قصيدة اعجبتي أجمل ما قيل بالمدح للشاعر خضير الصعيليك في مدح عبدالكريم الجربا ( أبو خوذة )

يا شيخ إنا جيتك على الفطّر الشيب
قـــزّان مـــن دار المحبيـــن دبـــــّاب
دبــا علـــيّ ودبّ منـــي بتقريــــب
قل المواشـــي يـا ذرا كــــل منهــاب
من دارنــا جينــــا لدارك مغــاريب
يمّوم نجــــمِ لا تغيـــّـــر ولا غـــــــاب
متخـــيرك يا منقــع الجود والطيـب
لا خيـّـب الله للأجاويـــــد طـــــــلاّب
سلام مــن قـــــلبٍ محـبٍ بـلا ريــب
له يستتبّ الشـاب ويشيبّ من شاب
يالجوهــر النــاريز يالعطـر يالطيـب
يالصعـل يالصهّال يا حصـان الاطلاب
يالزيـر يالزحــّار يالنمــــر يالذيـب
يالّليـث ياللاّيــوث يالشبـل يالـداّب
يالضاري الضرغام عطـــب المضاريب
يالفرز يامفـراس ضــــده والاجــناب
يالنّـادر الهيلـع عقــــاب المراقيـــب
يا نافـــلٍ جيلـه بعيديـــن وأقــــراب
نطّـاح طابـور العساكـــر ليـاهيــــب
ستر العذارى لاغشى الزمل ضبضاب
عيبك الى من قالوا الناس بك عيـب
بالسيــف لأرقــــاب المناعيـر قصّــاب
وعيبك الي من قالوا الناس بك عيب
للسمن فوق مفطّــح الحِيـــل صبّــاب
وذبح الغنم والكوم حرش العراقيب
وِإعطى المهــار وبذل مالٍ بلا حسـاب
وبك شـــارةٍ كـــب الفــراد المحاديب
وبذل الطعــام وللتنافيـــل كسّـــاب
ونمرا تجـــرّه للعـــــدا والاجــــــاني
تفجا بهـــا غـــرّات ضــدك بالاسباب
ومن عقب ذا بالعون مابك عذاريب
احلــى من السكّر علــى كبد شـرّاب
جيناك فوق الهجن شيــــب المحاقيب
لمشاهدك ياشـــوق وضّـــاح الانيـاب
الحرّ يضــرب بالكـــفوف المعاطيـــب
والتّبع قناصه من الصيـد ما جــاب
وانت الذي تافــــــي بكل المواجيب
كنك هديـــب الشـام بالحمـل عتّاب
تثنـــي لابو صلفــيق مابه تكــاذيب
شيخ السخا معطـي طويلات الارقااب
ياما عطيت اللي يجونــــــك طلاليب
كم واحد جا لك من الوقـت منصااب
وفرجــت همّــه في كبــــار المواهيب
من عيلمٍ يزمـي كما يزمي الـــزّاب
عز الله انك طيـــب وتفعـــل الطيب
والطيب يجنى منك يازاكي الانساب
ولاهو كثيرٍ يا مهـــدي الاصـــاعيب
أفعالكم يعـــدّة اللـــي بالاصــــلاب