الرومانسية الطريفة والظريفة .. ( هيك والا بلا ..!؟)

[عمار الزيادي]

أزواج غير رومانسيين مواقف مضحكة وطريفة


1/ وحده من الحريم ملت من الروتين اليومي في حياتها وحبت انها تسوي مفاجئه لزوجها
بسهره رومنسيه ...المهم قامت واطلبت الكيكه من الدبلوماسي والعصيرات
وخلت الاضاءه بالمجلس هاديه وولعت الشموع ونومت عيالها وتزينت عشان تهيئ الجو لهم .....
.المهم جاء الزوج من الاستراحه وريحته تفاوح دخاخين واستقبلته ودخلته للمجلس وقصت له من الكيكه
وصبت له من العصير...المهم يوم بلع وخلص قالها الحين وراك مجلستنا بالظلام حشى كأننا بقبر.
.تقول هي انها بلعتها وسكتت منب مخربه السهره...قام وكمل ذا الماصل وقالها الحين وراك طالبه حجم كبير
من الكيكه كان طلبتي حجم صغير وشوله الاسراف يالله روحي قومي البزارين ياكلون منها عشان ماتكب..
.عاد هي حامت كبدها منه وطفسته وزعلت عليه......
..تدرون المفروض انها تحط له خبز وفول ويخب عليه هذا مهوب وجه تدليع


............ ......... ......... ......... ......... ... ............ .........



2/هذي وحده من البنات توها متزوجه وحابه تسوي حركه لزوجها .
..قامت وتزينت وتجهزت من مجاميعه وحطت الاضاءه هاديه وشغلت الدخان الصناعي
وانتظرته لحد ماشرف...المهم يوم دخل ويشوف الدنيا شبه مظلمه والدخاخين
حاجبه الرؤيه قام يركض للصاله وجلس يناديها
وهي ساكته ماترد عليه تتغلى عليه(على بالها حركه ماتدري مسيكينه انها بتروح في خبر كان)
عاد هو طار للمطبخ وجاب جيك ماء وكبه عليها يحسبها انه مغمى عليها من الدخان
عشان كذا ماترد عليه(جاء بيكحلها عماها)....بالله وش تتخيلون موقفها؟؟؟...

............ ......... ......... ......... ......... ... ............ .....



3/ هذي وحده من البنات تزوجت وراحت للخارج مع زوجها بعثه للدراسه له ولها...


المهم شافت ذا الحمران العطران ورمنسيتهم قالت خل اسوي مثلهم.
وخاصة انهم كلهم يدرسون وكل واحد فيهم وقت دراسته تختلف عن الثاني
فما فيه وقت للجلسه الهاديه.. فقامت يوم من الايام قبل ماتروح للمعهد قالت
خل افتح نفسه شوي لما يرجع تعبان ويبغى ينام شوي
ونثرت على السرير ورود والعطورات الفواحه تفوح في الغرفه ومن ذا الحركات.
..قالت إذا رجع وشاف الحركات هذي اكيد بيستانس شوي... المهم يوم رجعت من المعهد
شافت زوجها نايم في الصاله عاد هي استغربت وراه تارك السرير ما امبطح عليه...ويوم صحى
وسألته قال الله يصلحك ناثره لي عشب على السرير وشلون انام عليه (الله يقلعه ما يميز بين الورود والعشب).
...بالله مو المفروض تنثر على السرير تين شوكي عشان يتأدب



............ ......... ......... ......... ......... ... ............ ......... ......... ......... ..




4/هذي وحده تعشق شئ اسمه رومنسيه و كانت دائما تعزم زوجها في مطعم راقي على حسابها
يعني تغير من جو البيت وروتينه ..وكانوا دائما يسون ذا الحركه وهو وجهه مغسول بمرق كل ما طلعوا
يطلب كل مالذ وطاب على حسابها ..عاد هي جتها ام العبيد وقالت انا اوريه عشان يتأدب
ويعزمني بدال ما انا أعزمه...قامت وعزمته زي كل مره ويوم خلصوا ماكلين
قالت له اكرمك الله ياابو فلان على العشى...عاد هو شرق بالعصير من الروعه
, قال لها وشلون يعني؟؟؟ قالت له الله يسلمك الفاتوره
دفعتها من جيبك اخذت المبلغ من بوكك قبل ما نطلع....
.تقول عقبها طاح وجهه تأدب وصار يطلعها كل سنه مره (تعب نفسه صراحه)......

............ ......... ......... ......... ......... .. ............ ......... .......



وحده لا هي ولا زوجها يدلون الرومانسيه وكانت بيوم راح تنقل لبيت ملك المهم شارت عليها
إختها إنها تشتري حركات فطلعت مره هي زوجها يشترون شموع اشكال والوان بعد فتره كان
زوجها طالع وإستغلت الفرصه وإدهرت تضبط البيت وتكشخت وشغلت الشموع يوم جاء المحروس
شاف الدنيا ظلام يوم دخل على زوجته ولع النور وطفى الشموع قاله الله يهداك الحين أنا شاريهن لي طفى الكهرب <<<<< قمة التحطيم



............ ......... ......... ......... ......... .. ............ ......... ......... .



أنا معلمه وعندي في البيت أوراق كثيره هنا وهناك وإذا خلصت المدرسه ألمها وأجمعها في كرتون وإذا ما أبغاها أحرقها >>>>>> المهم ما أطول عليكم .


رحت وشريت لي كتاب رومنسيات زوجيه قالك بتثقف وأصير رومنسيه حتى أعجب أبو الشباب


وأنا كنت بداية الاجازة أروح لأهلي وأطول عندهم كذا يوم وهو قاعد بالبيت


قريت في الكتاب انه إذا سافر زوجك أو تركتي البيت اكتبي بطاقات حلوه ملونه فيها عبارات جميله للزوج وحطيها بين ملابسه عشان إذا جا يلبس يقرا البطاقات ويتذكرك حتى وانتي غايبه عن عينه ......
واختكم في الله سوتها .......... تتوقعون إيش كانت النتيجة ............ ......... ......... ...اهئ اهئ


لما رجعت البيت بعد اسبوعين لقيت البطاقات على طاولة الكمبيوتر حقي قمت ضحكت وأقول قراها بدون ما يعلمني الظاهر عجبته الحركة >>> زوجي كتوم جداً


قلت له ياعيوني ياحبيبي عجبتك الحركة .........


قالي أي حركة لا عد ترمين أوراقك منا ومنا وأنا ألقط وراك ليه شايفتني شغال عند أبوك تسنعي ياحرمه .


إيش رايكم فيه >>>>>> طعس صحيح .
............ ......... ......... ......... ......... .. ............ ......... ...


مره سويت لزوجي ليلة رومانسية على قولتكم وقمنا نرقص هذيك الرقصه وش اسمها ايه سلو الي تحطين يدك ورى ظهر زوجك وهو يحط ايده ورى خصري وكنت منسجمه مع الجو تخيلوا وش قال قال تكفين تكفين حكي ظهري فوق شوي لالا تحت شوي وانا ميته من القهر هههههههههه


منقووووول

تنويه : ربما لا يكون هذا مكانه .. وللمشرفين حق نقله في المكان المناسب ..

[عروووبة]

^
^
<<< أما حكي ظهري
ضحكت ضحك (( استغفر الله واتوب اليه


المفروض الوحده قبل تتخسر تدرس الادمى اللى عندها
أن به شي اسمه رومنسية وحركات . . مع انه والله مايخفاهم اللى تحت الفرشه
.
.
.
.
.
أضحك الله سنك

[ريانه]

اوووما اول واحد يقهرررر حده كبسة حاشي وتخب عليه بعد

واخر وحده تقهر برضه ..متأثره بالافلام المصريه !!



شكرا ً خيو .. ضحكت كتير كتير


انا قرريت مره عن وحده بتسوي مفاجئه لزوجها فارسلت اولادها لاختها
وحطت شمعات وحركات وكشخت ولبست فستان زواجها وجلست بمجلس الرجال ( ظلام )
ونامت ياعمري
جاء زوجها ولا لقى احد في البيت !!!
كلم على اهلها قالوا مهي عندنا .. وانهبلوا يدورونها هي وعيالها وجوو اخواانها للبيتها

والفشيله لقوها نايمه ..بغى يضربها اخوها :(


الزبده طولناها وهي قصيره ..شكرا عمارالزيادي

[شمـــاليه]

مره سويت لزوجي ليلة رومانسية على قولتكم وقمنا نرقص هذيك الرقصه وش اسمها ايه سلو الي تحطين يدك ورى ظهر زوجك وهو يحط ايده ورى خصري وكنت منسجمه مع الجو تخيلوا وش قال قال تكفين تكفين حكي ظهري فوق شوي لالا تحت شوي وانا ميته من القهر هههههههههه

ههههههههههههههههههههه مت ضحك وربي
ودتس دابغته مع ظهره بدال الحكه ..

يعطيك العافيه بس نسيت تكتب بالبدايه : [ الشعب السعودي ]

[شريدة الشريدة]

بس نسيت تكتب بالبدايه : [ الشعب السعودي ]

اشوف ناس كثيرة تتجنى على الشعب السعودي

معننا نعرف كثير ناس عندهم من الذوق و اللباقة و ((( الرمنسية ))) الشيء الكثير

؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!! !1

[ابومحمدالزوبعي]

^
^
^
ههههههههه مثل بعض الناس الرومنسية شرق وهو غرب

[السلطه الخامسه]

الضحك الله سنك

بس لا تتجنون على الشعب السعودي موكلهم كذا فيهم الكثير من الرومنسيه

والرومنسيه مفتاحه عند الزوجه بكل تاكيد


-
-------------------------------

اما راع المطعم كانه اخذتهن من قلبه ابو شباب
هههههههههههههههههههههه

مشكور وما قصرة

[شريدة الشريدة]

^
^
^
ههههههههه مثل بعض الناس الرومنسية شرق وهو غرب

ايش قصدك يا محترم ؟!

[عمار الزيادي]

^
^
<<< أما حكي ظهري
ضحكت ضحك (( استغفر الله واتوب اليه


المفروض الوحده قبل تتخسر تدرس الادمى اللى عندها
أن به شي اسمه رومنسية وحركات . . مع انه والله مايخفاهم اللى تحت الفرشه
.
.
.
.
.
أضحك الله سنك

شكراً عروبة .

أكثر شيء ضحكت منه هذا الموقف .

[عمار الزيادي]

اوووما اول واحد يقهرررر حده كبسة حاشي وتخب عليه بعد

واخر وحده تقهر برضه ..متأثره بالافلام المصريه !!



شكرا ً خيو .. ضحكت كتير كتير


انا قرريت مره عن وحده بتسوي مفاجئه لزوجها فارسلت اولادها لاختها
وحطت شمعات وحركات وكشخت ولبست فستان زواجها وجلست بمجلس الرجال ( ظلام )
ونامت ياعمري
جاء زوجها ولا لقى احد في البيت !!!
كلم على اهلها قالوا مهي عندنا .. وانهبلوا يدورونها هي وعيالها وجوو اخواانها للبيتها

والفشيله لقوها نايمه ..بغى يضربها اخوها :(


الزبده طولناها وهي قصيره ..شكرا عمارالزيادي

شكراً ريانة .

وياكثر المواقف الطريفة ـ لكن ماأحد يطلعها إلا القليل .

[عمار الزيادي]

ههههههههههههههههههههه مت ضحك وربي
ودتس دابغته مع ظهره بدال الحكه ..

يعطيك العافيه بس نسيت تكتب بالبدايه : [ الشعب السعودي ]

شكراً / شمالية .

الدبغة قليلة .

وأما عن النسيان ـ لا تعليق.

[عمار الزيادي]

اشوف ناس كثيرة تتجنى على الشعب السعودي

معننا نعرف كثير ناس عندهم من الذوق و اللباقة و ((( الرمنسية ))) الشيء الكثير

؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!! !1

شكراً / صاحب السمو .

هم يقصدون القليل .

[عمار الزيادي]

^
^
^
ههههههههه مثل بعض الناس الرومنسية شرق وهو غرب

شكراً يابومحمد.

اللي مشرق واللي مغرب أكيد يبي يلتقون بمكان واحد.

[عمار الزيادي]

الضحك الله سنك

بس لا تتجنون على الشعب السعودي موكلهم كذا فيهم الكثير من الرومنسيه

والرومنسيه مفتاحه عند الزوجه بكل تاكيد


-
-------------------------------

اما راع المطعم كانه اخذتهن من قلبه ابو شباب
هههههههههههههههههههههه

مشكور وما قصرة

شكراً / السلطة الخامسة .

والله والحلا .

[عمار الزيادي]

ايش قصدك يا محترم ؟!

عين خير ياصاحب السمو مايقصد الا خير .

وسع بالك .