صب روب - صب يدام

[رفحاوي]

كنت مع عائلتي المصونة نتعشى ...
وصار لي موقف محرج ما خلانن اتعشى ...
اول شي جابوا العشاء وحطوا الروب واليدام بجنبي
تربعت على الصحن كالعادة

واول ما قلت باسم الله وجيت ابي امد يدي
قال لي ولدي الصغير : يبه ابي روب
قلت له( بكل ابوة حانية): ابشر يا ولدي يا فريخي (كلمة مشهورة برفحاء اكتسبت من احتكاكهم مع اشقائهم بالعراق)

وصبيت لولدي وابتسمت وارسلت يدي للصحن
وبينما يدي في اتجاهها الصحيح قال ولدي الثاني : يبه ابي روب
قلت : ابشر وصبيت له

ماطول عليكم راح ليلي
صب روب
صب يدام
التفت لامهم وقلت : وشبهم الليلة كانهم مشفوحين ؟!!
قالت: هذا هم كل ليلة
قلت: اجل الحمد لله اني ابو .

[الجوال]

أخي رفحاوي
أبشر بالعوض وللي يدسم شاربك ولا يهون أبو شنب

[رفحاوي]

اخوي الجوال ...

تسلم الله يسلمك يمل العافية والعرس والله يرزقك باللي يقول لك صب روب وصب يدام

مع انهم حوسه واحيانا يرفعون الضغط بس نغليهم وما نقوى نطول برى البيت ودنا نشوفهم ... الله يصلح عيالنا كلهم ...

[همّام]

اولا عسى الله يصلحهم لك ويخليك لهم

ثانيا ما الذي دعاك لممارسة هذه المهنه التي كنت تجهلها من قبل
هل نعتبر هذا أيضا ضمن التغيير في السياسه بعد الـ ألفين أم

ثالثا عشاك عندي لزوم

[رفحاوي]

الله يسلمك اخوي الغالي / همام ...

دعانن لممارسة المهنة الغصب ...
لقيت نفسي بدون مقدمات
بجوار الروب واليدام
وامام المدام
ويميني ويساري
افلاذ الكبد
فما كان مني الا الاستجابة لنداءاتهم المتكررة ( صب روب - صب يدام)...

عقبه قمت افكر عن هالجيل المتطور المتعلم الفاهم
ماهم مثلنا ما كنا نقدر نقول لابواننا اي كلمة
تخيل لو انك قلت لابوك صب روب وش يبي يصير
اكيد راح يرسل عليك الروب واليدام( لاحظ انك طلبت روب بس) وما لهن مناص عن الخشة ...

ثالثا حلوة ودسمة وتفتح الشهية ويبي له جلسة ...
عشان ما يصير تضارب بينك وبين اخوي الجوال ابي اسوي جدول
اخاف تسوون عشاكم بليلة وحدة

[ابو شنب]

ايامالين الغنيمه انت وعيالك

ماني حالف فلاكن شوف عيني تجرك مع كراعك ولو تذكيك ماترفس وليا جيت عندي هنا قمت تسلط على البنيوات والحريم وتهذري بالعرس

اخونا الجوال

لاهنت ياروس الرجاجيل لاهنت تسلم والله

كفووووو

وسمعت عن مويضيع لك عن ممسح الريضان اللي يوم يغير ويوم ينير فلاكن ماقسم الله اغير معك
مادري وش رايك وانت كلك نظر؟

والله اني مشتهين انكله


قال يطالب بطردنا اللحية الغانمة
انا ورفحاوي وانت


اياملا الغنيمه يازمن العجايب

مار مابقى الا ممسح الريضان

[رفحاوي]

هلا وغلا بابو شوارب كنهن سرب عقبان ...

مثل مانت عارف
انا انسان مرهف الحس
ملتهب المشاعر
ديموقراطي
ادعم حقوق المراة

وهذي المميزات انعكست على تعاملي مع وزارة الداخلية
(قصدي ام العيال لحد يفهم غلط وبعدين اقضي تالي عمري هناك)
المهم انعكست وصرت اتجاوب معه واطيعه بكل شي

نسيت اللي كنت ابي اقوله
بامان الكريم

[الدب الداشر]

حجي فرحااوي

خلك مثلي

اذا جااء الأكل

كل الأهل يدرون ان الدب الدااشر على الاكل

لا يسمع"غير قمشة الأكل" ... لا يرى "غير الصحون"..."لايتكلم سوا صب روب صب يدام"

[رفحاوي]

ههههههههههههههاي

بالعافية دبدوووووووب

ودي اعرف وشي قمشة الاكل ؟!!

اسف عالتاخير لمدة سنتين ونص بس ...

سقى ذيك الايام ...

[ليث]

هههههههههههههههه


مافيه تقنيه حجي يخلطونهن ويقدومنه مع بعض

[رفحاوي]

خالي به تقنية اكتشفته هسى كرمال شواربك ....

المرة اللي ما تقضب وغدانه يوخذ عليه ...

[الدب الداشر]

قمشة = قرمشة ..


بعض الاخطاء المتعمدة تبين مستوى الذكاء الإحتياطي ..

هع هع هع

[رفحاوي]

هع هع هع

من ناحية الذكاء انت ذكي يا دب ...

لكن عيبك ....... والا بلااااااااش

[الدب الداشر]

ههههههههههههههههههههههههههههههههههه


منهو الدفش ؟؟

[رفحاوي]

ههههههههههههههههههههههههههههههههههه


منهو الدفش ؟؟

[align=center]

يا مذكور بالخير يا دبدووووب ...

حلولات من ارسل لك 5 حبات بروست بليلة هالجمعة تبرد بهن على قليبك ...

[/align]