولكن قل: يا هم ربي كبير




    مع تحيات عز الخوي

  2. #2
    الصورة الرمزية السبيل
    عضو فعّـال

    السبيل غير متواجد حالياً
    تاريخ التسجيل
    Jun 2006
    المشاركات
    272
    هههههههههههههه



    اضحك الله سنك زي ما اضحكتنى

  3. #3
    عمووو وربي اني جالس اقرأ وأنا اضحك اسلوبها جدا جميل وبسيط ومنطقي ..

    بالفعل المرأة عندنا مآخذه حقوقها وزووووود واي حقوق يطالبون فيها ؟؟؟

    كل شي تبيه يجيها بأتصال بس .. هذا غير مصاريفها الزايده ..

    هذا مثل واحد مرته مسويه له ازعاج تبي تصير مدرسه واساعدك بالمصاريف ومدري كيف .. وكثرة عليه الزنه على راسه قاله يابنت الحلال التدريس كم يعطيك 5000 انا اصرف عليكِ كثرهم مرتين بالشهر =p~


    ربي يحفظك يالغالي على هالمشاركة الراااااااائعة ..


    تقبل مروري
    التعديل الأخير تم بواسطة الملك الضليل ; 14 Aug 2009 الساعة 04:30 PM
    .
    .

  4. #4
    الصورة الرمزية روز
    عضو متميز جدا

    روز غير متواجد حالياً
    تاريخ التسجيل
    May 2009
    الدولة
    قــــــــــطــــــــــر .. آآهـ فديت ترابك ياالسعوديه
    المشاركات
    3,428
    والله انها صااادقه انا صح اني بنت بس والله اني حقاانيه
    سستم الحريم ماايعجبني اوف منهم

    مشكور عموووو على الطرح الراائع
    تحياتي وتقبل مروري .

  5. #5
    الصورة الرمزية عز الخوي
    عضو متميز جدا

    عز الخوي غير متواجد حالياً
    تاريخ التسجيل
    Sep 2008
    الدولة
    في بلاد الله
    المشاركات
    2,640
    حياكم الله ونورت الصفحه
    لا تقل: يا رب همي كبير
    ولكن قل: يا هم ربي كبير




    مع تحيات عز الخوي

  6. #6
    الصورة الرمزية آإۈڄآإع
    عضو متميز جدا

    آإۈڄآإع غير متواجد حالياً
    تاريخ التسجيل
    Aug 2009
    الدولة
    حُـضَن ٌالسْمـآء
    المشاركات
    1,087
    يسلمۈ ع هييڪ مۈضۈع
    مرره رۈۈۈعهـِ

  7. #7
    الصورة الرمزية شامي الدهيمان
    مشرف

    شامي الدهيمان غير متواجد حالياً
    تاريخ التسجيل
    May 2004
    الدولة
    بيتنا
    المشاركات
    11,304
    يعطيك العافية عمو حمزة

    موضوع جميل

    تقبل مروري



    عامل الناس كما تحب إن يعاملوك

  8. #8
    الصورة الرمزية رفحاوي

    كاتب مؤسس


    رفحاوي غير متواجد حالياً
    تاريخ التسجيل
    Jan 2003
    الدولة
    بفضاء سيرة ابي (رحمه الله) العطرة
    المشاركات
    20,263

    أضحك الله سنك عمو حمزة وسن الكاتبة ...
    فعلاً كلامها واقعي وهذا هو حال أغلب النساء للأسف ...
    وبعد صبر عليها يتزوج ثم تعاتبه لماذا تزوجت ؟!


  9. #9
    الصورة الرمزية عروووبة

    أخـــت المســـآكين


    عروووبة غير متواجد حالياً
    تاريخ التسجيل
    Jun 2005
    الدولة
    أذكر الله . .!
    المشاركات
    20,135
    اضحك الله سنك وبارك فيك على النقل الطيب

    جزاك الله خير عمو

    ~~~ اللهم أجعل همــي الاخــرة ~~~



    تحت الإنشاء

+ الرد على الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك