آخر المشاركات

+ الرد على الموضوع
النتائج 1 إلى 11 من 11
  1. #1
    الصورة الرمزية شمـــاليه

    مشـرفـة الأقسـام الأدبيـة


    شمـــاليه غير متواجد حالياً
    تاريخ التسجيل
    Dec 2005
    الدولة
    رفحــاء
    المشاركات
    12,717

    ][ هذا وطنـّا ماسكناه تهجير ][

    بسم الله..


    < ضرب فيها الحماس..


    قصيدة راااااااااااااائعه وقديمه لشاعرها الملازم الحارثي

    [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

    خل النياح وفارق العش يا طير = غرد وهز الريش في كل عالي
    اليوم هذا غير وأيامنا غير = والبارحة ما هي سوات الليالي
    الأرض صارت في عيوني نواوير = والبدر تم وجا مكان الهلالي
    وابها تحدت في بهاها الغنادير =فلت جدايلها وقامت تلالي
    وفي وجه خالد للفرح ألف تعبير =وحجاج فيصل فيه كل ابتهالي
    من السعادة باقي شوي ونطير = عز الله ان اللي لفا الدار غالي
    يا مرحبا ما غرّدن العصافير = يا مرحبا ما زاف نبت السهالي
    ترحيب احلى من حليب المصاغير = وضح رعت روض ربيع وخالي
    باللي شكت رجله طوال المشاوير =يا طى بها درب الخطر ما يبالي
    قرت عيون اللي يحبون يامير =طاريك.. والاّ الحين شفتك قبالي
    يا ما حسبت الوقت حسب الدنانير = اسامر انجوم الثريا لحالي
    مبطي وانا اسمع فيك وصف البياطير = واليوم جالي في القصيده مجالي
    يا سيدي مال القوافي معاذير = عن البيوت الوافيات الجزالي
    من لا جعل للمدح قيمه وتقدير = ماظنتي يلفت ذهون الرجالي
    وانت الذي معك السحاب المزابير = تمشي ويتبعك الحيا والخيالي
    وانت الذي باسمك تباح الاسارير = ومثلك له اسماءٌ عراض طوالي
    سلطان يا سلطان من يومك صغير = ما في بسلطانك وشخصك جدالي
    كانوا ولازالوا يسمونك الخير = وياكثر الاسما اللي تزاحم فبالي
    كريم سبلا الا زبون المخاسير = طلق الحجاج الا بعيد المدالي
    درع البلاد الا طويل الاشابير = ابو اليتيم الا عشيق المعالي
    لا والله ابن مسطر المجد تسطير =على حصى الأرض ونفود الرمالي
    واخو فهد ذروة سنام المشاهير = صفوة ملوك الارض باول وتالي
    فهد ولا قلنا فهد جاوب النير =تهتز لاسمه راسيات الجبالي
    زعيمنا اللي للعلا واصل السير =حتى تعلينا على كل عالي
    ماللطموح بوسط راسه معايير =ولا للعوج عنده ياكود اعتدالي
    اليا زعل تزعل ملوك وجماهير = وليا رضى ينهي جميع الجدالي
    مايشبهه غير الثنين المناعير = انته. وأبو متعب كريم السبالي
    عبدالله اللي فيه من سالم الزير =خطل اليمين الليث حام التوالي
    سقم العدو اليا هرج دون تفكير =رده على العدوان جاهز وحالي
    نفخر بكم والا القصايد تعابير =يا شيوخ نجد الشعب كله موالي
    والله لو فيكم عن الملك تقصير = ما خصكم ربي عظيم الجلالي
    منّا وفينا ما لفيتو مداوير = حكامنا وقت الدهور الهزالي
    ورث الجدود امن الليالي المعاسير = قبل القصور وقبل صرف الريالي
    هاك الزمان سلاحنا حملة بعير = ومن يومنا متوثقين الحبالي
    منهاجنا واضح ولا فيه تغيير =نموت ما نرضى عليه البدالي
    مااستعمرونا اللي غذاهم خنازير =تشهد لنا شهب السنين الخوالي
    من قبل عاشر جد أبو بوش وبلير = ما هي ثلاث شهور والا حوالي!
    واليوم في وقت الرخا والتياسير = شفنا العجب! لا والله الا الهبالي
    يا كثر ما قامت تسوق المقادير = ويا شيب عيني لاذكرت وطرالي
    المسجد اللي هزه اصوات تفجير = في حزة فيها يجاب السوالي
    والمسلم اللي ذبح من دون تبرير = ودم الرضيع اللي على الوجه سالي
    بنشدك يا مكفر هل الدين تكفير = وش حكم ذبح المسلمين العزالي؟
    تدبر القرآن والهدى تدبير =واخذ الجواب بصيغته والكمالي..
    فضحكم الله يالوجيه المغابير =يا طغمة التخريب والانحلالي
    واللي على الفتنه تدق المزامير = نعرف مطامعهم على كل حالي
    ونعرف من يدفع رسوم الفواتير = يا الحيه اللي جحرها الاحتلالي
    لنحورهم حنا سوات الازارير = حنا حماة الدين ياهل الظلالي
    الارض نزرعها رماح ومسامير =يحرم عليهم وطيها بالنعالي
    ديارنا ماهيب كابل وكشمير = يا هملالي صدق يا هملالي!!
    حامينها الاجداد عج ومعاصير = بسيوفهم على ظهور الجمالي
    واليوم يا سلطان شفهم طوابير =ملّوا من المجلاس تحت الظلالي
    يبون يوم فيه للحق تكبير= عن الكلام تبان فيه الفعالي
    يا سيدي قل وش تبي بس ويصير =حدد هدف لو هو عسير المنالي
    فالجو نفاثه وفالقاع جنزير = وان متّ هاك اليوم من طيب فالي
    هذا وطننا ماسكناه تهجير =الجيش واحد ما حملنا الحمالي
    لو ينتخي عرعر تلبيه خرخير = كل الجنوب يصير جنب الشمالي
    لا يا وطن لا تحسب إنّا مدابير = لو الدهر في بعض الاحيان مالي
    طالبك لا تجفل من الوقت وتذير = وكلّ ابناك وبالله الاتكالي
    وان كان ما شفت السعد والتباشير = عيب علينا لبسنا للبدالي
    نذر علي لحرسك وافديك واغير = ديني. وعرضي فيك. وأغلى حلالي.
    واللي يأثر فيك بأيّات تاثير = ابرى منه لو كان عمي وخالي
    وان مت واخذتني صروف المقادير = والله لوصي فيك حتى عيالي[/poem]






    * مشرفينا لاتنقلونه خلوها بالعامه

  2. #2
    عضو متميز جدا

    الصرح غير متواجد حالياً
    تاريخ التسجيل
    Aug 2010
    المشاركات
    1,796
    دام عزكـ ياوطن ....


    ياسلام على الاختيار >> قصيدة قمة في الروعة و الوطنية

    شكرا..... شمالية

  3. #3
    الصورة الرمزية ابومحمدالزوبعي
    شريف النشمي

    ابومحمدالزوبعي غير متواجد حالياً
    تاريخ التسجيل
    Jul 2007
    الدولة
    تحت أقدام أمي
    المشاركات
    11,857
    قصيدة رائعة
    يعطيك العافية شمالية

  4. #4
    الصورة الرمزية الدب الداشر
    عضو متميز جدا

    الدب الداشر غير متواجد حالياً
    تاريخ التسجيل
    Jul 2002
    الدولة
    مـ ــوطـ ــنـ خـ ــطـ ـايـ
    المشاركات
    24,704
    صح لسان الشاعر وأرجو نقل القصيدة إلى قسم المرأة .. عشان اللي مشاركة فيها مرأة .. ومنعا ً للإختلاط ..

  5. #5
    الصورة الرمزية شمـــاليه

    مشـرفـة الأقسـام الأدبيـة


    شمـــاليه غير متواجد حالياً
    تاريخ التسجيل
    Dec 2005
    الدولة
    رفحــاء
    المشاركات
    12,717
    الصرح / حياك الله وبياك اشكرك على المرور ولاهنت

  6. #6
    الصورة الرمزية شمـــاليه

    مشـرفـة الأقسـام الأدبيـة


    شمـــاليه غير متواجد حالياً
    تاريخ التسجيل
    Dec 2005
    الدولة
    رفحــاء
    المشاركات
    12,717
    ابو محمد / الرائع مرورك حياك وبياك

  7. #7
    الصورة الرمزية شمـــاليه

    مشـرفـة الأقسـام الأدبيـة


    شمـــاليه غير متواجد حالياً
    تاريخ التسجيل
    Dec 2005
    الدولة
    رفحــاء
    المشاركات
    12,717
    صح بدنك يالنحيف لاهنت..





    شكو قسم المراءه

  8. #8
    الصورة الرمزية شمـــاليه

    مشـرفـة الأقسـام الأدبيـة


    شمـــاليه غير متواجد حالياً
    تاريخ التسجيل
    Dec 2005
    الدولة
    رفحــاء
    المشاركات
    12,717


    هذا وطنّا ماسكناه تهجير / الجيش واحد ماجمعنا الحثالي!!
    لو ينتخي عرعر تلبيه خرخير / كل الجنوب يصير جنب الشمالي!!

  9. #9
    مشـرف

    عقارب غير متواجد حالياً
    تاريخ التسجيل
    May 2009
    الدولة
    عقارب
    المشاركات
    8,776
    الله الله الله


    صح لسان الشاعر وصح لسانك شماليه




    ابيات بقمه الروعه


  10. #10
    الصورة الرمزية صادق الاحاسيس
    عضو متميز جدا

    صادق الاحاسيس غير متواجد حالياً
    تاريخ التسجيل
    Jan 2008
    الدولة
    رفحااااااااء
    المشاركات
    2,008
    يعطيك العااافيه

    وهذا مقطع له امام سمو سيدي الامير سلطااان

    http://www.youtube.com/watch?v=HbpIo7oAgN8


  11. #11

    مراقب عام


    الأواكس غير متواجد حالياً
    تاريخ التسجيل
    Jun 2009
    المشاركات
    362

    صح لسان الشاعر

    ويال روعة الابيات وجمالها

    الله يعطيك العافيه شماليه

+ الرد على الموضوع

المواضيع المتشابهه

  1. للفايده
    بواسطة ابوبادي 12 في المنتدى المنتـدى الـعــام
    مشاركات: 5
    آخر مشاركة: 08 Mar 2010, 05:27 PM
  2. استمرار ارتفاع الدولار والين 21/1/10 من forexyard
    بواسطة fxyard في المنتدى منتديات الاقتصاد والاسهم
    مشاركات: 0
    آخر مشاركة: 21 Jan 2010, 09:55 PM
  3. عن الموت
    بواسطة عزازي في المنتدى الخواطر والشعر الحُر والقصص والالغاز
    مشاركات: 8
    آخر مشاركة: 14 Jan 2010, 11:35 AM
  4. لغتنا الجميله : (موضوع متجدد ) ....
    بواسطة برق السحاب في المنتدى المنتـدى الـعــام
    مشاركات: 12
    آخر مشاركة: 17 Jun 2007, 03:45 AM
  5. طاش!! قراءة هادئة وسط الضجيج
    بواسطة الوتر الحساس في المنتدى المنتـدى الـعــام
    مشاركات: 0
    آخر مشاركة: 13 Oct 2006, 01:00 AM

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك